ಛೀ! ಹೀಗೂ ನಾಟಕ ಆಡ್ಬೇಕಾ? ಹೈವೋಲ್ಟೇಜ್​ ಪಂದ್ಯಕ್ಕೂ ಮುನ್ನ ಮತ್ತೆ ನರಿಬುದ್ಧಿ ತೋರಿದ ಪಾಕ್​! ಟಾರ್ಗೆಟ್​ ರಾಜೀವ್ ಶುಕ್ಲಾ | Pakistan

ನವದೆಹಲಿ: ಐಸಿಸಿ ಎಚ್ಚರಿಕೆ ಹಾಗೂ ಬಿಸಿಬಿ ಮನವಿ ಬೆನ್ನಲ್ಲೇ ತಮ್ಮ ಹೈಡ್ರಾಮಾ ಮೊಟುಕುಗೊಳಿಸಿದ ಪಾಕಿಸ್ತಾನ, ತಾವು ಫೆ.15ರಂದು ಭಾರತ ವಿರುದ್ಧದ ಟಿ20 ವಿಶ್ವಕಪ್​ ಪಂದ್ಯವನ್ನು ಆಡುತ್ತೇವೆ ಎಂದಿತು. ಇದಾದ ಬಳಿಕವೂ ಅಲ್ಲಲ್ಲಿ ಸಣ್ಣ ನಾಟಕಗಳನ್ನು ಮಾಡುತ್ತಿರುವ ಪಿಸಿಬಿ ಮತ್ತೊಮ್ಮೆ ನರಿಬುದ್ಧಿ ತೋರಿದೆ ಎಂಬುದಕ್ಕೆ ಈ ಫೇಕ್​ ವಿಡಿಯೋನೇ ಸಾಕ್ಷಿ.

ಇಂಡೋ-ಪಾಕ್ ಕದನಕ್ಕೆ ಸಂಬಂಧಿಸಿದಂತೆ ಬಿಸಿಸಿಐ ಉಪಾಧ್ಯಕ್ಷ ರಾಜೀವ್ ಶುಕ್ಲಾ ಮಾತನಾಡಿರುವ ವಿಡಿಯೋ ಎಂದು ಪ್ರಸಾರ ಮಾಡಿರುವ ಪಾಕಿಸ್ತಾನಿ ಮಾಧ್ಯಮಗಳು, ಮತ್ತೊಮ್ಮೆ ಸುಖಾಸುಮ್ಮನೆ ಭಾರತವನ್ನು ಕೆಣಕಿದೆ. ಭಾರತ-ಪಾಕಿಸ್ತಾನ ಟಿ20 ವಿಶ್ವಕಪ್ ಪಂದ್ಯದ ಸುತ್ತ ಈಗಾಗಲೇ ಅನೇಕ ಉದ್ವಿಗ್ನ ಪರಿಸ್ಥಿತಿಗಳು ನಡೆದಿದ್ದು, ಈ ಮಧ್ಯೆ, ಹೊಸದೊಂದು ನಾಟಕವನ್ನು ಪಾಕ್​ ಮಾಡಿರುವುದು ಹಲವರ ಪಿತ್ತವನ್ನು ನೆತ್ತಿಗೇರಿಸಿದೆ.

ಮಾಜಿ ನಾಯಕ ಶೋಯೆಬ್ ಮಲಿಕ್ ಪಾಕಿಸ್ತಾನದ ಟಿವಿ ಕಾರ್ಯಕ್ರಮವೊಂದರಲ್ಲಿ ನಿರೂಪಕರಾಗಿ ಭಾಗಿಯಾಗಿದ್ದು, ಅದರಲ್ಲಿ, ಭಾರತ ಮತ್ತು ಪಾಕಿಸ್ತಾನ ಟಿ20 ವಿಶ್ವಕಪ್​ ಕುರಿತು ಪಾಕ್​ ಹೊಡೆದ ಯು-ಟರ್ನ್​ ಬಗ್ಗೆ ಉಪಾಧ್ಯಕ್ಷ ರಾಜೀವ್ ಶುಕ್ಲಾ ಹೇಗೆಲ್ಲ ಪ್ರತಿಕ್ರಿಯಿಸಿದ್ದಾರೆ ಎಂಬ ಫೇಕ್ ವಿಡಿಯೋವನ್ನು ARY ಎಂಬ ಸುದ್ದಿ ಮಾಧ್ಯಮದಲ್ಲಿ ಪ್ರಸಾರ ಮಾಡಲಾಗಿದೆ. ಇದು ಅಲ್ಲಿನ ಸೋಷಿಯಲ್ ಮೀಡಿಯಾಗಳಲ್ಲಿಯೂ ವೈರಲ್ ಆಗಿದೆ. ಇದಕ್ಕೆ ಕಿಡಿಕಾರಿರುವ ರಾಜೀವ್ ಶುಕ್ಲಾ, ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ಅವರು ಪ್ರಸಾರ ಮಾಡಿರುವ ವಿಡಿಯೋ ನನ್ನದ್ದಲ್ಲ. ಆ ಹೇಳಿಕೆಗಳು ನಾನು ನೀಡಿರುವುದಲ್ಲ. ಬದಲಿಗೆ ಎಐ ಬಳಸಿ ರಚಿಸಲಾದ ವಿಡಿಯೋಗಳು. ದೃಶ್ಯಕ್ಕೆ ನಕಲಿ ಆಡಿಯೋವನ್ನು ಸಿಂಕ್ ಮಾಡಲಾಗಿದೆ. ಇದ್ಯಾವುದು ನನ್ನ ಮಾತುಗಳಲ್ಲ. ಇಂಥಾ ದಾರಿತಪ್ಪಿಸುವ ವಿಡಿಯೊಗಳನ್ನು ಯಾರೂ ನಂಬಬೇಡಿ ಮತ್ತು ಶೇರ್ ಮಾಡಬೇಡಿ. ಈ ರೀತಿಯ ದೃಶ್ಯಗಳು ನಿಮ್ಮ ಗಮನಕ್ಕೆ ಬಂದರೆ ನನಗೆ ವರದಿ ಮಾಡಿ" ಎಂದು ರಾಜೀವ್ ಶುಕ್ಲಾ ತಮ್ಮ 'ಎಕ್ಸ್'​ನಲ್ಲಿ ಬರೆದುಕೊಂಡಿದ್ದಾರೆ,(ಏಜೆನ್ಸೀಸ್).