ಭಾರತದಲ್ಲೇ ಜನರು... ಗೆಲ್ಲದ ಟ್ರೋಫಿ ಕದ್ದ ಲಜ್ಜೆಗೆಟ್ಟ ಮೊಹ್ಸಿನ್​ ನಖ್ವಿ ಹೇಳಿಕೆಗೆ ನೆಟ್ಟಿಗರು ಛೀಮಾರಿ

ಕರಾಚಿ: ಐಪಿಎಲ್​ ಸಮಯಕ್ಕೆ ಪಿಎಸ್​ಎಲ್​ ನಡೆಸುತ್ತಿರುವ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಮುಖ್ಯಸ್ಥ ಮೊಹ್ಸಿನ್​ ನಖ್ವಿಗೆ ಕಿಂಚಿತ್ತು ನಾಚಿಕೆ, ಮಾನ, ಮರ್ಯಾದೆ ಇಲ್ಲ ಅನ್ನೋದಕ್ಕೆ ಅವರ ಇತ್ತೀಚಿನ ಹೇಳಿಕೆಗೆಳೇ ಜ್ವಲಂತ ಸಾಕ್ಷಿ. ತಮ್ಮ ತಪ್ಪನ್ನು ಮುಚ್ಚಿಕೊಳ್ಳಲು ಭಾರತದಲ್ಲಿ ನಡೆಯುತ್ತಿರುವ ಪರಿಸ್ಥಿತಿಯನ್ನು ಎಳೆದು ತರುವ ಸಚಿವನಿಗೆ ಸದ್ಯ ನೆಟ್ಟಿಗರ ಛೀಮಾರಿ ಹಾಕುತ್ತಿದ್ದಾರೆ.  

ಪಿಸಿಬಿ ಮುಖ್ಯಸ್ಥ ಹಾಗೂ ಪಾಕ್​ನ ಆಂತರಿಕ ಸಚಿವರೂ ಆಗಿರುವ ಮೊಹ್ಸಿನ್ ನಖ್ವಿ, ಪಾಕಿಸ್ತಾನ ಸೂಪರ್ ಲೀಗ್ (ಪಿಎಸ್ಎಲ್) ಪಂದ್ಯಗಳನ್ನು ಐಪಿಎಲ್​ಗೆ ಟಕ್ಕರ್​ ಕೊಡಲು ನಡೆಸುತ್ತಿರುವುದು ಬಹುತೇಕರಿಗೆ ಗೊತ್ತೇ ಇದೆ. ಅದಕ್ಕೆಂದೇ, ಈ ಬಾರಿ ಇಂಡಿಯನ್​ ಪ್ರೀಮಿಯರ್ ಲೀಗ್​ ಸಮಯಕ್ಕೆ ತರಾತುರಿಯಲ್ಲಿ ಪ್ರಾರಂಭಿಸಿರುವ ನಖ್ವಿ, ಮಧ್ಯಪ್ರಾಚ್ಯ ಉದ್ವಿಗ್ನತೆಯಿಂದ ದೇಶದಲ್ಲಿ ವಿಪರೀತ ಇಂಧನ ಬಿಕ್ಕಟ್ಟು ಕಾಡುತ್ತಿರುವ ಕಾರಣ, ಸ್ಟೇಡಿಯಂಗೆ ಅಭಿಮಾನಿಗಳನ್ನು ಸೇರಿಸುತ್ತಿಲ್ಲ. 

ಎರಡೇ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಲೀಗ್​ಗೆ ಜನರು ದಯವಿಟ್ಟು ಬರಬೇಡಿ. ಮೊದಲೇ ಇಂಧನ ಸಮಸ್ಯೆಯಿದೆ. ನೀವೆಲ್ಲರೂ ಬಂದರೆ ಬಿಕ್ಕಟ್ಟು ಇನ್ನಷ್ಟು ಹೆಚ್ಚಾಗುತ್ತೆ ಎಂದೇಳುವ ಮೂಲಕ ಒಬ್ಬೇ ಒಬ್ಬ ಕ್ರಿಕೆಟ್​ ಫ್ಯಾನ್​ಗೂ ಒಳಗೆ ಪ್ರವೇಶಿಸಲು ಅನುಮತಿ ನೀಡದ ನಖ್ವಿ, ಮಾಧ್ಯಮದವರು ಕೇಳಿದ ಪ್ರಶ್ನೆಗೆ ಭಾರತವನ್ನು ಎಳೆದು ತಂದಿರುವುದು ಸದ್ಯ ನೆಟ್ಟಿಗರನ್ನು ಕೆರಳಿಸಿದೆ.  

ಸ್ಟೇಡಿಯಂಗೆ ಏಕೆ ಕ್ರಿಕೆಟ್​ ಅಭಿಮಾನಿಗಳನ್ನು ನೀವು ಸೇರಿಸುತ್ತಿಲ್ಲ? ಯಾವಾಗ ಅವರಿಗೆಲ್ಲ ಪಂದ್ಯ ನೋಡುವ ಅವಕಾಶ ಕಲ್ಪಿಸಿಕೊಡುತ್ತೀರಾ? ಎಂಬ ಪ್ರಶ್ನೆಗೆ ಉತ್ತರಿಸಿದ ನಖ್ವಿ, ಇಂಧನ ಬಿಕ್ಕಟ್ಟಿನ ಹಿನ್ನೆಲೆ ಇಂತಹ ನಿರ್ಧಾರ ಕೈಗೊಂಡಿದ್ದೇವೆ. ಭಾರತದಲ್ಲಿಯೂ ಸಹ ಪೆಟ್ರೋಲ್​ ಸಮಸ್ಯೆಗಳಿವೆ. ಅಲ್ಲಿಯೂ ಜನರು ಬಂಕ್​ಗಳಲ್ಲಿ ಸರತಿ ಸಾಲಿನಲ್ಲಿ ನಿಲ್ಲುತ್ತಿದ್ದಾರೆ ಎಂದು ಸುಖಾಸುಮ್ಮನೆ ಭಾರತವನ್ನು ಎಳೆದು ತಂದಿರುವುದು ಹಲವರ ಪಿತ್ತವನ್ನು ನೆತ್ತಿಗೇರಿಸಿದೆ. ಮೊಹ್ಸಿನ್ ಮಾತನಾಡಿರುವ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ, ಅನೇಕರು ಗೆಲ್ಲದ ಟ್ರೋಫಿ ಕದ್ದ ಕಳ್ಳ ನೀನು ಎಂದೆಲ್ಲ ಛೀಮಾರಿ ಹಾಕಿರುವುದು ಹಾಸ್ಯಸ್ಪದ,(ಏಜೆನ್ಸೀಸ್).