ದಕ್ಷಿಣ ಆಫ್ರಿಕಾ ವಿರುದ್ಧ ಏಕದಿನ ಸರಣಿಯಲ್ಲಿ ಭಾರತ ಕಿರಿಯರ ಶುಭಾರಂಭ

ವಿಲ್ಲೋಮೂರ್​ ಪಾರ್ಕ್​ನಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಭಾರತ ತಂಡ ಒಂದು ಹಂತದಲ್ಲಿ 67 ರನ್​ಗಳಿಗೆ 4 ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆಗ ಹರ್​ವಂಶ್​-ಅಂಬರೀಸ್​ (Harvansh Pangalia) 5ನೇ ವಿಕೆಟ್​ಗೆ 137 ರನ್​ ಜತೆಯಾಟವಾಡಿ ಆಸರೆಯಾದರು. ಇದರೊಂದಿಗೆ ಭಾರತ ಭರ್ತಿ 50 ಓವರ್​ಗಳಲ್ಲಿ 301 ರನ್​ ಗಳಿಸಿ ಆಲೌಟ್​ ಆಯಿತು. ಪ್ರತಿಯಾಗಿ ದ. ಆಫ್ರಿಕಾ 27.4 ಓವರ್​ಗಳಲ್ಲಿ 4 ವಿಕೆಟ್​ಗೆ 148 ರನ್​ ಗಳಿಸಿದಾಗ ಗುಡುಗು ಮತ್ತು ಮಳೆಯಿಂದಾಗಿ ಪಂದ್ಯ ಸ್ಥಗಿತಗೊಂಡಿತು. ನಂತರ ಆಟ ಮುಂದುವರಿಯದೆ ಡಿಎಲ್​ಎಸ್​ ನಿಯಮದನ್ವಯ ಫಲಿತಾಂಶ ನಿರ್ಧರಿಸಲಾಯಿತು. ಡಿಎಲ್​ಎಸ್​ ಪ್ರಕಾರ ದ. ಆಫ್ರಿಕಾ 27.4 ಓವರ್​ಗಳಲ್ಲಿ 174 ರನ್​ ಗಳಿಸಬೇಕಾಗಿತ್ತು.

ಭಾರತ: 50 ಓವರ್​ಗಳಲ್ಲಿ 301 (ಆರನ್​ ಜಾರ್ಜ್​ 5, ವೈಭವ್​ ಸೂರ್ಯವಂಶಿ 11, ವೇದಾಂತ್​ 21, ಅಭಿಜ್ಞಾನ್​ 21, ಹರ್​ವಂಶ್​ 93, ಅಂಬರೀಷ್​ 65, ಕನಿಷ್ಕ್​ 32, ಖಿಲನ್​ 26, ಬಸೋನ್​ 54ಕ್ಕೆ 4), ದಕ್ಷಿಣ ಆಫ್ರಿಕಾ: 27.4 ಓವರ್​ಗಳಲ್ಲಿ 4 ವಿಕೆಟ್​ಗೆ 148 (ಶಾಲ್ಕ್​ವಿಕ್​ 60*, ಮನಾಕ್​ 46, ದೀಪೇಶ್​ ದೇವೇಂದ್ರನ್​ 33ಕ್ಕೆ 3, ಖಿಲನ್​ ಪಟೇಲ್​ 14ಕ್ಕೆ 1).