ಆ ಟೈಮ್​ನಲ್ಲಿ ಈ ಮಿಸ್ಟೇಕ್​ ಮಾಡಬಾರದಿತ್ತು...ಪಾಟೀದಾರ್ ತೆಗೆದುಕೊಂಡು ಈ ನಿರ್ಧಾರವೇ RCB ಸೋಲಿಗೆ ಕಾರಣವಾಯ್ತು! Rajat Patidar

ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 175 ರನ್​ ಗಳಿಸಿತು. ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​ ತಂಡ 15 ಓವರ್‌ಗಳ ಅಂತ್ಯದಲ್ಲಿ 4 ವಿಕೆಟ್‌ಗಳ ನಷ್ಟಕ್ಕೆ 130 ರನ್ ಗಳಿಸಿತು. ಈ ಸಮಯದಲ್ಲಿ ನಾಯಕ ಅಕ್ಷರ್ ಪಟೇಲ್ ಸ್ನಾಯು ಸೆಳೆತದಿಂದ ಗಾಯಗೊಂಡು ನಿವೃತ್ತರಾದರು. ಅಕ್ಷರ್​ ಬದಲು ಡೇವಿಡ್​ ಮಿಲ್ಲರ್​ ಕ್ರೀಸ್​ಗೆ ಬಂದರು.

ಇನ್ನು ಭುವನೇಶ್ವರ್ ಕುಮಾರ್ ಮತ್ತು ಜೋಶ್​ ಹ್ಯಾಜಲ್‌ವುಡ್ ಆರ್‌ಸಿಬಿಯ ಪ್ರಮುಖ ಬೌಲರ್‌ಗಳು. ಪಂದ್ಯ ಗೆಲುವಿನ ಹಂತದಲ್ಲಿದ್ದಾಗ, ಕೊನೆಯ ಓವರ್‌ಗಳಲ್ಲಿ ಪ್ರಮುಖ ಬೌಲರ್‌ಗಳಿಂದ ಬೌಲಿಂಗ್​ ಮಾಡಿಸಬೇಕು. ಆದರೆ, ಇಲ್ಲಿ ಪಾಟೀದಾರ್ ಒಂದು ಎಡವಟ್ಟು ಮಾಡಿದರು. ಮಧ್ಯದಲ್ಲೇ ಪ್ರಮುಖ ಬೌಲರ್​ಗಳಿಂದ ಬೌಲಿಂಗ್​ ಮಾಡಿಸಿ, ಅವರ ಕೋಟಾವನ್ನು ಮುಗಿಸಿದರು.

ನಿನ್ನೆಯ ಪಂದ್ಯದಲ್ಲಿ ಭುವನೇಶ್ವರ್​​ ಅದ್ಭುತವಾಗಿ ಬೌಲಿಂಗ್​ ಮಾಡಿದರು. 4 ಓವರ್‌ಗಳಲ್ಲಿ ಕೇವಲ 26 ರನ್‌ ನೀಡಿ 3 ಪ್ರಮುಖ ವಿಕೆಟ್‌ಗಳನ್ನು ಪಡೆದರು. ಮತ್ತೊಂದೆಡೆ, ಹ್ಯಾಜಲ್‌ವುಡ್ ಯಾವುದೇ ವಿಕೆಟ್‌ಗಳನ್ನು ಪಡೆಯಲಿಲ್ಲ, ಆದರೆ ಅವರ ಎಕಾನಮಿ ರೇಟ್ 4 ಓವರ್‌ಗಳಿಗೆ ಉತ್ತಮವಾಗಿತ್ತು. ಪಾಟೀದಾರ್ ಅವರು ಡೆತ್ ಓವರ್‌ಗಳವರೆಗೆ ಭುವಿ ಮತ್ತು ಹ್ಯಾಜಲ್​ವುಡ್​ ಅವರನ್ನು ಉಳಿಸಿಕೊಳ್ಳಬೇಕಿತ್ತು. ಆದರೆ, ಪಂದ್ಯದ ಮಧ್ಯದಲ್ಲೇ ಅವರ ಕೋಟಾವನ್ನು ಪೂರ್ಣಗೊಳಿಸಿದರು. ಇದು ಆರ್‌ಸಿಬಿಗೆ ಪರಿಣಾಮ ಬೀರಿದೆಎಂದು ಹೇಳಬಹುದು. 

ಭುವನೇಶ್ವರ್ ಮತ್ತು ಹ್ಯಾಜಲ್‌ವುಡ್ ತಮ್ಮ ಕೋಟಾವನ್ನು ಪೂರ್ಣಗೊಳಿಸಿದ ನಂತರ ಮತ್ತು ಸುಯಾಶ್ ಶರ್ಮಾ ಯಾವುದೇ ಪರಿಣಾಮ ಬೀರದ ಕಾರಣ ರಜತ್​ ಪಾಟೀದಾರ್ ಅವರು ಚೆಂಡನ್ನು ರಸಿಕ್ ಸಲಾಂ ಅವರ ಕೈಗೆ ನೀಡಿದರು. ಕಳೆದ ಪಂದ್ಯದಲ್ಲಿ ಮಿಂಚಿದ್ದ ರಸಿಕ್ ಸಲಾಂ ನಿನ್ನೆಯ ಪಂದ್ಯದಲ್ಲಿ ಸಂಪೂರ್ಣವಾಗಿ ಕಳಪೆ ಪ್ರದರ್ಶನ ನೀಡಿದರು. ಅವರು 4 ಓವರ್ ಬೌಲಿಂಗ್ ಮಾಡಿ ವಿಕೆಟ್ ಪಡೆಯದೆ 40 ರನ್ ಬಿಟ್ಟುಕೊಟ್ಟರು. 

ಕೊನೆಯ ಓವರ್ ಬೌಲಿಂಗ್ ಮಾಡಿದ ಶೆಫರ್ಡ್ ಒತ್ತಡದಲ್ಲಿ ಸರಿಯಾಗಿ ಬೌಲಿಂಗ್ ಮಾಡಲು ಸಾಧ್ಯವಾಗದೆ 17 ರನ್ ಬಿಟ್ಟುಕೊಟ್ಟರು, ಇದರಿಂದಾಗಿ ಆರ್​ಸಿಬಿ ಸೋಲುಂಡಿತು. ಭುವನೇಶ್ವರ್ ಅಥವಾ ಹ್ಯಾಜಲ್‌ವುಡ್ ಕೊನೆಯ ಓವರ್ ಬೌಲಿಂಗ್ ಮಾಡಿದ್ದರೆ ಆರ್‌ಸಿಬಿ ಗೆಲ್ಲುವ ಅವಕಾಶ ಇತ್ತು. ಆದರೆ, ಪಾಟೀದಾರ್ ತೆಗೆದುಕೊಂಡ ನಿರ್ಧಾರದಿಂದ ಆರ್‌ಸಿಬಿ ಸೋಲಿಗೆ ಶರಣಾಯಿತು. ಮೊದಲು ಬ್ಯಾಟಿಂಗ್ ಮಾಡಿದ ಆರ್‌ಸಿಬಿ 20 ಓವರ್‌ಗಳಲ್ಲಿ 8 ವಿಕೆಟ್‌ಗಳ ನಷ್ಟಕ್ಕೆ 175 ರನ್ ಗಳಿಸಿತು. ನಂತರ ಡೆಲ್ಲಿ ಕ್ಯಾಪಿಟಲ್ಸ್ 19.5 ಓವರ್‌ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ ಗುರಿಯನ್ನು ತಲುಪಿತು, (ಏಜೆನ್ಸೀಸ್​).