2015ರ ಸೀಸನ್​ ನೆನಪಿದ್ಯಾ? ಇದೇನಾದ್ರೂ ನಡೆದರೆ ಮುಂಬೈ ಇಂಡಿಯನ್ಸ್​ ಪ್ಲೇಆಫ್ ಎಂಟ್ರಿ ಖಚಿತ | Mumbai Indians

Mumbai Indians: ಪ್ರಸ್ತುತ, 19ನೇ ಐಪಿಎಲ್​ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ಸರಣಿ ಸೋಲಿನಿಂದ ಅಂಕಪಟ್ಟಿಯಲ್ಲಿ ತಳಮಟ್ಟದಲ್ಲಿದೆ. ಸತತ ಕಳಪೆ ಪ್ರದರ್ಶನ ನೀಡುತ್ತಿರುವ ಐದು ಬಾರಿ ಚಾಂಪಿಯನ್ಸ್ ಮುಡಿಗೇರಿಸಿಕೊಂಡ ತಂಡ, ಈಗ ಒಂದೇ ಒಂದು ಗೆಲುವಿಗೂ ತೀರ ಹೆಣಗಾಡುವಂತ ಪರಿಸ್ಥಿತಿಗೆ ತಲುಪಿದೆ. ಹೀಗಿರುವಾಗಲೇ, ಇಂದು (ಮೇ.02) ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಿರ್ಣಾಯಕ ಪಂದ್ಯವನ್ನಾಡಲಿದ್ದು, ಈ ಮ್ಯಾಚ್​ ಏನಾದರೂ ಸೋತರೆ ಮುಂಬೈ ಫ್ಲೇಆಫ್​ ಕನಸು ನುಚ್ಚುನೂರಾಗುವುದರಲ್ಲಿ ಅನುಮಾನವೇ ಇಲ್ಲ.

ಇಂದಿನ ಪಂದ್ಯವನ್ನು ಸೇರಿಸಿ ಹೇಳುವುದಾದರೆ, ಈಗಲೂ ಹಾರ್ದಿಕ್ ಪಾಂಡ್ಯ ನೇತೃತ್ವದ ತಂಡವು ಪ್ಲೇಆಫ್​ಗೆ ಎಂಟ್ರಿ ಕೊಡಬಹುದು. ಆದರೆ, ಮುಂದಿನ ಎಲ್ಲ ಪಂದ್ಯಗಳಲ್ಲಿ ಜಯ ಸಿಕ್ಕರೆ ಮಾತ್ರ. ಪ್ರಸ್ತುತ, ಐಪಿಎಲ್​ ಪಾಯಿಂಟ್ಸ್ ಟೇಬಲ್​ನಲ್ಲಿ 9ನೇ ಸ್ಥಾನದಲ್ಲಿರುವ ಮುಂಬೈ ಇಂಡಿಯನ್ಸ್​, ಕೇವಲ 04 ಅಂಕಿಯನ್ನಷ್ಟೇ ಗಳಿಸಿರುವುದು ಫ್ರಾಂಚೈಸಿಯ ಅಭಿಮಾನಿಗಳಲ್ಲಿ ಭಾರೀ ಬೇಸರವನ್ನು ತಂದಿದೆ.

ಸ್ಥಾನ: ಅಂಕಪಟ್ಟಿಯಲ್ಲಿ 9ನೇ ಸ್ಥಾನ

ದಾಖಲೆ: 2 ಗೆಲುವು, 6 ಸೋಲುಗಳು (ಆಡಿರುವುದು 8 ಪಂದ್ಯ)

ಪಾಯಿಂಟ್ಸ್​: 4

ನೆಟ್​ ರನ್​ರೇಟ್​ (NRR): -0.784

ಲೀಗ್ ಹಂತದಲ್ಲಿ ಮುಂಬೈಗೆ ಇನ್ನೂ 6 ಪಂದ್ಯಗಳು ಮಾತ್ರ ಉಳಿದಿವೆ. ಹೀಗಿರುವಾಗ, ಮುಂದಿನ ಎಲ್ಲ ಮ್ಯಾಚ್​ಗಳಲ್ಲಿಯೂ ಹಾರ್ದಿಕ್ ಪಾಂಡ್ಯ ಪಡೆ ಗೆಲ್ಲಲೇಬೇಕಿದೆ. ಪ್ಲೇಆಫ್​ಗೆ ಎಂಟ್ರಿ ಕೊಡಬೇಕು ಎಂದರೆ ಅಥವಾ ಅಗ್ರ ನಾಲ್ಕು ಸ್ಥಾನಗಳಲ್ಲಿ ಇರಬೇಕೆಂದರೆ, 16 ಅಂಕಗಳು ಸೇಫ್​ ಜೋನ್​ ಆಗಿದೆ. ಅಕಸ್ಮಾತ್​, 14 ಅಂಕಗಳಿದ್ದರೆ, ಅದು ಟೈ-ಬ್ರೇಕರ್ ಪರಿಸ್ಥಿತಿಗೆ ಕಾರಣವಾಗುವ ಸಾಧ್ಯತೆಗಳು ಹೆಚ್ಚು.

ಮುಂದಿನ 6 ಪಂದ್ಯಗಳಲ್ಲಿ 5 ಪಂದ್ಯವನ್ನಾದರೂ ಗೆಲ್ಲಬೇಕು. ಆದಾಗ್ಯೂ, 14 ಅಂಕಗಳಲ್ಲಿ, ಅವರ ಕಳಪೆ ರನ್​ ರೇಟ್​ (-0.784) ಗುಜರಾತ್​ ಟೈಟನ್ಸ್​ ಅಥವಾ ರಾಜಸ್ಥಾನ ರಾಯಲ್ಸ್​ನಂತಹ ತಂಡಗಳನ್ನು ಹಿಂದಿಕ್ಕಲು ತಮ್ಮ ಉಳಿದ ಪಂದ್ಯಗಳನ್ನು ಹೆಚ್ಚುವರಿ ರನ್​ಗಳಿಂದ ಗೆದ್ದರೆ ಮಾತ್ರ ಪ್ಲೇಆಫ್​ ಹಾದಿ ಇನ್ನಷ್ಟು ಸುಗಮವಾಗಲಿದೆ.

ಸದ್ಯ ಮುಂಬೈ ಇಂಡಿಯನ್ಸ್ ಪರಿಸ್ಥಿತಿ ಕಷ್ಟಕರ ಎನಿಸಿದರೂ, ಫ್ರಾಂಚೈಸಿ ಅಭಿಮಾನಿಗಳು 2015ರ ಸೀಸನ್​ನಲ್ಲಿ ನಡೆದ ಪವಾಡವನ್ನು ಇಲ್ಲಿ ನೆನಪಿಸಿಕೊಳ್ಳಲೇಬೇಕು. ಆ ಸಮಯದಲ್ಲಿ ಇದೇ ಎಂಐ ತಂಡವು ತಮ್ಮ ಕೊನೆಯ ಎಂಟು ಪಂದ್ಯಗಳಲ್ಲಿ 7ರಲ್ಲಿ ಗೆಲುವು ಸಾಧಿಸುವ ಮೂಲಕ ಟ್ರೋಫಿಯನ್ನು ಎತ್ತಿಹಿಡಿದಿದ್ದು ಇತಿಹಾಸ. ಈಗ ಅದೇ ಮೋಡಿ, ಇತಿಹಾಸ ಈ ವರ್ಷವು ರಿಪೀಟ್​ ಆಗುವ ಸಾಧ್ಯತೆಗಳಿವೆ. ಆದರೆ, ಅದೆಲ್ಲವೂ ಆಟಗಾರರ ಮೇಲೆ ಅವಲಂಬಿತವಾಗಿದೆ ಅಷ್ಟೇ,(ಏಜೆನ್ಸೀಸ್).