CSK ಆಟಗಾರ ಅಂಶುಲ್ ಕಾಂಬೋಜ್ ಸಿಎಂ ವಿಜಯ್​​ ಭದ್ರತಾ ದಳ ಸೇರಿದ್ದಾರೆಯೇ? ಫೋಟೋ ವೈರಲ್​​!

ಹೌದು, ಕೆಲವು ದಿನಗಳಿಂದೆ ಮುಖ್ಯಮಂತ್ರಿ ವಿಜಯ್ ಅವರು ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ( ಸಿಎಂ ಪದವಿ ಸ್ವೀಕಾರ) ಭಾಗವಹಿಸಿದ್ದಾಗ, ಅವರ ಪಕ್ಕದಲ್ಲೇ ನಿಂತಿದ್ದ ಭದ್ರತಾ ಸಿಬ್ಬಂದಿಯೊಬ್ಬರ ವಿಡಿಯೋ ಮತ್ತು ಫೋಟೋಗಳು ವೈರಲ್ ಆಗಿದ್ದವು. ಅದಕ್ಕೆ ಕಾರಣ ಆ ವ್ಯಕ್ತಿಯ ಮುಖಚಹರೆ. ನೋಡಲು ಅಚ್ಚರಿ ಎನ್ನುವಂತೆ ಭಾರತೀಯ ಉದಯೋನ್ಮುಖ ವೇಗದ ಬೌಲರ್ ಅಂಶುಲ್ ಕಾಂಬೋಜ್ ಅವರನ್ನೇ ಹೋಲುತ್ತಿದ್ದರು. ಕ್ರಿಕೆಟ್ ಅಭಿಮಾನಿಗಳು "ಅಂಶುಲ್ ಕಾಂಬೋಜ್ ತಮಿಳುನಾಡಿನ ಸಿಎಂ ಭದ್ರತಾ ದಳ ಸೇರಿದ್ದಾರೆಯೇ?" ಎಂದು ತಮಾಷೆ ಮಾಡುತ್ತಾ ಫೋಟೋಗಳನ್ನು ಹಂಚಿಕೊಂಡಿದ್ದರು.

ತಮ್ಮಂತೆಯೇ ಕಾಣುವ ವ್ಯಕ್ತಿಯ ಬಗ್ಗೆ ಮಾಹಿತಿ ಪಡೆದಿದ್ದ ಹರಿಯಾಣದ ವೇಗಿ ಅಂಶುಲ್ ಕಾಂಬೋಜ್, ಇತ್ತೀಚೆಗೆ ಚೆನ್ನೈಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಈ ಭದ್ರತಾ ಸಿಬ್ಬಂದಿಯನ್ನು ಭೇಟಿ ಮಾಡಿದ್ದಾರೆ. ಈ ಇಬ್ಬರು "ಜುಪಿಟರ್" ಪ್ರತಿರೂಪಗಳು ಪರಸ್ಪರ ಭೇಟಿಯಾದಾಗ ಅಲ್ಲಿ ನೆರೆದಿದ್ದವರು ಒಂದು ಕ್ಷಣ ಗೊಂದಲಕ್ಕೀಡಾದರು. ಇಬ್ಬರೂ ಒಟ್ಟಿಗೆ ನಿಂತು ಫೋಟೋ ತೆಗೆಸಿಕೊಂಡಿದ್ದು, ಈಗ ಆ ಚಿತ್ರಗಳು ಇದೀಗ ಇಂಟರ್ನೆಟ್‌ನಲ್ಲಿ ಧೂಳೆಬ್ಬಿಸಿವೆ.

ತಮಿಳುನಾಡು ಮುಖ್ಯಮಂತ್ರಿಗಳ ಭದ್ರತಾ ತಂಡದಲ್ಲಿರುವ ಈ ಯುವಕನ ಹೆಸರು ಸದ್ಯಕ್ಕೆ ಸಾರ್ವಜನಿಕವಾಗಿ ಪೂರ್ಣವಾಗಿ ಬಹಿರಂಗವಾಗಿಲ್ಲದಿದ್ದರೂ, ಸಿಎಂ ವಿಜಯ್ ಅವರ ಅಭಿಮಾನಿ ಬಳಗದಲ್ಲಿ ಈತ ಈಗ ಸ್ಟಾರ್. ಸಿಎಂ ವಿಜಯ್ ರಾಜಕೀಯ ಪ್ರವೇಶಿಸಿ ಮುಖ್ಯಮಂತ್ರಿಯಾದ ನಂತರ, ಅವರ ಸುತ್ತಮುತ್ತಲಿನ ಪ್ರತಿಯೊಂದು ವಿಷಯವೂ ಸುದ್ದಿಯಾಗುತ್ತಿದೆ. ಅದರಲ್ಲೂ ಈ 'ಡ್ಯೂಪ್ಲಿಕೇಟ್ ಅಂಶುಲ್' ಸಿಕ್ಕಾಪಟ್ಟೆ ಫೇಮಸ್ ಆಗಿದ್ದರು.

"ನನ್ನನ್ನು ಕ್ರಿಕೆಟಿಗ ಅಂಶುಲ್ ಅವರಿಗೆ ಹೋಲಿಸುತ್ತಿರುವುದು ನನಗೆ ಖುಷಿ ತಂದಿದೆ. ಇಂದು ಅವರನ್ನು ಖುದ್ದಾಗಿ ಭೇಟಿಯಾಗಿದ್ದು ಮರೆಯಲಾಗದ ಅನುಭವ," ಎಂದು ಆ ಭದ್ರತಾ ಸಿಬ್ಬಂದಿ ಸಂಭ್ರಮ ಹಂಚಿಕೊಂಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ಭೇಟಿಯ ಬಗ್ಗೆ ತರಹೇವಾರಿ ಕಾಮೆಂಟ್‌ಗಳು ಬರುತ್ತಿವೆ. "ಕುಂಭಮೇಳದಲ್ಲಿ ಕಳೆದುಹೋದ ಅಣ್ಣತಮ್ಮಂದಿರು ಈಗ ಒಂದಾದರು" ಎಂದು ಕೆಲವರು ತಮಾಷೆ ಮಾಡಿದರೆ, ಇನ್ನು ಕೆಲವರು "ಯಾರು ಅಸಲಿ? ಯಾರು ನಕಲಿ? ಕಂಡುಹಿಡಿಯುವುದೇ ಕಷ್ಟವಾಗಿದೆ" ಎಂದಿದ್ದಾರೆ.

ಮುಖ್ಯಮಂತ್ರಿ ವಿಜಯ್ ಅವರ ಜನಪ್ರಿಯತೆಯ ಜೊತೆಗೆ, ಅವರ ತಂಡದಲ್ಲಿರುವ ಇಂತಹ ಕುತೂಹಲಕಾರಿ ವ್ಯಕ್ತಿಗಳು ಕೂಡ ಜನರ ಗಮನ ಸೆಳೆಯುತ್ತಿರುವುದು ವಿಶೇಷ. ಸದ್ಯ ಈ 'ಟ್ವಿನ್ಸ್' ಫೋಟೋ ಟ್ವಿಟರ್ (X) ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿದೆ,(ಏಜೆನ್ಸೀಸ್).