ಕ್ರಿಕೆಟ್​ನಲ್ಲಿ ರಾಜಕೀಯ ಬೆರೆಸುವುದು ಬೇಡ! ಕೆಕೆಆರ್​ ಮೇಲೆ ಒತ್ತಾಯ ಹೇರಿದ್ದು ಬಿಸಿಸಿಐ: ಮಾಜಿ ಕ್ರಿಕೆಟಿಗ ಕಿಡಿ

ನವದೆಹಲಿ: ಬಾಂಗ್ಲಾ ಆಟಗಾರ ಮುಸ್ತಾಫಿಜುರ್ ರೆಹಮಾನ್​ ಸೇರಿ ಒಂದಷ್ಟು ಕ್ರಿಕೆಟಿಗರನ್ನು ಐಪಿಎಲ್​ನಿಂದ ಕೈಬಿಡಿ ಎಂಬ ಕೂಗುಗಳು ಕಳೆದ ಕೆಲವು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿವೆ. ಕೋಲ್ಕತ ನೈಟ್​ ರೈಡರ್ಸ್​ (ಕೆಕೆಆರ್​) ತಂಡದ ಮಾಲೀಕ ಹಾಗೂ ನಟ ಶಾರುಖ್​ ಖಾನ್ ​ವಿರುದ್ಧ ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದು, ಬಾಂಗ್ಲಾದೇಶದಲ್ಲಿ ಹಿಂದುಗಳ ಕೊಲೆ ಆಗುತ್ತಿರುವಾಗ, ಅಲ್ಲಿನ ಕ್ರಿಕೆಟಿಗರನ್ನು ಇಲ್ಲಿ ಆಡಿಸುವುದು ಎಷ್ಟು ಸರಿ? ಇದೆಲ್ಲ ಇಲ್ಲಿಗೆ ಅಂತ್ಯಗೊಳ್ಳಬೇಕು ಎಂದು ಕಿಡಿಕಾರಿದ್ದರು. ಅಂತೆಯೇ, ಬಿಸಿಸಿಐ ನಿರ್ದೇಶನದಂತೆ ಕೆಕೆಆರ್ ಇದೀಗ ಮುಸ್ತಾಫಿಜುರ್​ರನ್ನು 2026ರ ಐಪಿಎಲ್​ನಿಂದ ಕೈಬಿಟ್ಟಿದೆ. ಆದ್ರೆ, ಈ ನಿರ್ಧಾರಕ್ಕೆ ಟೀಮ್ ಇಂಡಿಯಾದ ಮಾಜಿ ಕ್ರಿಕೆಟಿಗ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.  

ನನಗಿಲ್ಲಿ ಒಂದು ಅರ್ಥವಾಗ್ತಿಲ್ಲ. ಅದೇನೆಂದರೆ, ಕ್ರೀಡೆ ಎತ್ತ ಸಾಗುತ್ತಿದೆ. ಕ್ರಿಕೆಟ್​ನಲ್ಲಿ ರಾಜಕೀಯ ಬೆರೆಸುವುದು ಏಕೆ? ಹೌದು, ಬಾಂಗ್ಲಾದೇಶದಲ್ಲಿ ನಡೆಯುತ್ತಿರುವ ಘಟನೆಗಳು ತೀವ್ರ ಬೇಸರ, ನೋವು ತಂದಿದೆ. ಅದರಲ್ಲಿ ಅನುಮಾನವಿಲ್ಲ. ಆದರೆ, ಇದರಿಂದ ಆಟಗಾರರಿಗೆ ಸಂಕಷ್ಟ ತಂದಿಡುವುದು ಸರಿಯಲ್ಲ. ರಾಜಕೀಯ ಎಂದಿಗೂ ಕ್ರೀಡೆಯಲ್ಲಿ ಬೆರೆಯಬಾರದು" ಎಂದಿದ್ದಾರೆ.