ಐಪಿಎಲ್ ಮುಗಿದ ಮೇಲೆ ಮಾನಸಿಕವಾಗಿ ಕುಗ್ಗಿಹೋದೆ!... LSG ಜತೆಗಿನ ಕಹಿ ಅನುಭವ ಬಿಚ್ಚಿಟ್ಟ ರಾಹುಲ್.. KL Rahul

KL Rahul: ಇಂಡಿಯನ್​ ಪ್ರೀಮಿಯರ್ ಲೀಗ್​ (ಐಪಿಎಲ್ ) ಪಂದ್ಯಾವಳಿಯಲ್ಲಿ ನಾಯಕನಾಗಿ ತಂಡವನ್ನು ಮುನ್ನಡೆಸುವುದು ಎಷ್ಟು ಸವಾಲಿನ ಕೆಲಸ ಎಂಬ ಗಂಭೀರ ವಿಚಾರವನ್ನು ಭಾರತದ ಕ್ರಿಕೆಟಿಗ ಕೆ.ಎಲ್ ರಾಹುಲ್ ಮುಕ್ತವಾಗಿ ಹಂಚಿಕೊಂಡಿದ್ದಾರೆ. 'ಹ್ಯೂಮನ್ಸ್ ಆಫ್ ಬಾಂಬೆ' ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, 10 ತಿಂಗಳು ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡುವುದಕ್ಕಿಂತ ಎರಡು ತಿಂಗಳ ಐಪಿಎಲ್ ಟೂರ್ನಿಯಲ್ಲಿ ನಾಯಕನಾಗಿರುವುದು ತಮ್ಮನ್ನು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಂಪೂರ್ಣವಾಗಿ ಬಳಲಿಸುತ್ತಿತ್ತು ಎಂದು ಹೇಳಿದ್ದಾರೆ.

ಮಾಲೀಕರಿಗೆ ಉತ್ತರಿಸುವುದೇ ದೊಡ್ಡ ಕಸರತ್ತು

ಆದಾಗ್ಯೂ, ಪಂದ್ಯಗಳು ಸೋತ ನಂತರ ಎದುರಾಗುತ್ತಿದ್ದ ಪ್ರಶ್ನೆಗಳ ಬಗ್ಗೆ ವಿವರಣೆ ನೀಡಿದ ಅವರು, ಈ ಆಟಗಾರನಿಗೆ ಪ್ಲೇಯಿಂಗ್ 11ನಲ್ಲಿ ಏಕೆ ಅವಕಾಶ ನೀಡಿದ್ರಿ?, ಎದುರಾಳಿ ತಂಡ 200 ರನ್ ಗಳಿಸಿದರೆ, ನಾವು 120 ರನ್‌ಗಳಿಗೆ ಏಕೆ ಆಲ್ಔಟ್ ಆದೆವು?, ಅವರ ಬೌಲರ್‌ಗಳಿಗೆ ಸಿಕ್ಕ ತಿರುವು (Spin) ನಮ್ಮ ಬೌಲರ್‌ಗಳಿಗೆ ಏಕೆ ಸಿಗಲಿಲ್ಲ? ಎಂಬಂತಹ ಪ್ರಶ್ನೆಗಳನ್ನು ನಾಯಕ ಮತ್ತು ಕೋಚ್‌ಗಳಿಗೆ ಕೇಳಲಾಗುತ್ತದೆ. ಕ್ರಿಕೆಟ್‌ನಲ್ಲಿ ಎಷ್ಟೇ ಸಿದ್ಧತೆ ನಡೆಸಿದರೂ ಕೂಡಾ ಗೆಲುವು ಖಚಿತ ಎಂದು ಹೇಳಲಾಗುವುದಿಲ್ಲ. ಆದರೆ, ಈ ವಿಷಯಗಳನ್ನು ಮಾಲೀಕರಿಗೆ ಅರ್ಥೈಸುವುದೇ ನಾಯಕನಾದವನಿಗೆ ದೊಡ್ಡ ಸವಾಲು ಎಂದು ಹೇಳಿದ್ದಾರೆ.

ಡೆಲ್ಲಿ ಕ್ಯಾಪಿಟಲ್ಸ್‌ನಲ್ಲಿ ಹೊಸ ಅಧ್ಯಾಯ