ಈ ಮುನ್ನ 2020ರಲ್ಲಿ ನಡೆಸಿದ ಅಧ್ಯಯನದಲ್ಲಿ, ಕ್ರಿಕೆಟ್ನಲ್ಲಿ ಮಹಿಳೆಯರಿಗಿಂತ ಪುರುಷರು ಐದು ಪಟ್ಟು ಅಧಿಕ ಸಂಖ್ಯೆಯಲ್ಲಿ ಭಾಗವಹಿಸುತ್ತಿದ್ದಾರೆ ಎಂದು ಹೇಳಲಾಗಿತ್ತು. ಈ ಅಂತರ ಈಗ ಭಾರಿ ಇಳಿಕೆಯಾಗಿದೆ. 2026ರ ಹೊಸ ಅಧ್ಯಾಯನದ ಪ್ರಕಾರ, ಮಹಿಳೆಯರಿಗಿಂತ 3 ಪಟ್ಟು ಅಧಿಕ ಪುರುಷರು ಕ್ರಿಕೆಟ್ ಆಡುತ್ತಿದ್ದಾರೆ. 10 ಸಾವಿರ ಮಹಿಳೆಯರನ್ನು ಮಾತನಾಡಿಸಿ ಈ ಅಧ್ಯಯನ ನಡೆಸಲಾಗಿದೆ. ಇದರನ್ವಯ ಕ್ರಿಕೆಟ್ ಆಡಲು ಬಯಸುವ ಮಹಿಳೆಯರ ಸಂಖ್ಯೆ ಶೇ. 5ರಿಂದ 10ಕ್ಕೆ ಏರಿಕೆಯಾಗಿದೆ. ಅದರಲ್ಲೂ 15ರಿಂದ 24 ವರ್ಷ ವಯಸ್ಸಿನ ಶೇ.16 ಮಹಿಳೆಯರು ಕ್ರಿಕೆಟ್ ಆಡಲು ಬಯಸುತ್ತಿದ್ದಾರೆ. ಅಲ್ಲದೆ ಈ ಪೈಕಿ ನಾಲ್ವರಲ್ಲಿ ಓರ್ವ ಮಹಿಳೆ ಕ್ರೀಡೆಯನ್ನೇ ವೃತ್ತೀಜಿವನ ಆಗಿ ಪರಿಗಣಿಸಲು ಸಿದ್ಧರಿದ್ದಾರೆ.
