ನೀವು ಇನ್ನೊಂದು ಸೀಸನ್ ಆಡುತ್ತೀರಾ ಎಂಬ ಮೊದಲ ಪ್ರಶ್ನೆಗೆ, ನಾನೀಗ ವೈದ್ಯಕೀಯ ಪರೀಕ್ಷೆಗೆ ಒಳಗಾಗಬೇಕಿದೆ. ಯಾಕೆಂದರೆ, ನನ್ನ ದೈಹಿಕ ಸಾಮರ್ಥ್ಯವನ್ನು ತಿಳಿದ ಮೇಲೆಯೇ ಆಡುವುದು, ಬಿಡುವುದು ಗೊತ್ತಾಗುತ್ತದೆ. ನಾನು ಮೊದಲು ವೈದ್ಯಕೀಯ ಟೆಸ್ಟ್ಗೆ ಒಳಗಾಗಬೇಕು. ಆಮೇಲೆ ನೀವು ವರದಿಯನ್ನು ಕೊಡಬೇಕು. ಆಗ ಡಿಸೆಂಬರ್ ವೇಳೆಗೆ ಇನ್ನೊಂದು ಸೀಸನ್ ಆಡುವಷ್ಟು ನಾನು ಸ್ಟ್ರಾಂಗ್ ಇದೇನಾ ಎಂದು ನೋಡಬೇಕು' ಎಂದು ಹಾಸ್ಯಸ್ಪದವಾಗಿ ಹೇಳಿದರು.
ನಂತರದಲ್ಲಿ ಸಿಎಸ್ಕೆ ಅಥವಾ ಆರ್ಸಿಬಿ ಪೈಕಿ ಯಾವುದು ಬೆಸ್ಟ್ ತಂಡ ಎಂಬ ಪ್ರಶ್ನೆಗೆ ಉತ್ತರಿಸಿದ ಧೋನಿ, ಕಳೆದ ಎರಡು ವರ್ಷಗಳಲ್ಲಿ ನಮ್ಮ ಟೀಮ್ ತುಂಬಾನೆ ಪರದಾಡಿದೆ. ಇದರಲ್ಲಿ ಯಾವುದೇ ನಾಚಿಕೆಯಿಲ್ಲ. ಕಾರಣ, ಇದೇ ಸತ್ಯ. ಕಳೆದೆರಡು ವರ್ಷಗಳಿಂದ ಆರ್ಸಿಬಿ ಉತ್ತಮ ಪ್ರದರ್ಶನ ಕೊಟ್ಟಿದೆ. ಅದು ನಮ್ಮಿಂದ ಆಗಿಲ್ಲ. ಗಾಯಗಳ ಸಮಸ್ಯೆಯನ್ನು ಮುಂದಿಡದೆ, ನಮ್ಮ ಫಿಟ್ ಆಟಗಾರರು ಟೂರ್ನಿಯಲ್ಲಿ ಲಭ್ಯವಿರುವಂತೆ ನಾವು ನೋಡಿಕೊಳ್ಳುತ್ತೇವೆ ಎಂದು ಹೇಳಿದರು.
