ಇದೇ ವೇಳೆ ಸಂಜು ಸ್ಯಾಮ್ಸನ್ಗೆ 'ವಿಶ್ರಾಂತಿ' ನೀಡುತ್ತಿರುವ ಮ್ಯಾನೇಜ್ಮೆಂಟ್ನ ನಿರ್ಧಾರದ ವಿರುದ್ಧವೂ ಆಶ್ವಿನ್ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅಸಲಿಗೆ ವಿಶ್ರಾಂತಿ ಎಂದರೆ ಏನು? ಸಂಜು ಸ್ಯಾಮ್ಸನ್ ಕೇವಲ ಟಿ20 ಪಂದ್ಯಗಳನ್ನು ಮಾತ್ರ ಆಡುತ್ತಿದ್ದಾರೆ, ಅವರು ಟೆಸ್ಟ್ ಅಥವಾ ಏಕದಿನ ಪಂದ್ಯಗಳನ್ನು ಆಡುತ್ತಿಲ್ಲ, ಹಾಗಿರುವಾಗ ಅವರಿಗೆ ವಿಶ್ರಾಂತಿಯ ಅಗತ್ಯವಾದರೂ ಎಲ್ಲಿದೆ? ಎಂದು ಅವರು ಖಾರವಾಗಿ ಕೇಳಿದ್ದಾರೆ. ಜಿಂಬಾಬ್ವೆ ಪ್ರವಾಸದ ನಂತರ ಅವರು ತಿರುವನಂತಪುರಂನಲ್ಲಿರುವ ತಮ್ಮ ಮನೆಯಲ್ಲಿ ಆರಾಮವಾಗಿ ವಿಶ್ರಾಂತಿ ಪಡೆಯಲಿದ್ದಾರೆ, ಕೇವಲ ಟಿ20 ಮಾತ್ರ ಆಡುವ ಆಟಗಾರನಿಗೆ ವಿಶ್ರಾಂತಿ ಏಕೆ ಬೇಕು ಎಂದು ಪ್ರಶ್ನಿಸಿರುವ ಆಶ್ವಿನ್, ಮ್ಯಾನೇಜ್ಮೆಂಟ್ನ ಈ ಸಂಪೂರ್ಣ ನಡೆ ಅತ್ಯಂತ ಅನ್ಯಾಯದಿಂದ ಕೂಡಿದೆ ಎಂದು ಸ್ಪಷ್ಟಪಡಿಸಿದ್ದಾರೆ, (ಏಜೆನ್ಸೀಸ್).
