ಡೆಲ್ಲಿ ತಂಡದ ಕ್ಷೀಣ ಆಸೆಯನ್ನು ಜೀವಂತವಿಟ್ಟ ಮಿಚೆಲ್​ ಸ್ಟಾರ್ಕ್​ಗೆ ನಾಯಕ ಅಕ್ಷರ್​ ಪಟೇಲ್​ ಮೆಚ್ಚುಗೆ

"ಮಧ್ಯಮ ಓವರ್​ಗಳಲ್ಲಿ ನಾವು ಅತ್ಯುತ್ತಮ ದಾಳಿ ಸಂಟಿಸುವ ಮೂಲಕ ಪಂದ್ಯಕ್ಕೆ ಮರಳಿದೆವು. ಕೊನೇ 6 ಓವರ್​ಗಳ ಬೌಲಿಂಗ್​ ಕ್ಲಾಸ್​ ಆಗಿತ್ತು. ಸ್ಟಾರ್ಕ್​ "ಯುವ' ಆಟಗಾರರಂತೆ ಬೌಲಿಂಗ್​ ಮಾಡುತ್ತಿದ್ದಾರೆ' ಎಂದು ಅಕ್ಷರ್​ ಪಂದ್ಯದ ಬಳಿಕ ಹೇಳಿದ್ದಾರೆ.

14 ಓವರ್​ಗಳಲ್ಲಿ 2 ವಿಕೆಟ್​ಗೆ 160 ರನ್​ ಗಳಿಸಿ ಸುಸ್ಥಿತಿಯಲ್ಲಿದ್ದ ರಾಜಸ್ಥಾನ ಬಳಿಕ, ಮಿಚೆಲ್​ ಸ್ಟಾರ್ಕ್​ (40ಕ್ಕೆ 4) ದಾಳಿಗೆ ಕುಸಿದು 8 ವಿಕೆಟ್​ಗೆ 193 ರನ್​ ಗಳಿಸಲಷ್ಟೇ ಶಕ್ತವಾಗಿತ್ತು. ಪ್ರತಿಯಾಗಿ ಡೆಲ್ಲಿ ಕನ್ನಡಿಗ ಕೆಎಲ್​ ರಾಹುಲ್​ (56) ಮತ್ತು ಅಭಿಷೇಕ್​ ಪೊರೆಲ್​ (51) ಅರ್ಧಶತಕದಾಟ ಮತ್ತು ಮೊದಲ ವಿಕೆಟ್​ಗೆ 61 ಎಸೆತಗಳಲ್ಲಿ 105 ರನ್​ ಕೂಡಿಹಾಕಿದ ಬಲದಿಂದ ದಿಟ್ಟವಾಗಿ ಚೇಸಿಂಗ್​ನತ್ತ ಮುನ್ನಡೆಯಿತು. ಬಳಿಕ ಸಾಹಿಲ್​ ಪರಾಖ್​ (9), ಟ್ರಿಸ್ಟಾನ್​ ಸ್ಟಬ್ಸ್​ (4), ಡೇವಿಡ್​ ಮಿಲ್ಲರ್​ (9) ಬೇಗನೆ ಔಟಾದರೂ, ಅಕ್ಷರ್​ ಪಟೇಲ್​ (34*) ಮತ್ತು ಇಂಪ್ಯಾಕ್ಟ್​ ಪ್ಲೇಯರ್​ ಆಶುತೋಷ್​ ಶರ್ಮ (18*) ದಿಟ್ಟ ಜತೆಯಾಟದಿಂದ ಡೆಲ್ಲಿ 19.2 ಓವರ್​ಗಳಲ್ಲಿ 5 ವಿಕೆಟ್​ಗೆ 197 ರನ್​ ಗಳಿಸಿ ಗೆಲುವಿನ ದಡ ಸೇರಿತು.

*8: ಕೆಎಲ್​ ರಾಹುಲ್​ ಐಪಿಎಲ್​ ಆವೃತ್ತಿಯೊಂದರಲ್ಲಿ ಸತತ 3ನೇ ಬಾರಿ ಮತ್ತು ಒಟ್ಟಾರೆ 8ನೇ ಬಾರಿ 500 ಪ್ಲಸ್​ ರನ್​ ಗಳಿಸಿದರು.

*4: ಯಶಸ್ವಿ ಜೈಸ್ವಾಲ್​ ಟಿ20 ಕ್ರಿಕೆಟ್​ನಲ್ಲಿ 4 ಸಾವಿರ ರನ್​ ಪೂರೈಸಿದ ಸಾಧನೆ ಮಾಡಿದರು.

*5: ಡೆಲ್ಲಿ ತಂಡ ತವರಿನ ಅಂಗಣದಲ್ಲಿ ಸತತ 5 ಸೋಲಿನ ಬಳಿಕ ಗೆಲುವು ದಾಖಲಿಸಿತು.

*ನಮಗೆ ಸಿಕ್ಕ ಉತ್ತಮ ಆರಂಭದ ಬಳಿಕ 210ಕ್ಕೂ ಅಧಿಕ ರನ್​ ಗಳಿಸಬಹುದಾಗಿತ್ತು. ನಮ್ಮ ಬೌಲಿಂಗ್​ ಕೂಡ ಇನ್ನಷ್ಟು ಉತ್ತಮವಾಗಿರಬೇಕಿತ್ತು. ನಾವಿನ್ನು ಪ್ಲೇಆಫ್​​ಗೆ ಏರದಿದ್ದರೆ ಅದು ನಮ್ಮದೇ ತಪ್ಪು ಆಗಿರಲಿದೆ.