ಕ್ರಿಕೆಟ್

ಐಪಿಎಲ್​ ನಡುವೆಯೇ ಮಹಿಕಾ ಜತೆ ಹಾರ್ದಿಕ್​ ಪಾಂಡ್ಯ ಎರಡನೇ ಮದುವೆ?

ಐಪಿಎಲ್​ ನಡುವೆಯೇ ಮಹಿಕಾ ಜತೆ ಹಾರ್ದಿಕ್​ ಪಾಂಡ್ಯ ಎರಡನೇ ಮದುವೆ?
ಐಪಿಎಲ್​ ನಡುವೆಯೇ ಮಹಿಕಾ ಜತೆ ಹಾರ್ದಿಕ್​ ಪಾಂಡ್ಯ ಎರಡನೇ ಮದುವೆ?
Published on: 
ನವದೆಹಲಿ: ಟೀಮ್​ ಇಂಡಿಯಾ ಆಲ್ರೌಂಡರ್​ ಹಾಗೂ ಮುಂಬೈ ಇಂಡಿಯನ್ಸ್​ ನಾಯಕ ಹಾರ್ದಿಕ್​ ಪಾಂಡ್ಯ (Hardik Pandya) ಮೇ 22ರಂದು ರಾಜಸ್ಥಾನದ ಉದಯ್​ಪುರದಲ್ಲಿ ಗೆಳತಿ ಮಹಿಕಾ ಶರ್ಮ (Mahieka Sharma) ಅವರನ್ನು ವಿವಾಹವಾಗಲಿದ್ದಾರೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಗಳು ಹರಿದಾಡಿವೆ.

ಹಾರ್ದಿಕ್​ಗೆ ಇದು 2ನೇ ವಿವಾಹವಾಗಿರಲಿದೆ. ಈ ಮುನ್ನ ನತಾಶಾ ಸ್ಟಾಂಕೋವಿಕ್​ ಜತೆ 2020ರಲ್ಲಿ ವಿವಾಹವಾಗಿದ್ದ ಹಾರ್ದಿಕ್​, 2024ರಲ್ಲಿ ವಿಚ್ಛೇದನ ಪಡೆದಿದ್ದರು. ಕ್ರಿಕೆಟಿಗರೊಂದಿಗೆ ಗೆಳತಿಯರು ಪ್ರಯಾಣಿಸಲು ಬಿಸಿಸಿಐ ರ್ನಿಬಂಧ ಹೇರಿರುವ ಬೆನ್ನಲ್ಲೇ ಹಾರ್ದಿಕ್​, ಐಪಿಎಲ್​ ನಡುವೆಯೇ ವಿವಾಹಕ್ಕೆ ಸಿದ್ಧವಾಗಿದ್ದಾರೆ ಎಂಬ ವರದಿ ಅಚ್ಚರಿ ಮೂಡಿಸಿದೆ.
ಈ ಮದುವೆ ವರದಿಯ ಬಗ್ಗೆ ಹಾರ್ದಿಕ್​ ಪಾಂಡ್ಯ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಈಗ ಐಪಿಎಲ್​ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ಸುಳ್ಳು ಸುದ್ದಿಗಳು ಹರಿದಾಡುವ ಪ್ರಮಾಣ ಹೆಚ್ಚಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚಿನ ಲೈಕ್ಸ್, ವೀಕ್ಷಣೆಯನ್ನು ಪಡೆಯುವ ಸಲುವಾಗಿ ಕೆಲವರು ಈ ರೀತಿ ನಕಲಿ ಸುದ್ದಿಗಳನ್ನು ಹರಿಬಿಡುತ್ತಿದ್ದಾರೆ. ಹಾರ್ದಿಕ್ ಪಾಂಡ್ಯ ಮದುವೆ ಸುದ್ದಿಯೂ ಇಂಥದ್ದೇ ಫೇಕ್​ ನ್ಯೂಸ್​ ಆಗಿರುವ ಸಾಧ್ಯತೆ ಹೆಚ್ಚಿದೆ.
ಮೇ 2ರಂದು ಸಿಎಸ್​ಕೆ ವಿರುದ್ಧ ಮುಂಬೈ ಪರ ಕೊನೆಯದಾಗಿ ಆಡಿರುವ ಹಾರ್ದಿಕ್​ ಪಾಂಡ್ಯ, ಬೆನ್ನುನೋವಿನ ಸಮಸ್ಯೆಯಿಂದಾಗಿ ಕಳೆದ 3 ಪಂದ್ಯಗಳನ್ನು ತಪ್ಪಿಸಿಕೊಂಡಿದ್ದಾರೆ. ಮುಂಬೈ ಮೇ 20ಕ್ಕೆ ಕೆಕೆಆರ್​ ವಿರುದ್ಧ ತನ್ನ ಮುಂದಿನ ಪಂದ್ಯವನ್ನು ಆಡಲಿದ್ದು, ಬಳಿಕ ಮೇ 24ರಂದು ರಾಜಸ್ಥಾನ ಎದುರು ತನ್ನ ಕೊನೇ ಲೀಗ್ ಪಂದ್ಯವನ್ನು ಆಡಲಿದೆ. ಈಗಾಗಲೆ ಪ್ಲೇಆಫ್​ ರೇಸ್​ನಿಂದ ಹೊರಬಿದ್ದಿರುವ ಮುಂಬೈಗೆ ಇದು ಟೂರ್ನಿಯ ಕೊನೆಯ ಪಂದ್ಯವಾಗಿರಲಿದೆ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net