ವಿರಾಟ್​ ಬಗ್ಗೆ ಕೆಟ್ಟದಾಗಿ ಹೇಳಲು ಹಣ ಕೊಡ್ತೀವಿ ಅಂದ್ರು! ಕೊಹ್ಲಿ ಅಭಿಮಾನಿ ಲಿಜ್​ಲಾಜ್​ ಸ್ಫೋಟಕ ಹೇಳಿಕೆ​

Virat Kohli: ನಟಿ ಅವನೀತ್ ಕೌರ್ ಅವರ ಇನ್‌ಸ್ಟಾಗ್ರಾಮ್ ಫೋಟೊವನ್ನು ಲೈಕ್ ಮಾಡಿದ್ದ ವಿರಾಟ್​, ಸ್ಪಷ್ಟನೆ ವೇಳೆ ಇದೊಂದು ಅಲ್ಗಾರಿದಮ್ ಮಿಸ್ಟೇಕ್​ ಬಿಟ್ಟರೆ ನನ್ನಿಂದ ಲೈಕ್​ ಆದದ್ದಲ್ಲ ಎಂದಿದ್ದರು. ಆದರೆ, ಈ ವರ್ಷದ ಐಪಿಎಲ್​ ಆರಂಭದಲ್ಲಿ ಜರ್ಮನಿ ಮೂಲದ ವ್ಲಾಗರ್​ ಲಿಜ್‌ಲಾಜ್ ಎಂಬ ಯುವತಿಯ ಫೋಟೋಗೆ ಜನವರಿಯಲ್ಲಿ ವಿರಾಟ್​ ಅವರ ಇನ್​ಸ್ಟಾ ಖಾತೆಯಿಂದ ಲೈಕ್​ ಆಗಿರುವುದು ಗೊತ್ತಾಗಿದ್ದೇ ತಡ, ಇದನ್ನು ನೋಡಿದ ವಿರಾಟ್​ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಕೆರಳಿತು.

ಅವನೀತ್ ಕೌರ್​ ಫೋಟೋಗೆ ಬಿದ್ದ ಲೈಕ್​ಗೆ ಕಳೆದ ಬಾರಿ ಏನೋ ಅಲ್ಗಾರಿದಮ್​ ಅಂತ ಹೇಳಿದ್ರು. ಆದರೆ, ಎರಡನೇ ಬಾರಿ ಅದೇ ರೀತಿ ಆಗಿರುವುದಕ್ಕೆ ಏನು ಹೇಳ್ತಾರೆ ಕೊಹ್ಲಿ ಎಂಬ ಪ್ರಶ್ನೆಗಳು ಜಾಲತಾಣಗಳಲ್ಲಿ ಭಾರೀ ಚರ್ಚೆಯಾಯಿತು. ಇತ್ತೀಚಿನ ಸಾಮಾಜಿಕ ಮಾಧ್ಯಮ ವಿವಾದದ ನಂತರ, ಭಾರತೀಯ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ವಿರುದ್ಧ ನೆಗೆಟಿವ್​ ಆಗಿ ಮಾತನಾಡಲು ಪತ್ರಕರ್ತರು ಹಣದ ಆಫರ್ ನೀಡಿದ್ದರು ಎಂದು ಜರ್ಮನ್ ಮಾಡೆಲ್ ಲಿಜ್‌ಲಾಜ್ ಸ್ಫೋಟಕ ಹೇಳಿಕೆ ನೀಡಿದ್ದಾರೆ.

'ಫಿಲ್ಮಿಮಂತ್ರ' ಚಾನೆಲ್​ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಜರ್ಮನ್​ ಬೆಡಗಿ, ಕೊಹ್ಲಿ ಬಗ್ಗೆ ಸುಳ್ಳು, ಕೆಟ್ಟದಾಗಿ ಹೇಳಿಕೆಗಳನ್ನು ನೀಡುವಂತೆ ಕೆಲವರು ನನ್ನನ್ನು ಮನವೊಲಿಸಲು ಪ್ರಯತ್ನಿಸಿದರು. ಜೊತೆಗೆ ಹಣದ ಆಫರ್​ ಕೂಡ ನೀಡಿದರು. ಕೆಲವು ಪತ್ರಕರ್ತರು ಕೊಹ್ಲಿ ಮೇಲೆ ಇಲ್ಲಸಲ್ಲದ ಆರೋಪಗಳನ್ನು ಮಾಡುವಂತೆ ಹೇಳಿದರು ಎಂಬ ಶಾಕಿಂಗ್​ ಸಂಗತಿಗಳನ್ನು ರಿವೀಲ್​ ಮಾಡಿದ್ದಾರೆ.

ಮುಂದುವರಿದು ಮಾತನಾಡಿದ ಅವರು, ವಿರಾಟ್​ ಕೊಹ್ಲಿ ನನ್ನ ಅಚ್ಚುಮೆಚ್ಚಿನ ಕ್ರಿಕೆಟಿಗ. ಹಣ ಅಥವಾ ಜನಪ್ರಿಯತೆಗಾಗಿ ಏನೂ ತಪ್ಪು ಮಾಡದ ಕೊಹ್ಲಿ ಅವರ ಬಗ್ಗೆ ಸುಖಾಸುಮ್ಮನೆ ಸುಳ್ಳು ಹೇಳುವುದು, ವಿವಾದಾತ್ಮಕ ಹೇಳಿಕೆಗಳನ್ನು ನೀಡಿ, ಅವರ ಘನತೆಗೆ ಧಕ್ಕೆ ತರುವುದು ಅಥವಾ ಇಮೇಜ್​ ಡ್ಯಾಮೇಜ್​ ಮಾಡುವುದರಲ್ಲಿ ನನಗೆ ಆಸಕ್ತಿಯಿಲ್ಲ ಎಂದು ಕೆಲವರಿಗೆ ಮುಖಕ್ಕೆ ಹೊಡೆದಂತೆ ಹೇಳಿದ್ದರೆ. ಸದ್ಯ ಜರ್ಮನ್​ ಮಾಡೆಲ್​ನ ಈ ಹೇಳಿಕೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ,(ಏಜೆನ್ಸೀಸ್).