ಚಿನ್ನದ ಪದಕ ವಿಜೇತ ಬಾಕ್ಸರ್ ಸಾಕ್ಷಿ ಚೌಧರಿ ಮಾಡಿರುವ ಈ ಸೆಲ್ಫಿ ವಿಡಿಯೋದಲ್ಲಿ ಮೋದಿ ಜತೆಗೆ ಇತರ ಪದಕ ವಿಜೇತ ಕ್ರೀಡಾಪಟುಗಳು ಕಾಣಿಸಿಕೊಂಡಿದ್ದಾರೆ. "ನಮ್ಮ ಪ್ರಧಾನ ಮಂತ್ರಿಗಳು, ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಪದಕ ಗೆದ್ದ ಎಲ್ಲರನ್ನೂ ಇಂದು ಸ್ವಾಗತಿಸಿದರು. ಇದು ನಮಗೆಲ್ಲರಿಗೂ ಹೆಮ್ಮೆ ತಂದಿದೆ. ನಾವು ಈ ಭೇಟಿಯನ್ನು ಅತ್ಯಂತ ಆನಂದಿಸಿದೆವು. ಮತ್ತು ಅವರು ಅತ್ಯಂತ ವಿನಮ್ರರು' ಎಂದು ಸಾಕ್ಷಿ ಚೌಧರಿ ಈ ವಿಡಿಯೋದ ಆರಂಭದಲ್ಲಿ ಹೇಳಿದ್ದಾರೆ. ಬಳಿಕ ಪ್ರಧಾನಿ ಮೋದಿ, "ಯಾರು ಆಡುತ್ತಾರೋ, ಅವರು ಅರಳುತ್ತಾರೆ. (ಜೋ ಖೇಲೇಗಾ, ವೋ ಖಿಲೇಗಾ) ಯಾವಾಗಲೂ ಭಾರತವನ್ನು ಹುರಿದುಂಬಿಸಿ' ಎಂದು ಹೇಳಿದ್ದಾರೆ. ಜತೆಗೆ "ಭಾರತ್ ಮಾತಾಕಿ' ಎಂದು 3 ಬಾರಿ ಉದ್ಘೋಷ ಹಾಕಿದ್ದು, ಕ್ರೀಡಾಪಟುಗಳೆಲ್ಲರೂ ಜೈ' ಎಂದಿದ್ದಾರೆ.
