ನಮ್ಮ ಯಶಸ್ಸಿನ ಹಿಂದೆ... ಜಿಂಬಾಬ್ವೆ ಟಿ20 ಸರಣಿ ಗೆದ್ದ ಖುಷಿಯಲ್ಲಿ ನಾಯಕ ಶ್ರೇಯಸ್​ ಅಯ್ಯರ್​ ಬಾಯ್ಬಿಟ್ಟ ವಿಷಯವಿದು

IND vs ZIM: ಹರಾರೆ ಕ್ರೀಡಾಂಗಣದಲ್ಲಿ ನಡೆದ ಜಿಂಬಾಬ್ವೆ ವಿರುದ್ಧದ ಕೊನೆಯ ಟಿ20 ಪಂದ್ಯದಲ್ಲಿಯೂ ಭರ್ಜರಿ ಗೆಲುವು ದಾಖಲಿಸಿದ ಟೀಮ್ ಇಂಡಿಯಾ, ಮೂರು ಪಂದ್ಯಗಳ ಟಿ20 ಸರಣಿಯನ್ನು ಕ್ಲೀನ್​ಸ್ವೀಪ್​ನಿಂದ ಗೆದ್ದು ಬೀಗಿದೆ. ಸರಣಿ ಜಯದ ಬೆನ್ನಲ್ಲೇ ಮಾತನಾಡಿದ ಕ್ಯಾಪ್ಟನ್ ಶ್ರೇಯಸ್​ ಅಯ್ಯರ್​, ತಂಡದ ಯಶಸ್ಸಿಗೆ ಅವರೇ ಪ್ರಮುಖ ಕಾರಣ ಎಂದಿದ್ದಾರೆ.

ಮೂರನೇ ಟಿ20 ಪಂದ್ಯದ ಗೆಲುವಿನ ಬಳಿಕ ಮಾತನಾಡಿದ ಶ್ರೇಯಸ್ ಅಯ್ಯರ್, "ನಾಯಕನಾಗಿ ಇದು ನನ್ನ ಮೊದಲ ಸರಣಿ ಗೆಲುವಾಗಿದೆ. ಇಲ್ಲಿ ನನ್ನ ಸಂತೋಷಕ್ಕೆ ಇತಿ-ಮಿತಿಯೇ ಇಲ್ಲ. ಆಟಗಾರರ ಉತ್ತಮ ಆಲ್​ರೌಂಡ್​ ಪ್ರದರ್ಶನ ಮತ್ತು ಪ್ಲ್ಯಾನಿಂಗ್​ಗಳನ್ನು ಸರಿಯಾಗಿ ತೋರಿದ್ದೇ ಟಿ20 ಸೀರಿಸ್​ ಗೆಲುವಿಗೆ ಕಾರಣವಾಯಿತು ಎಂದರು.

ಈ ಸರಣಿಯ ಯಶಸ್ಸಿನ ಹಿಂದೆ ನಮ್ಮ ಹೆಡ್​ ಕೋಚ್ ವಿವಿಎಸ್ ಲಕ್ಷ್ಮಣ್ ಅವರ ಕಠಿಣ ಪರಿಶ್ರಮವಿದೆ. ಲಕ್ಷ್ಮಣ್ ಅವರ ಮಾರ್ಗದರ್ಶನದಲ್ಲಿ ನಮ್ಮ ಡ್ರೆಸ್ಸಿಂಗ್ ರೂಮ್​ನಲ್ಲಿ ಅತ್ಯಂತ ಶಾಂತ ಮತ್ತು ಕಲಿಕೆಯ ವಾತಾವರಣವನ್ನು ಸೃಷ್ಟಿಯಾಯಿತು. ಯುವ ಆಟಗಾರರಿಗೆ ಸ್ವಾತಂತ್ರ್ಯ ನೀಡುವುದು ಮುಖ್ಯ ಗುರಿಯಾಗಿತ್ತು. ಕೋಚ್​ ನೀಡಿದ ಸಲಹೆ ಮತ್ತು ಸ್ಪಷ್ಟ ಟೆಕ್ನಿಕ್​ಗಳೇ ಆಟಗಾರರಿಗೆ ಮಾನಸಿಕ ಸ್ಥಿರತೆಯನ್ನು ಕೊಟ್ಟಿತು. ಎಲ್ಲ ಆಟಗಾರರಲ್ಲೂ ಗೆಲುವಿನ ವಿಶ್ವಾಸವನ್ನು ಚೆನ್ನಾಗಿ ತುಂಬಿದರು" ಎಂದು ಅಯ್ಯರ್ ಲಕ್ಷ್ಮಣ್​ರನ್ನು ಹೊಗಳಿದರು.

ಐಪಿಎಲ್‌ನಲ್ಲಿ ತಂಡದ ಆಟಗಾರರ ಅನುಭವವು ಜಿಂಬಾಬ್ವೆ ವಿರುದ್ಧದ ಪ್ರವಾಸದಲ್ಲಿ ಉಪಯುಕ್ತವಾಯಿತು. ಒಬ್ಬ ನಾಯಕನಾಗಿ, ಆಟಗಾರರು ಒತ್ತಡಕ್ಕೆ ಒಳಗಾಗದಂತೆ ನೋಡಿಕೊಳ್ಳುವುದು ನನ್ನ ಜವಾಬ್ದಾರಿಯಾಗಿತ್ತು. ಕಠಿಣ ಸಮಯದಲ್ಲಿ ಆಟಗಾರರು ತೆಗೆದುಕೊಂಡ ತಾಳ್ಮೆ, ಜವಾಬ್ದಾರಿ ತಂಡವನ್ನು ಗೆಲುವಿನತ್ತ ಕೊಂಡೊಯ್ದಿತು. ಭವಿಷ್ಯದಲ್ಲಿ ಸವಾಲುಗಳು ಇನ್ನಷ್ಟು ಕಠಿಣವಾಗಬಹುದು. ಆದ್ರೆ, ಆಟಗಾರರಲ್ಲಿ ಇದೇ ಧೈರ್ಯ ಮುಂದುವರಿದರೆ, ಮುಂದಿನ ದಿನಗಳಲ್ಲಿ ಯಾವುದೇ ತಂಡವನ್ನು ಬೇಕಾದರೂ ಮಣಿಸಬಹುದು ಎಂಬ ವಿಶ್ವಾಸ ನನಗಿದೆ" ಎಂದರು,(ಏಜೆನ್ಸೀಸ್).