ಐಪಿಎಲ್​ನಲ್ಲಿ 9 ಸಾವಿರ ರನ್​ ಸಿಡಿಸಿ ಕೊಹ್ಲಿ; ಆರ್​ಸಿಬಿ ಹಲವು ದಾಖಲೆ!

ವಿರಾಟ್​ ಕೊಹ್ಲಿ (9,012) 11 ರನ್​ ಗಳಿಸಿದ ವೇಳೆ ಐಪಿಎಲ್​ನಲ್ಲಿ 9 ಸಾವಿರ ರನ್​ ಪೂರೈಸಿದ ಮೊದಲ ಬ್ಯಾಟರ್​ ಎಂಬ ದಾಖಲೆ ಬರೆದರು. ರೋಹಿತ್​ ಶರ್ಮ 7,183 ರನ್​ ಗಳಿಸಿರುವುದು ನಂತರದ ಗರಿಷ್ಠ.

ಆರ್​ಸಿಬಿ 6.3 ಓವರ್​ನಲ್ಲೇ ಗೆಲ್ಲುವ ಮೂಲಕ ಐಪಿಎಲ್​ನಲ್ಲಿ 2ನೇ ವೇಗದ ಚೇಸಿಂಗ್​ ಸಾಧನೆ ಮಾಡಿತು. 2008ರಲ್ಲಿ ಕೆಕೆಆರ್​ ಎದುರು ಮುಂಬೈ 5.3 ಓವರ್​ಗಳಲ್ಲೇ 68 ರನ್​ ಚೇಸ್​ ಮಾಡಿ ಗೆದ್ದಿರುವುದು ದಾಖಲೆ.

7: ಆರ್​ಸಿಬಿ ತಂಡ ಐಪಿಎಲ್​ನಲ್ಲಿ ಮೊದಲ 5 ವಿಕೆಟ್​ಗಳನ್ನು ಕನಿಷ್ಠ ಸ್ಕೋರ್​ಗೆ (7) ಕಬಳಿಸಿದ ತಂಡ ಎನಿಸಿತು. 2011ರಲ್ಲಿ ಡೆಕ್ಕನ್​ ಚಾರ್ಜರ್ಸ್​ ಎದುರು ಕೊಚ್ಚಿ 6 ರನ್​ಗಳಿಗೆ 5 ವಿಕೆಟ್​ ಕಳೆದುಕೊಂಡಿದ್ದು ಕನಿಷ್ಠ.

75: ಇದು ಡೆಲ್ಲಿ ತಂಡದ 3ನೇ ಕನಿಷ್ಠ ಮೊತ್ತವಾಗಿದೆ. 2017ರಲ್ಲಿ ಮುಂಬೈ ಎದುರು 66 ಮತ್ತು ಪಂಜಾಬ್​ ಎದುರು 67 ರನ್​ ಗಳಿಸಿದ್ದು ಮೊದಲೆರಡು ಕನಿಷ್ಠ ಮೊತ್ತ.

3: ಆರ್​ಸಿಬಿ ಎದುರು ತಂಡವೊಂದರ 3ನೇ ಕನಿಷ್ಠ ಮೊತ್ತ ಇದಾಗಿದೆ. ರಾಜಸ್ಥಾನ ರಾಯಲ್ಸ್​ 2009ರಲ್ಲಿ 58 ಮತ್ತು 2023ರಲ್ಲಿ 59 ರನ್​ ಗಳಿಸಿದ್ದು ಮೊದಲ 2 ಕನಿಷ್ಠ ಮೊತ್ತ.

10: ಇದು ಐಪಿಎಲ್​ನಲ್ಲಿ 10ನೇ ಕನಿಷ್ಠ ಮೊತ್ತವಾಗಿದೆ. ಆರ್​ಸಿಬಿ 2017ರಲ್ಲಿ ಕೆಕೆಆರ್​ ಎದುರು 49 ರನ್​ಗೆ ಆಲೌಟ್​ ಆಗಿದ್ದು ಕನಿಷ್ಠವೆನಿಸಿದೆ.

3: ಒಂದೇ ಐಪಿಎಲ್​ ಇನಿಂಗ್ಸ್​ನಲ್ಲಿ ಇಬ್ಬರು ಬೌಲರ್​ಗಳು (ಭುವಿ-ಹ್ಯಾಸಲ್​ವುಡ್​) ಪವರ್​ಪ್ಲೇನಲ್ಲೇ ತಲಾ 3 ವಿಕೆಟ್​ ಪಡೆದ ಮೊದಲ ದೃಷ್ಟಾಂತ ಇದಾಗಿದೆ.

ಡೆಲ್ಲಿ ತಂಡ ಐಪಿಎಲ್​ ಇತಿಹಾಸದಲ್ಲೇ ಪವರ್​ಪ್ಲೇನಲ್ಲಿ ಅತ್ಯಂತ ಕನಿಷ್ಠ (6 ವಿಕೆಟ್​ಗೆ 13) ರನ್​ ಗಳಿಸಿದ ತಂಡವೆನಿಸಿತು. 2009ರಲ್ಲಿ ಆರ್​ಸಿಬಿ ಎದುರು ರಾಜಸ್ಥಾನ 2 ವಿಕೆಟ್​ಗೆ 14 ರನ್​ ಮತ್ತು 2022ರಲ್ಲಿ ರಾಜಸ್ಥಾನ ಎದುರು ಸನ್​ರೈಸರ್ಸ್​ 3 ವಿಕೆಟ್​ಗೆ 14 ರನ್​ ಗಳಿಸಿದ್ದು ಹಿಂದಿನ ಕನಿಷ್ಠ. ಪವರ್​ಪ್ಲೇನಲ್ಲೇ 6 ವಿಕೆಟ್​ ಬಿದ್ದ 2ನೇ ದೃಷ್ಟಾಂತ ಇದಾಗಿದೆ. 2011ರಲ್ಲಿ ಡೆಕ್ಕನ್​ ಚಾರ್ಜರ್ಸ್​ ಎದುರು ಕೊಚ್ಚಿ ಟಸ್ಕರ್ಸ್​ ತಂಡವೂ 29 ರನ್​ಗಳಿಗೆ 6 ವಿಕೆಟ್​ ಕಳೆದುಕೊಂಡಿತ್ತು.