ಮುಂಬೈ ತೊರೆದ ಟೀಮ್ ಇಂಡಿಯಾ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ, ಬೆಂಗಳೂರಿಗೆ ಶಿಫ್ಟ್!

ತರಬೇತಿಗಾಗಿ ತನ್ನ ಲೋವರ್ ಪರೇಲ್ ನಿವಾಸದಿಂದ ಪ್ರತಿದಿನ ಪ್ರಯಾಣಿಸುವುದು ಸಮಸ್ಯೆಯಾಗಿದ್ದರಿಂದ ಹಾರ್ದಿಕ್ ಮುಂಬೈ ತೊರೆಯಲು ನಿರ್ಧರಿಸಿದ್ದಾರೆ. ಕೇಂದ್ರೀಯ ಗುತ್ತಿಗೆ ಹೊಂದಿರುವ ಕ್ರಿಕೆಟಿಗರು, ಗಾಯ ಸಮಸ್ಯೆ ನಿರ್ವಹಣೆಯಿಂದ ಕೌಶಲ ತರಬೇತಿಯವರೆಗೆ ಸಿಒಇನಲ್ಲಿರುವ ಸೌಲಭ್ಯ ಬಳಸಿಕೊಳ್ಳಲು ಮುಕ್ತ ಅವಕಾಶ ಹೊಂದಿರಲಿದ್ದಾರೆ. ಆದ್ದರಿಂದ,ಕಳೆದ ಆರು ತಿಂಗಳಿನಿಂದ ಸಿಒಇಯಲ್ಲಿದ್ದ ಹಾರ್ದಿಕ್, ಈಗಾಗಲೇ ಬೆಂಗಳೂರಿನ ಹೊರವಲಯದಲ್ಲಿ ಜಾಗವನ್ನು ಬಾಡಿಗೆಗೆ ಪಡೆದುಕೊಂಡಿದ್ದಾರೆ. ತನ್ನದೇ ಸ್ವಂತ ಖರ್ಚಿನೊಂದಿಗೆ ಕೆಲ ಸಿಬ್ಬಂದಿಯನ್ನು ನೇಮಿಸಿಕೊಂಡಿರುವ ಹಾರ್ದಿಕ್ ತನ್ನ ತರಬೇತಿ ಅವಧಿಯಲ್ಲಿ ನೆರವಾಗಲಿರುವ ಸಿಒಇ ನೆಟ್ ಬೌಲರ್‌ಗಳಿಗೂ ಸ್ವಂತ ಜೇಬಿನಿಂದ ಹಣ ಪಾವತಿಸಲಿದ್ದಾರೆ.