ಸೂರ್ಯ​ ಡಕ್​ಔಟ್​​! ಆರ್​ಸಿಬಿ ಪರ ಮಿಂಚಿದ ಭುವಿಗೆ 4 ವಿಕೆಟ್​; ರಜತ್​ ಪಡೆಗೆ 167 ರನ್​ ಗುರಿ | RCB vs MI

RCB vs MI: ರಾಯ್​ಪುರದಲ್ಲಿ ನಡೆಯುತ್ತಿರುವ ಆರ್​ಸಿಬಿ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ 19ನೇ ಆವೃತ್ತಿಯ ಐಪಿಎಲ್ ಪಂದ್ಯದ ಮೊದಲ ಇನ್ನಿಂಗ್ಸ್ ಮುಕ್ತಾಯಗೊಂಡಿದೆ.

ಟಾಸ್​ ಗೆದ್ದ ಆರ್​ಸಿಬಿ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ, ಬ್ಯಾಟಿಂಗ್​ ಮಾಡಿದ ಮುಂಬೈ ಪಡೆಗೆ ಆರಂಭಿಕರಾದ ರೋಹಿತ್ ಶರ್ಮಾ (22 ರನ್​) ಮತ್ತು ರಿಕಲ್ಟನ್​ (2) ಉತ್ತಮ ಓಪನಿಂಗ್​ ನೀಡಲು ವಿಫಲರಾದರು. ಇನ್ನು ಶೂನ್ಯಕ್ಕೆ ಔಟ್​ ಆದ ಸೂರ್ಯಕುಮಾರ್​ ಯಾದವ್ (0) ಎಂದಿನಂತೆ ಕಳಪೆ ಪ್ರದರ್ಶನ ತೋರಿದರು. ಅವರ ಬಳಿಕ ಕ್ರೀಸ್​ಗೆ ಬಂದ ನಮನ್​ ಧಿರ್​ (47 ರನ್​) ತಿಲಕ್​ ವರ್ಮಾ (ಅಜೇಯ 57 ರನ್​) ಅವರ ಅದ್ಭುತ ಇನ್ನಿಂಗ್ಸ್ ಸಹಾಯದಿಂದ ಎಂಐ 20 ಓವರ್​ನಲ್ಲಿ 7 ವಿಕೆಟ್​ ನಷ್ಟಕ್ಕೆ 166 ರನ್​ ಕಲೆಹಾಕಲಷ್ಟೇ ಶಕ್ತವಾಯಿತು.

ಇನ್ನು ಆರ್​ಸಿಬಿ ಪರ ಅದ್ಭುತ ಬೌಲಿಂಗ್ ಮಾಡಿದ ಅನುಭವಿ ವೇಗಿ ಭುವನೇಶ್ವರ್​ ಕುಮಾರ್​ 4 ವಿಕೆಟ್​ಗಳನ್ನು ಕಬಳಿಸಿದರೆ, ರಾಸಿಕ್​ ಸಲಾಮ್, ಜೋಶ್​ ಹೇಜಲ್​ವುಡ್​​ ಮತ್ತು ರೊಮಾರಿಯಾ ಶೆಫರ್ಡ್​ ತಲಾ 1 ವಿಕೆಟ್​ ಪಡೆದರು. ಅತಿ ದೊಡ್ಡ ಸ್ಟೇಡಿಯಂನಲ್ಲಿ ಎಂಐ ನೀಡಿರುವ 167 ರನ್​ಗಳ ಗುರಿಯನ್ನು ರಜತ್​ ಪಡೆ ಸುಲಭವಾಗಿ ಚೇಸ್​ ಮಾಡಲಿದೆಯಾ ಅಥವಾ ವಿಕೆಟ್​ಗಳನ್ನು ಕಳೆದುಕೊಂಡು ಮತ್ತೊಂದು ಸೋಲು ಅನುಭವಿಸಲಿದ್ಯಾ? ಎಂಬುದನ್ನು ಸೆಕೆಂಡ್​ ಇನ್ನಿಂಗ್ಸ್​ನಲ್ಲಿ ಕಾದು ತಿಳಿಯಬೇಕಿದೆ.