15 ವರ್ಷಕ್ಕೆ ಅವನು... 'ಬೇಬಿ ಬಾಸ್'​ ಆಟಕ್ಕೆ ಬೆರಗಾದ ಆರ್​ಸಿಬಿ ಬೌಲರ್​ನಿಂದ ಎಂಥಾ ಮಾತು! | Vaibhav Sooryavanshi

Vaibhav Sooryavanshi: ಮೊನ್ನೆಯಷ್ಟೇ ಅಸ್ಸಾಂನ ಗುವಾಹಟಿಯಲ್ಲಿ ನಡೆದ ರಾಜಸ್ಥಾನ ರಾಯಲ್ಸ್ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ನಡುವಿನ ಐಪಿಎಲ್​ 19ನೇ ಆವೃತ್ತಿಯ ಪಂದ್ಯದಲ್ಲಿ ಆರ್​ಸಿಬಿ ತನ್ನ ಮೊದಲ ಸೋಲುಂಡಿತು. ಸತತ ಗೆಲುವಿನಿಂದ ಖುಷಿಯಲ್ಲಿದ್ದ ರಜತ್ ಪಾಟಿದಾರ್​ ಪಡೆಯ ಸೋಲಿಗೆ ಮುಖ್ಯ ಕಾರಣವೇ ಆರ್​ಆರ್ ತಂಡದ ಯುವ ಬ್ಯಾಟರ್​ ವೈಭವ್ ಸೂರ್ಯವಂಶಿ.

ಈ ಪಂದ್ಯದಲ್ಲಿ ಆರ್​ಸಿಬಿಯ ಎಲ್ಲಾ ಬೌಲರ್​ಗಳನ್ನು ಚೆಂಡಾಡಿದ ವೈಭವ್, ಕೇವಲ 25 ಎಸೆತಗಳಲ್ಲಿ 78 ರನ್ ಸಿಡಿಸಿದರು. ಮೈದಾನದ ತುಂಬೆಲ್ಲ ಬೌಂಡರಿ ಮತ್ತು ಸಿಕ್ಸರ್​ಗಳನ್ನು ಬಾರಿಸಿದ ಸೂರ್ಯವಂಶಿ, ಅಂತಾರಾಷ್ಟ್ರೀಯ ಹಾಗೂ ಅನುಭವಿ ಬೌಲರ್​ಗಳಿಗೆ ನೀರು ಕುಡಿಸಿದ್ದು, ಒಂದು ನಿಮಿಷ ಕ್ರಿಕೆಟ್​ ಪ್ರಿಯರು ಮತ್ತು ನೋಡುಗರ ಹುಬ್ಬೇರಿಸಿತು. ಜೋಶ್​ ಹೇಜಲ್​ವುಡ್​, ಭುವನೇಶ್ವರ್​ ಕುಮಾರ್​ರಂತಹ ಹೆಚ್ಚಿನ ಅನುಭವವುಳ್ಳ ವೇಗಿಗಳ ಬೌಲಿಂಗ್​ಗೆ ಸಿಕ್ಸರ್​ಗಳನ್ನು ಹೊಡೆದ ವೈಭವ್ ಆಟಕ್ಕೆ ಸ್ವತಃ ಭುವಿ ಶಾಕ್ ಆಗಿದ್ದಾರೆ. ಈ ಬಗ್ಗೆ ಖುದ್ದಾಗಿ ಭುವನೇಶ್ವರ್ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. 

ಕೇವಲ 15 ವರ್ಷಕ್ಕೆ ಆತ ತುಂಬಾ ಪ್ರಬುದ್ಧನಿದ್ದಾನೆ. ತನ್ನ ಗುರಿಯ ಬಗ್ಗೆ ಸ್ಪಷ್ಟತೆ ಇದೆ. ಸರಿಯಾದ ಶಾಟ್​ಗಳನ್ನೇ ಆಡುತ್ತಿದ್ದಾನೆ. ವೈಭವ್ ಬ್ಯಾಟಿಂಗ್ ಮಾಡುತ್ತಿರುವ ರೀತಿ ನೋಡಿದರೆ, ನಾವೆಲ್ಲ ಮನ್ನಣೆ ನೀಡಬೇಕು ಮತ್ತು ಆವೃತ್ತಿಯಲ್ಲಿ ಬಹಳ ಚೆನ್ನಾಗಿ ಬ್ಯಾಟಿಂಗ್ ಮಾಡುತ್ತಿದ್ದಾನೆ. ಆದ್ದರಿಂದ ಅವನು ಎಲ್ಲಾ ಮನ್ನಣೆಗೂ ಅರ್ಹ. ಇದೊಂದು ಟಿ20 ಆಟ. ನನಗಂತು ಆತ ನಮ್ಮ ಬೌಲಿಂಗ್​ಗೆ ಆ ರೀತಿ ಎಲ್ಲ ಬಾರಿಸುತ್ತಾನೆ ಎಂಬ ಅರಿವೇ ಇರಲಿಲ್ಲ ಎಂದು ಭುವಿ ಹೇಳಿದ್ದಾರೆ,(ಏಜೆನ್ಸೀಸ್).