ಗೌತಿಗೆ ಫೇವರೆಟ್​ ಪ್ಲೇಯರ್ಸ್​ ಜಾಸ್ತಿ! ಕಳಪೆ ಫಾರ್ಮ್​ ಇದ್ರೂ ಅವಕಾಶಕ್ಕೆ ಕೊರತೆಯಿಲ್ಲ​: ಸ್ಟಾರ್ ಆಟಗಾರ ಬಿಚ್ಚುನುಡಿ

Gautam Gambhir: ಪ್ರಸಕ್ತ ಆಂಗ್ಲರ ನಾಡಿನಲ್ಲಿ ಇಂಗ್ಲೆಂಡ್​ ವಿರುದ್ಧ ಮೂರು ಪಂದ್ಯಗಳ ಏಕದಿನ ಸರಣಿಗೆ ಸನ್ನದ್ಧಗೊಂಡಿರುವ ಟೀಮ್ ಇಂಡಿಯಾ, ಕಳೆದ 6 ಟಿ20 ಪಂದ್ಯಗಳಲ್ಲಿ ಅತ್ಯಂತ ಕಳಪೆ ಆಲ್​ರೌಂಡ್​ ಪ್ರದರ್ಶನ ಮತ್ತು ಸರಣಿಯನ್ನು ಸುಲಭವಾಗಿ ಕೈಚೆಲ್ಲಿದ್ದಕ್ಕೆ ಕ್ರಿಕೆಟ್​ ಪ್ರೇಮಿಗಳಿಂದ ಭಾರಿ ಟೀಕೆಗಳಿಗೆ ಗುರಿಯಾಗಿದೆ. ಐರ್ಲೆಂಡ್​ ಮತ್ತು ಇಂಗ್ಲೆಂಡ್​ ವಿರುದ್ಧದ ಟಿ20 ಸರಣಿಯಲ್ಲಿ ಭಾರತ ವೈಟ್​ ವಾಷ್​ ಆಗಲು ಹೆಡ್​ ಕೋಚ್​ ಗಂಭೀರ್​ ತೆಗೆದುಕೊಂಡ ನಿರ್ಣಯಗಳೇ ಮುಖ್ಯ ಕಾರಣ ಎಂಬುದು ಹಲವರ ಅಭಿಪ್ರಾಯ. ಇದಕ್ಕೆ ಸ್ಟಾರ್ ಆಟಗಾರ ಹನುಮ ವಿಹಾರಿ ನೀಡಿದ ಹೇಳಿಕೆಗಳೇ ಜ್ವಲಂತ ಸಾಕ್ಷಿ.  

ಐರ್ಲೆಂಡ್ ವಿರುದ್ಧದ ಎರಡು ಮತ್ತು ಇಂಗ್ಲೆಂಡ್ ವಿರುದ್ಧದ ಮೊದಲ ಟಿ20 ಪಂದ್ಯಗಳಲ್ಲಿ ಸಂಜು ಸ್ಯಾಮ್ಸನ್​ಗೆ ಅವಕಾಶ ಕೊಡಲಾಯಿತು. ಆದರೆ, ಮೂರರಲ್ಲೂ ಕಳಪೆ ಫಾರ್ಮ್​ ತೋರಿದ ಬಳಿಕ ವೈಭವ್ ಸೂರ್ಯವಂಶಿಗೆ ಸ್ಥಾನ ನೀಡಲಾಯಿತು. ಸ್ಫೋಟಕ ಆರಂಭ ನೀಡಿದ್ದೇ ಆದರೂ ವೈಭವ್ ಕೂಡ ಮೂರು ಪಂದ್ಯಗಳಲ್ಲಿ 15 ರನ್​ಗಿಂತ ಹೆಚ್ಚು ಬಾರಿಸಲು ಸಾಧ್ಯವಾಗಲಿಲ್ಲ. ಕೊನೆಗೆ ಐದನೇ ಟಿ20 ಮ್ಯಾಚ್​ನಲ್ಲಿ ಮತ್ತೆ ಸ್ಯಾಮ್ಸನ್‌ಗೆ ಚಾನ್ಸ್​ ಕೊಟ್ಟರೂ ಹಿಂದಿನ ಪಂದ್ಯಗಳಂತೆಯೇ ಭಾರತ ಸೋಲುಂಡಿತು. ಇಲ್ಲಿ ಗೌತಿ ತೆಗೆದುಕೊಂಡ ಆಯ್ಕೆಗಳೇ ಸರಿಯಿಲ್ಲ ಎಂದರು. 

ಗೌತಮ್ ಗಂಭೀರ್ ಅವರಿಗೆ ಕೆಲವರು ಫೇವರೆಟ್​ ಆಟಗಾರರಿದ್ದಾರೆ.  ಮುಖ್ಯವಾಗಿ, ಶಿವಂ ದುಬೆ ಮತ್ತು ವಾಷಿಂಗ್ಟನ್ ಸುಂದರ್. ಇವರಿಬ್ಬರೂ ಎಷ್ಟೇ ಕಳಪೆ ಫಾರ್ಮ್ ಹೊಂದಿದ್ದರೂ ಅವರಿಗೆ ಆದ್ಯತೆ ನೀಡಿ, ತಂಡದಲ್ಲಿ ಅವಕಾಶ ಕೊಡುತ್ತಾರೆ. ಇವರನ್ನೇ ಆಡಿಸಲು ಮುಂದಾಗುವುದು ಅವರಿಗೆ ಸರಿ ಅನಿಸಿದೆ. ತಂಡದಲ್ಲಿ ಒಂದಷ್ಟು ಆಟಗಾರರು ಏನು ಮಾಡುತ್ತಿದ್ದಾರೆಂದು ನನಗೆ ಅರ್ಥವಾಗುತ್ತಿಲ್ಲ ಎಂದರು.

ದುಬೆ ಬೌಲಿಂಗ್ ಮಾಡಲ್ಲ, ಫೀಲ್ಡಿಂಗ್ ಮಾಡಲು ಆಗುತ್ತಿಲ್ಲ ಮತ್ತು ಬ್ಯಾಟಿಂಗ್‌ನಲ್ಲಿ ಅಂತಹ ಫಾರ್ಮ್ ತೋರಿಸಿಲ್ಲ. ಬೌಲಿಂಗ್ ಅಥವಾ ಬ್ಯಾಟಿಂಗ್‌ನಲ್ಲಿ ಶೆಡ್ಜ್ ಕೂಡ ಪ್ರಭಾವ ಬೀರುತ್ತಿಲ್ಲ. ವಾಷಿಂಗ್ಟನ್ ಸುಂದರ್ ಇನ್ನೂ ತಂಡದಲ್ಲಿ ಏಕೆ ಉಳಿದಿದ್ದಾರೆ ಅನ್ನೋದೇ ನನಗೆ ಅರ್ಥವಾಗುತ್ತಿಲ್ಲ. ಕೆಲವು ವರ್ಷಗಳ ಹಿಂದೆ ಈ ಆಟಗಾರರ  ಕೊಡುಗೆಗಳನ್ನು ಗಮನಿಸಿದರೆ, ಅವರಿಂದ ಅಂತಹ ಉತ್ತಮ ಪ್ರದರ್ಶನ ಏನೂ ಬಂದಿಲ್ಲ ಎಂದರು

ಒಂದೆರೆಡು ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ತೋರಿದ್ದೇ ತಡ ಡ್ರಾಪ್​ ಮಾಡಿಬಿಡುತ್ತಾರೆ. ಆಟಗಾರರಿಗೆ ತಂಡದಲ್ಲಿ ಎಲ್ಲಿಯೂ ಭದ್ರತೆಯೇ ಇಲ್ಲ. ಸೂರ್ಯವಂಶಿ ಆಡುವಾಗ, ಕನಿಷ್ಠ ಐದು ಅಥವಾ ಆರು ಪಂದ್ಯಗಳನ್ನು ಕೊಟ್ಟು ನೋಡಿ. ಆ ಬಳಿಕವೇ ಅವನು ಉತ್ತಮವೋ, ಇಲ್ಲವೋ ಎಂದು ನಿರ್ಧರಿಸಿ ಎಂದು ಗೌತಮ್ ಗಂಭೀರ್​ ನೇತೃತ್ವದ ಮ್ಯಾನೇಜ್​ಮೆಂಟ್​ ವಿರುದ್ಧ ಓಪನ್ ಆಗಿ ಮಾತನಾಡಿದ್ದಾರೆ,(ಏಜೆನ್ಸೀಸ್).