ಡ್ಯಾರಿಲ್​, ಫಿಲಿಪ್ಸ್​ ಅಮೋಘ ಶತಕದಾಟ! ಮೊದಲ ಇನ್ನಿಂಗ್ಸ್ ಮುಕ್ತಾಯ; ಗಿಲ್​ ಪಡೆಗೆ 338 ರನ್​ಗಳ ಬೃಹತ್​ ಗುರಿ | IND vs NZ ODI

ಇಂದೋರ್​: ​ನ್ಯೂಜಿಲೆಂಡ್ ಮತ್ತು ಭಾರತ ನಡುವಿನ ಮೂರು ಏಕದಿನ ಸರಣಿಯ ಮೂರನೇ ಹಾಗೂ ಕೊನೆಯ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಕಿವೀಸ್​ ಪಡೆಗೆ ಡ್ಯಾರಿಲ್ ಮಿಚೆಲ್ ಮತ್ತು ಗ್ಲೆನ್ ಫಿಲಿಪ್ಸ್ ಶತಕದಾಟ ತಂಡದ ಮೊತ್ತವನ್ನು 300ರ ಗಡಿದಾಟಿಸಿತು. 50 ಓವರ್​ ಅಂತ್ಯಕ್ಕೆ 8 ವಿಕೆಟ್​ ಕಳೆದುಕೊಂಡ ನ್ಯೂಜಿಲೆಂಡ್​ 337 ರನ್​ ಕಲೆಹಾಕಿದೆ.

ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಶುಭಮನ್ ಗಿಲ್ ಪಡೆ, ಕಿವೀಸ್​ಗೆ ಬ್ಯಾಟಿಂಗ್ ಮಾಡುವಂತೆ ಆಹ್ವಾನಿಸಿತು. ಅಂತೆಯೇ ಕ್ರೀಸ್​ಗಿಳಿದ ನ್ಯೂಜಿಲೆಂಡ್​ನ ಸ್ಟಾರ್​ ಓಪನರ್ಸ್​ಗಳಾದ ಡೆವಾನ್​ ಕಾನ್ವೆ ಮತ್ತು ಹೆನ್ರಿ ನಿಕೋಲ್ಸ್​ ಟೀಮ್ ಇಂಡಿಯಾ ವೇಗಿಗಳ ಆರ್ಭಟಕ್ಕೆ ತತ್ತರಿಸಿದರು. ಇದು ತಂಡಕ್ಕೆ ದೊಡ್ಡ ಸಂಕಷ್ಟಕ್ಕೆ ಸಿಲುಕಿಸಿತು. ಆದರೆ, ಎಂದಿನಂತೆ ಕಿವೀಸ್​ಗೆ ಆಪತ್ಬಾಂಧವನಾಗಿ ನಿಲ್ಲುವ ಡ್ಯಾರಿಲ್ ಮಿಚೆಲ್​ ಸರಣಿಯಲ್ಲಿ ಎರಡನೇ ಬಾರಿಗೆ ಶತಕ ಬಾರಿಸಿ, ತಮ್ಮ ಮೇಲಿರುವ ವಿಶ್ವಾಸವನ್ನು ದ್ವಿಗುಣಗೊಳಿಸಿದ್ದಾರೆ.

ಇನ್ನು ಟೀಮ್ ಇಂಡಿಯಾ ಪರ ವೇಗಿಗಳಾದ ಅರ್ಷದೀಪ್ ಸಿಂಗ್ ಮತ್ತು ಹರ್ಷಿತ್ ರಾಣಾ ತಲಾ ಎರಡು ವಿಕೆಟ್ ಕಬಳಿಸಿದರೆ, ಮೊಹಮ್ಮದ್ ಸಿರಾಜ್, ಕುಲದೀಪ್ ಯಾದವ್ ತಲಾ ಒಂದು ವಿಕೆಟ್​ ಪಡೆದರು. ಮೊದಲ ಇನ್ನಿಂಗ್ಸ್ ಮುಕ್ತಾಯಗೊಂಡಿದ್ದು, ಕಿವೀಸ್​ ಪಡೆ ನೀಡಿರುವ 338 ರನ್​ಗಳ ಬೃಹತ್ ಗುರಿಯನ್ನು ಭಾರತ ತಲುಪಲಿದೆಯೇ? ಪಂದ್ಯ ಗೆದ್ದು ಸರಣಿ ವಶಪಡಿಸಿಕೊಳ್ಳಲಿದೆಯೇ? ಎಂಬುದನ್ನು ದ್ವಿತೀಯ ಇನ್ನಿಂಗ್ಸ್​ನಲ್ಲಿ ಕಾದು ನೋಡಬೇಕಿದೆ.

ಹೆನ್ರಿ ನಿಕೋಲ್ಸ್​ (0)

ಡೆವಾನ್ ಕಾನ್ವೆ (5 ರನ್​)

ವಿಲ್ ಯಂಗ್ (30 ರನ್​, 41 ಎಸೆತ)

ಡ್ಯಾರಿಲ್ ಮಿಚೆಲ್​ (137 ರನ್​, 131 ಎಸೆತ)

ಗ್ಲೆನ್ ಫಿಲಿಪ್ಸ್​ (106 ರನ್​, 88 ರನ್​)

ಹರ್ಷಿತ್ ರಾಣಾ - 2 ವಿಕೆಟ್

ಅರ್ಷದೀಪ್ ಸಿಂಗ್ - 2 ವಿಕೆಟ್​

ಮೊಹಮ್ಮದ್ ಸಿರಾಜ್ - 1 ವಿಕೆಟ್​

ಕುಲದೀಪ್​ ಯಾದವ್​ - 1 ವಿಕೆಟ್​