IND vs PAK U-19: ಇಂದು ಒಮಾನ್‌ನ ಅಲ್ ಅಮರಾತ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಿನ 'ಅಂಡರ್-19 ಏಷ್ಯಾಕಪ್ 2026'ರ ಪಂದ್ಯದಲ್ಲಿ ಪಾಕ್ ಮೂರು ವಿಕೆಟ್‌ಗಳ ಜಯ ಸಾಧಿಸಿತು. ಆದರೆ, ಪಂದ್ಯದ ನಡುವೆ ಮಾಡಿದ ಅದೊಂದು ಮಿಸ್ಟೇಕ್ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟ್ರೋಲ್, ಟೀಕೆಗಳಿಗೆ ಗುರಿಯಾಗಿದೆ.
ಅಂಡರ್-19 ಏಷ್ಯಾಕಪ್ ಟೂರ್ನಿಯ ಭಾಗವಾಗಿ ನಡೆದ ಪಂದ್ಯದಲ್ಲಿ ಪಾಕಿಸ್ತಾನ ಗೆಲುವು ಸಾಧಿಸಿದ್ದು ಓಕೆ. ಆದರೆ, ಟೀಮ್ ಇಂಡಿಯಾ ಬ್ಯಾಟಿಂಗ್ ವೇಳೆ ಪಾಕಿಸ್ತಾನಿ ಆಟಗಾರರು ಮಾಡಿದ ಕ್ಯಾಚ್ ಬಿಟ್ಟ ತಪ್ಪು ಈಗ ನೆಟ್ಟಿಗರ ನಗೆಗಡಲಿಗೆ ಕಾರಣವಾಗಿದೆ. ಈ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಟ್ರೋಲ್, ಮೀಮ್ಗಳು ಜೋರಾಗಿದ್ದು, ಬೌಲರ್ ಸೇರಿದಂತೆ ಇಬ್ಬರೂ ಫೀಲ್ಡರ್ಗಳಿಂದ ಒಂದು ಕ್ಯಾಚ್ ಹಿಡಿಯಲು ಸಾಧ್ಯವಾಗಲಿಲ್ಲವಾ? ಎಂಬ ಟೀಕೆಗಳ ಸುರಿಮಳೆಗಳು ಹರಿದುಬಂದಿವೆ. ಕ್ಯಾಚ್ ಬಿಟ್ಟ ದೃಶ್ಯವನ್ನು ನೋಡಿ ಡಗ್ಔಟ್ನಲ್ಲಿ ಇದ್ದ ಆಟಗಾರರು ಸಹ ನಕ್ಕಿದ್ದಾರೆ.
