ಪಾಕ್​ ತಂಡದಲ್ಲಿ ಆ ಕೊರತೆ ಇದೆ... ವಾಸಿಮ್ ಅಕ್ರಂ​, ಯೂಸಫ್​, ಇಂಜಮಾಮ್​ ಹೆಸರು ನೆನಪಿಸಿದ ಗಂಗೂಲಿ | IND vs PAK

ಶ್ರೀಲಂಕಾ: ಟಿ20 ವಿಶ್ವಕಪ್​ ಟೂರ್ನಿಯ ಬಹುನಿರೀಕ್ಷಿತ ಹಾಗೂ ಕುತೂಹಲಕಾರಿ ಪಂದ್ಯಕ್ಕೆ ಇನ್ನೇನು ಕೆಲವೇ ಗಂಟೆಗಳು ಬಾಕಿ ಉಳಿದಿದ್ದು, ರೋಚಕತೆಗೆ ಸಾಕ್ಷಿಯಾಗಲಿದೆ ಎಂದೇ ತೀವ್ರ ಕಾತರದಿಂದ ಕಾಯುತ್ತಿರುವ ಕ್ರಿಕೆಟ್​ ಅಭಿಮಾನಿಗಳು ಪಂದ್ಯಕ್ಕೆ ವರುಣನ ಅಡ್ಡಿ ಕಾಡದಿರಲಿ ಹಾಗೂ ಟೀಮ್ ಇಂಡಿಯಾ ಜಯ ಶಾಲಿಯಾಗಲಿ ಎಂದು ಶುಭ ಹಾರೈಸುತ್ತಿದ್ದಾರೆ. ಈ ಮಧ್ಯೆ, ಟೀಮ್ ಇಂಡಿಯಾ ದಿಗ್ಗಜ, ಮಾಜಿ ಕ್ಯಾಪ್ಟನ್ ಸೌರವ್ ಗಂಗೂಲಿ ಅವರ ಹೇಳಿಕೆಗಳು ಸದ್ಯ ಹಲವರ ಗಮನ ಸೆಳೆಯುತ್ತಿದೆ.

ಈ ಮೊದಲು ಪಾಕಿಸ್ತಾನದ ಮಿಸ್ಟರಿ ಸ್ಪಿನ್ನರ್​ ಬಗ್ಗೆ ಮಾತನಾಡಿದ ಕ್ರಿಕೆಟ್​ 'ದಾದಾ', ಯಾವುದು ಕಷ್ಟವೇನಲ್ಲ. ತಾರಿಕ್ ಒಬ್ಬ ಸಾಮಾನ್ಯ ಆಫ್​-ಸ್ಪಿನ್ನರ್. ಏನು ಒಂದು ಪಾಜ್​ ಕೊಟ್ಟು ಬೌಲಿಂಗ್ ಮಾಡ್ತಾರೆ ಅಷ್ಟೇ. ನಮ್ಮ ತಂಡ (ಟೀಮ್ ಇಂಡಿಯಾ) ಚೆನ್ನಾಗಿಯೇ ಆಡಲಿದೆ ಎಂದರು. ಇನ್ನು ತಂಡದಲ್ಲಿ ಒಂದಷ್ಟು ಬದಲಾವಣೆಯ ಅಗತ್ಯವಿದೆ ಎಂದ ಗಂಗೂಲಿ, ಅಕ್ಸರ್​, ವರುಣ್​, ಬುಮ್ರಾ ಮತ್ತು ಅರ್ಷದೀಪ್​ ಸಿಂಗ್​ ಫ್ರಂಟ್​ಲೈನ್​ ಬೌಲರ್​ಗಳ ಸ್ಥಾನದಲ್ಲಿರಬೇಕು. ತಂಡದ ಮೇಲೆ ನನಗೆ ಭರವಸೆಯಿದೆ ಎಂದು ಹೇಳಿದರು.

ಈಗಿರುವ ಪಾಕಿಸ್ತಾನ ತಂಡ ಆಗಿನಂತೆ ಬಲಿಷ್ಠತೆಯಿಂದ ಕೂಡಿಲ್ಲ. ಒಟ್ಟಾರೆ, ಮೊದಲಿನಂತೆ ಇಲ್ಲ. ಆಗ ಇಂಜಮಾಮ್​ ಉಲ್​ ಉಕ್​, ಸೈಯಿದ್​ ಅನ್ವರ್​, ಮೊಹಮ್ಮದ್​ ಯೂಸಫ್​, ವಾಸಿಮ್​ ಅಕ್ರಂ, ವಾಖರ್​ ಯೂನಿಸ್​ ಅವರಂತಹ ಆಟಗಾರರಿಂದ ಪಾಕ್​ ಬ್ಯಾಟಿಂಗ್​ ಯೂನಿಟ್​ ಗಟ್ಟಿಯಾಗಿತ್ತು. ಈಗ ಅದ್ಯಾವುದೂ ಇಲ್ಲ ಎಂದರು,(ಏಜೆನ್ಸೀಸ್).

ಅಭಿಷೇಕ್ ಶರ್ಮಾ, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಸೂರ್ಯಕುಮಾರ್ ಯಾದವ್ (ನಾಯಕ), ತಿಲಕ್ ವರ್ಮಾ, ಶಿವಂ ದುಬೆ, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್ (ಉಪನಾಯಕ), ವಾಷಿಂಗ್ಟನ್ ಸುಂದರ್, ಜಸ್ಪ್ರೀತ್ ಬುಮ್ರಾ, ಅರ್ಷದೀಪ್ ಸಿಂಗ್, ವರುಣ್ ಚಕ್ರವರ್ತಿ.