ಮಿಚೆಲ್ ಮಾರ್ಷ್ ಅಬ್ಬರಕ್ಕೆ CSK ಕಂಗಾಲು; LSGಗೆ ಭರ್ಜರಿ ಜಯ: ಚೆನ್ನೈಗೆ ಪ್ಲೇಆಫ್ ಹಾದಿ ಮತ್ತಷ್ಟು ಕಠಿಣ!

ಚೆನ್ನೈ ಪರ ಕಾರ್ತಿಕ್ ಶರ್ಮಾ ಜವಾಬ್ದಾರಿಯುತ ಬ್ಯಾಟಿಂಗ್ ಪ್ರದರ್ಶಿಸಿ 42 ಎಸೆತಗಳಲ್ಲಿ 71 ರನ್‌ ಗಳಿಸಿದರು. ಶಿವಂ ದುಬೆ ಕೂಡ ಅಂತಿಮ ಓವರ್‌ಗಳಲ್ಲಿ ವೇಗವಾಗಿ ರನ್‌ ಕಲೆಹಾಕಿ ತಂಡದ ಮೊತ್ತವನ್ನು 187ಕ್ಕೆ ತಲುಪಿಸಲು ನೆರವಾದರು. ಆದರೆ ಲಖನೌ ಬೌಲರ್ ಆಕಾಶ್ ಸಿಂಗ್ ಕಠಿಣ ಬೌಲಿಂಗ್ ಮಾಡಿ ಪ್ರಮುಖ 3 ವಿಕೆಟ್ ಪಡೆದು ಚೆನ್ನೈಗೆ ಹೊಡೆತ ನೀಡಿದರು.

ಗುರಿ ಬೆನ್ನತ್ತಿದ ಲಖನೌ ಪರ ಮಿಚೆಲ್ ಮಾರ್ಷ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಕೇವಲ 38 ಎಸೆತಗಳಲ್ಲಿ 90 ರನ್‌ ಬಾರಿಸಿದ ಅವರು ಚೆನ್ನೈ ಬೌಲರ್‌ಗಳ ಮೇಲೆ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದರು. ಅವರ ದಾಳಿಯಾಟದಿಂದ ಲಖನೌ ತಂಡ ಆರಂಭದಿಂದಲೇ ಪಂದ್ಯದಲ್ಲಿ ಹಿಡಿತ ಸಾಧಿಸಿತು. ಜೋಷ್ ಇಂಗ್ಲಿಸ್ ಕೂಡ ಉತ್ತಮ ಬೆಂಬಲ ನೀಡಿದರು.

ಈ ಸೋಲು ಚೆನ್ನೈ ತಂಡದ ಪ್ಲೇಆಫ್‌ ಕನಸಿಗೆ ದೊಡ್ಡ ಹೊಡೆತ ನೀಡಿದರೆ, ಈಗಾಗಲೇ ಟೂರ್ನಿಯಿಂದ ಹೊರಬಿದ್ದಿದ್ದ ಲಖನೌ ತಂಡ ಗೌರವದ ಜಯ ದಾಖಲಿಸಿದೆ. ಪಂದ್ಯದಲ್ಲಿ ಚೆನ್ನೈ ಬೌಲರ್‌ಗಳು ರನ್ ನಿಯಂತ್ರಿಸಲು ವಿಫಲರಾದದ್ದು ತಂಡಕ್ಕೆ ದುಬಾರಿಯಾಯಿತು,(ಏಜೆನ್ಸೀಸ್).