ಹಾಲಿ ಚಾಂಪಿಯನ್ ಹುಬ್ಬಳ್ಳಿ ಟೈಗರ್ಸ್ ಮತ್ತು ಮೈಸೂರು ವಾರಿಯರ್ಸ್ ತಂಡಗಳು ಮಹಾರಾಣಿ ಟ್ರೋಫಿ (maharani trophy t20) ಕೆಎಸ್ಸಿಎ ಮಹಿಳಾ ಟಿ20 ಟೂರ್ನಿಯ ಎರಡನೇ ಆವೃತ್ತಿಯಲ್ಲಿ ಫೈನಲ್ ಪ್ರವೇಶಿಸಿವೆ.
ನಾಯಕಿ ವೃಂದಾ ದಿನೇಶ್ (85 ರನ್, 31 ಎಸೆತ, 12 ಬೌಂಡರಿ, 5 ಸಿಕ್ಸರ್) ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಹುಬ್ಬಳ್ಳಿ ಟೈಗರ್ಸ್ ತನ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಗುಲ್ಬರ್ಗ ಮಿಸ್ಟಿಕ್ಸ್ ಎದುರು 6 ವಿಕೆಟ್ಗಳಿಂದ ಗೆದ್ದು, ಅಂಕಪಟ್ಟಿಯ ಅಗ್ರಸ್ಥಾನಿಯಾಗಿ ಪ್ರಶಸ್ತಿ ಸುತ್ತಿಗೇರಿತು.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಗುಲ್ಬರ್ಗ, 5 ವಿಕೆಟ್ಗೆ 171 ರನ್ ಪೇರಿಸಿತು. ಪ್ರತಿಯಾಗಿ ಹುಬ್ಬಳ್ಳಿ 17.5 ಓವರ್ಗಳಲ್ಲಿ 4 ವಿಕೆಟ್ಗೆ 177 ರನ್ಗಳಿಸಿ ಜಯಿಸಿತು.
ಕೊನೇ ಲೀಗ್ ಪಂದ್ಯದಲ್ಲಿ ಬೆಂಗಳೂರು ಬ್ಲಾಸ್ಟರ್ಸ್ ವಿರುದ್ಧ ಮೈಸೂರು ವಾರಿಯರ್ಸ್ ತಂಡ 8 ವಿಕೆಟ್ಗಳಿಂದ ಜಯಿಸಿತು. 141 ರನ್ ಗುರಿ ಪಡೆದ ಮೈಸೂರು ತಂಡ ನಾಯಕಿ ಶುಭಾ ಸತೀಶ್ (42), ಶೀತಲ್ ಸಂತೋಷ್ (42), ಶಿಶಿರಾ ಗೌಡ (44) ಬಲದಿಂದ 17.5 ಓವರ್ಗಳಲ್ಲೇ ಗೆದ್ದಿತು.
