ಇಂದು ಭಾರತ-ಆಫ್ಘನ್ ಮೊದಲ ಟಿ20: ಆರಂಭಿಕ ಸ್ಥಾನಕ್ಕೆ ವೈಭವ್ ಹಾಗೂ ಸ್ಯಾಮ್ಸನ್ ನಡುವೆ ನಿಕಟ ಸ್ಪರ್ಧೆ

ಅಫ್ಘಾನಿಸ್ತಾನ ಆತಿಥೇಯ ತಂಡವಾಗಿ ಮತ್ತು ಭಾರತ ಪ್ರವಾಸಿ ತಂಡವಾಗಿ ಆಡಲಿರುವ ಸರಣಿಗೆ ‘ಫ್ರೆಂಡ್‌ಶಿಪ್’ಕಪ್ ಎಂದು ಹೆಸರಿಡಲಾಗಿದೆ. ಭಾರತ ಇದುವರೆಗೆ ಅಫ್ಘಾನಿಸ್ತಾನ ಎದುರು ಒಂದೂ ಟಿ20 ಪಂದ್ಯ ಸೋಲದ ಅಜೇಯ ದಾಖಲೆ ಹೊಂದಿದೆ. ಐರ್ಲೆಂಡ್ ಹಾಗೂ ಇಂಗ್ಲೆಂಡ್ ಪ್ರವಾಸದ ಸರಣಿ ಸೋಲಿನೊಂದಿಗೆ ನಾಯಕತ್ವ ಆರಂಭಿಸಿರುವ ಶ್ರೇಯಸ್ ಅಯ್ಯರ್‌ಗೆ ತವರಿನಲ್ಲೂ ಕಠಿಣ ಸವಾಲು ಎದುರಾಗಲಿದೆ.

ಮಾಜಿ ನಾಯಕ ರಶೀದ್ ಖಾನ್, ಮೊಹಮದ್ ನಬಿ, ರಹಮಾನುಲ್ಲ ಗುರ್ಬಜ್ ಹಾಗೂ ಒಮರ್ಜಾಯಿ ಅಂಥ ಅನುಭವಿ ಆಟಗಾರರನ್ನು ಹೊಂದಿರುವ ಅ್ಘಾನಿಸ್ತಾನ ಚುಟುಕು ಕ್ರಿಕೆಟ್‌ನಲ್ಲಿ ಭಾರತ ಎದುರು ಮೊದಲ ಜಯದ ಹುಡುಕಾಟದಲ್ಲಿದೆ.

ಭಾರತ: ಇಂಗ್ಲೆಂಡ್ ಪ್ರವಾಸದಲ್ಲಿ 8ನೇ ಕ್ರಮಾಂಕದಲ್ಲಿ ಆಲ್ರೌಂಡರ್ ಆಡಿಸಲಾಗಿತ್ತು. ಆದರೆ, ಜಿಂಬಾಬ್ವೆ ಸರಣಿಯಲ್ಲಿ ತಜ್ಞ ಬೌಲರ್‌ನೊಂದಿಗೆ ಕಣಕ್ಕಿಳಿಯಲಾಗಿತ್ತು. ಇದರಿಂದ 11ರ ಬಳಗದ ಆಯ್ಕೆ ಕುತೂಹಲ ಮೂಡಿಸಿದೆ. ವೈಭವ್ ಸೂರ್ಯವಂಶಿ ಹಾಗೂ ಸಂಜು ಸ್ಯಾಮ್ಸನ್ ನಡುವೆ ಆರಂಭಿಕ ಸ್ಥಾನಕ್ಕೆ ನಿಕಟ ಸ್ಪರ್ಧೆ ಏರ್ಪಟ್ಟಿದ್ದು,ಅಭ್ಯಾಸದ ವೇಳೆ ಬೆನ್ನು ನೋವಿನ ಸಮಸ್ಯೆಗೆ ಒಳಗಾಗಿರುವ ಇಶಾನ್ ಕಿಶನ್ ಗೈರಾದರೆ, ಇವರಿಬ್ಬರಿಗೂ ಆಡುವ 11ರ ಬಳಗದಲ್ಲಿ ಸ್ಥಾನ ಸಿಗುವ ನಿರೀಕ್ಷೆ ಇದೆ. ಜಸ್‌ಪ್ರೀತ್ ಬುಮ್ರಾ ಜತೆಗೆ ಅರ್ಷದೀಪ್ ವೇಗದ ಬೌಲಿಂಗ್‌ಗೆ ಶಕ್ತಿ ತುಂಬಲಿದ್ದಾರೆ.

ಸಂಭಾವ್ಯ ತಂಡ: ಅಭಿಷೇಕ್ ಶರ್ಮ, ವೈಭವ್ ಸೂರ್ಯವಂಶಿ/ಸಂಜು ಸ್ಯಾಮ್ಸನ್, ಇಶಾನ್ ಕಿಶನ್ (ವಿ.ಕೀ), ಶ್ರೇಯಸ್ ಅಯ್ಯರ್ (ನಾಯಕ), ತಿಲಕ್ ವರ್ಮ, ಅಕ್ಷರ್ ಪಟೇಲ್, ವಾಷಿಂಗ್ಟನ್ ಸುಂದರ್, ನಿತೀಶ್ ಕುಮಾರ್ ರೆಡ್ಡಿ, ಅರ್ಷದೀಪ್ ಸಿಂಗ್, ಜಸ್‌ಪ್ರೀತ್ ಬುಮ್ರಾ, ವರುಣ್ ಚಕ್ರವರ್ತಿ.

ಅಫ್ಘಾನಿಸ್ತಾನ: ಇಬ್ಬರು ಅಥವಾ ಓರ್ವ ವೇಗಿಯೊಂದಿಗೆ ಕಣಕ್ಕಿಳಿಯಬೇಕೆ ಎಂಬ ಗೊಂದಲವಿದ್ದು, ಜಲ್‌ಹಕ್ ರೂಕಿ ನಡುವೆ ನವೀನ್ ಉಲ್ ಹಕ್ ಒಬ್ಬರಿಗೆ ಅವಕಾಶ ಸಿಗಲಿದೆ. ಇಬ್ಬರಿಗೂ ಅವಕಾಶ ಸಿಕ್ಕರೆ, ಸ್ಪಿನ್ನರ್‌ಗಳಾದ ಮುಜೀಬ್ ಉರ್ ರೆಹಮಾನ್, ನೂರ್ ಅಹ್ಮದ್ ಪೈಕಿ ಒಬ್ಬರು ಹೊರಗುಳಿಯಬೇಕಾಗುತ್ತದೆ.

ಸಂಭಾವ್ಯ ತಂಡ: ರಹಮಾನುಲ್ಲ ಗುರ್ಬಜ್ (ವಿ.ಕೀ), ಇಬ್ರಾಹಿಂ ಜದ್ರಾನ್, ಗುಲ್ಬದಿನ್ ನೈಬ್, ಸೈದಿಕ್‌ಉಲ್ಲಾ ಅಟಲ್, ದಾರ್ವಿಶ್ ರಸೂಲಿ, ಅಜ್ಮತ್‌ಉಲ್ಲಾ ಒಮರ್ಜಾಯಿ, ಮೊಹಮದ್ ನಬಿ, ರಶೀದ್ ಖಾನ್, ಫಜಲ್‌ಹಕ್ ಫಾರೂಕಿ/ನವೀನ್ ಉಲ್ ಹಕ್.