ನೀವಿದನ್ನು ಗಮನಿಸಿದ್ರಾ? 22 ಲಕ್ಷ ರೂ. ಟಾಟಾ ಕಾರು ಡ್ಯಾಮೇಜ್​ ಮಾಡಿದ ಕ್ಯಾಮೆರಾನ್​ ಗ್ರೀನ್​! ಇಲ್ಲಿದೆ ವಿಡಿಯೋ

Cameron Green: ಆಸ್ಟ್ರೇಲಿಯಾದ ಸ್ಟಾರ್ ಆಲ್‌ರೌಂಡರ್ ಕ್ಯಾಮೆರಾನ್ ಗ್ರೀನ್ ಅಂತಿಮವಾಗಿ ಕೆಕೆಆರ್​ ಪರ ಈ ಐಪಿಎಲ್ ಸೀಸನ್​ನಲ್ಲಿ ಅದ್ಭುತ ಇನ್ನಿಂಗ್ಸ್ ಆಡಿದ್ದು ನೋಡುಗರ ಗಮನ ಸೆಳೆಯಿತು. ಗುಜರಾತ್ ಟೈಟನ್ಸ್ ವಿರುದ್ಧದ ಪಂದ್ಯದಲ್ಲಿ ತಂಡ ಸೋತಿದ್ದೇ ಆದರೂ, 32 ರನ್‌ಗಳಿಗೆ 3 ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಗ್ರೀನ್​ ಸ್ಪೋಟಕ ಬ್ಯಾಟಿಂಹ್ ಮೂಲಕ ಆಸರೆಯಾಗಿದ್ದು ವಿಶೇಷ.

55 ಎಸೆತಕ್ಕೆ 79 ಸಿಡಿಸಿದ ಗ್ರೀನ್​, 7 ಬೌಂಡರಿ ಮತ್ತು 4 ಸಿಕ್ಸರ್‌ಗಳನ್ನು ಬಾರಿಸಿದರು. ಇದರೊಂದಿಗೆ ಮೊದಲು ಬ್ಯಾಟಿಂಗ್ ಮಾಡಿದ ಕೆಕೆಆರ್​, ನಿಗದಿತ 20 ಓವರ್‌ಗಳಲ್ಲಿ 180 ರನ್‌ಗೆ ಆಲೌಟ್ ಆಯಿತು. ಈ ಗುರಿಯನ್ನು ಬೆನ್ನತ್ತಿದ ಜಿಟಿ ಪಡೆಗೆ ನಾಯಕ ಶುಭಮನ್ ಗಿಲ್ (86 ರನ್​, 50 ಎಸೆತ, 8 ಬೌಂಡರಿ ಮತ್ತು 4 ಸಿಕ್ಸರ್) ಅವರ ಸಹಾಯದಿಂದ, ಗುಜರಾತ್ ಟೈಟಾನ್ಸ್ ಕೇವಲ 19.4 ಓವರ್‌ಗಳಲ್ಲಿ ಪಂದ್ಯವನ್ನು ಗೆದ್ದು ಬೀಗಿತು. 

ಈ ಪಂದ್ಯದಲ್ಲಿ ಗ್ರೀನ್ ಹೊಡೆದ ಸಿಕ್ಸರ್‌ನಿಂದ ಮೈದಾನದಲ್ಲಿ ಪ್ರದರ್ಶನಕ್ಕಿಟ್ಟಿದ್ದ ಟಾಟಾ ಸಿಯಾರಾ ಕಾರು ಹಾನಿಗೊಳಗಾಯಿತು. ಕೆಕೆಆರ್ ಇನ್ನಿಂಗ್ಸ್‌ನ 13ನೇ ಓವರ್‌ನಲ್ಲಿ ಈ ಘಟನೆ ನಡೆಯಿತು. ಈ ಓವರ್ ಮಾಡುತ್ತಿದ್ದ ಜಿಟಿ ಬೌಲರ್ ಅಶೋಕ್ ಶರ್ಮಾ ಅವರ ಮೂರನೇ ಎಸೆತದಲ್ಲಿ ಡೀಪ್ ಸ್ಕ್ವೇರ್ ಲೆಗ್ ಕಡೆ ಗ್ರೀನ್​ ಸಿಕ್ಸ್​ ಹೊಡೆದರು. ಬಾಲ್​ ನೇರವಾಗಿ ಟಾಟಾ ಕಾರಿಗೆ ಬಿದ್ದು, ಮುಂಭಾಗದಲ್ಲಿ ಡ್ಯಾಮೇಜ್​ ಆಯಿತು.   

ಲೀಗ್‌ನ ಪ್ರಮುಖ ಪ್ರಾಯೋಜಕರಾದ ಟಾಟಾ ವಿಶೇಷ ನಿಯಮವನ್ನು ಜಾರಿಯಲ್ಲಿರಿಸಿದೆ. ಆಟಗಾರನೊಬ್ಬ ಹೊಡೆದ ಚೆಂಡು ಮೈದಾನದಲ್ಲಿ ಪ್ರದರ್ಶನಕ್ಕಿಟ್ಟಿರುವ ಕಾರಿನ ಗ್ಲಾಸ್​ ಒಡೆದರೆ ಅಥವಾ ಡ್ಯಾಮೇಜ್​ ಮಾಡಿದರೆ, ಕಂಪನಿಯು ಕ್ರಿಕೆಟ್ ಅಭಿವೃದ್ಧಿಗಾಗಿ ಸ್ವಯಂಸೇವಾ ಸಂಸ್ಥೆಗಳಿಗೆ 5ರಿಂದ 10 ಲಕ್ಷ ರೂ.ಗಳ ಹಣವನ್ನು ದೇಣಿಗೆ ರೂಪದಲ್ಲಿ ನೀಡುತ್ತದೆ. ಮತ್ತು ಗ್ರೀನ್ ಹೊಡೆದ ಸಿಕ್ಸರ್​ ಹಾನಿಗೊಳಿಸಿದ ಕಾರಣ, ಟಾಟಾ ಮೋಟಾರ್ಸ್ ತಳಮಟ್ಟದ ಕ್ರಿಕೆಟ್ ಅಭಿವೃದ್ಧಿಗಾಗಿ 5 ಲಕ್ಷ ರೂ. ಕೊಡಲಿದೆ ಎಂಬುದು ನಿಜಕ್ಕೂ ಗಮನಾರ್ಹ,(ಏಜೆನ್ಸೀಸ್).