ಆರ್ಸಿಬಿ ಹಾಗೂ ರಾಜಸ್ಥಾನ ತಂಡಗಳ ಮಾಲೀಕತ್ವದ ಬದಲಾವಣೆಯೊಂದಿಗೆ ಐಪಿಎಲ್ ಟೂರ್ನಿ ಮೌಲ್ಯದ ಏರಿಕೆ ಪೂರಕವಾಗಿದೆ ಎನ್ನಲಾಗಿದೆ. ಫ್ರಾಂಚೈಸಿಯ ಮಾಲೀಕತ್ವದ ವರ್ಗಾವಣೆಯ ನಡುವೆಯೂ ಆರ್ಸಿಬಿ ತಂಡದ ಮೌಲ್ಯವೂ ₹2,307 ಕೋಟಿ ಯಿಂದ ₹2,983 ಕೋಟಿಗೆ ಏರಿಕೆ ಆಗಿದ್ದು, ಐಪಿಎಲ್ನ 10 ಫ್ರಾಂಚೈಸಿಗಳಲ್ಲಿ ನಂಬರ್ ಒನ್ ಎನಿಸಿದೆ. ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ (₹2,526 ಕೋಟಿ) ಶೇ.9.1 ಏರಿಕೆಯೊಂದಿಗೆ ಎರಡನೇ ಸ್ಥಾನ ಪಡೆದರೆ, ಶೇ.7.9 ಪ್ರಗತಿ ಸಾಧಿಸಿರುವ ಎರಡು ಬಾರಿಯ ಚಾಂಪಿಯನ್ ಕೆಕೆಆರ್ (₹2,342 ಕೋಟಿ)ತಂಡ, ಐದು ಬಾರಿಯ ಚಾಂಪಿಯನ್ ಸಿಎಸ್ಕೆ (₹2,333 ಕೋಟಿ) ತಂಡವನ್ನು ಹಿಂದಿಕ್ಕಿ ಮೂರನೇ ಸ್ಥಾನಕ್ಕೇರಿದೆ. ಶೇ.3.8 ಮೌಲ್ಯ ಏರಿಕೆ ನಡುವೆಯೂ ಸಿಎಸ್ಕೆ 4ನೇ ಸ್ಥಾನದಲ್ಲಿದೆ.
