ಮಾಡರ್ನ್ ಸ್ಕೂಲ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ಗೆ ಇಳಿದ ಶ್ರೀಲಂಕಾ ತಂಡ 13.3 ಓವರ್ಗಳಲ್ಲೇ 41 ರನ್ಗಳಿಗೆ ಆಲೌಟ್ ಆಯಿತು. ಲಂಕಾದ 7 ಆಟಗಾರ್ತಿಯರು ರನೌಟ್ ಆದರು. ದೀಪಿಕಾ ಟಿ.ಎಸ್, ಗಂಗಾ ಕದಂ ಮತ್ತು ಜಮುನಾ ರಾಣಿ ತಲಾ 1 ವಿಕೆಟ್ ಪಡೆದರು. ಭಾರತ ತಂಡ 3 ಓವರ್ಗಳಲ್ಲೇ ವಿಕೆಟ್ ನಷ್ಟವಿಲ್ಲದೆ 43 ರನ್ ಗಳಿಸಿ ಜಯಿಸಿತು. ದೀಪಿಕಾ ಟಿ.ಎಸ್. (26*) ಮತ್ತು ಅನೇಖಾ ದೇವಿ (15*) ಗೆಲುವಿನ ದಡ ಸೇರಿಸಿದರು. 4 ರನೌಟ್ಗೂ ನೆರವಾದ ಗಂಗಾ ಕದಂ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ಮಾಜಿ ಕೇಂದ್ರ ಸಚಿವ ಮತ್ತು ಬಿಸಿಸಿಐ ಮಾಜಿ ಸಚಿವ ಅನುರಾಗ್ ಠಾಕೂರ್ ಟೂರ್ನಿಗೆ ಚಾಲನೆ ನೀಡಿದರು. ಭಾರತ ತಂಡ ಬುಧವಾರ ನಡೆಯಲಿರುವ ತನ್ನ 2ನೇ ಪಂದ್ಯದಲ್ಲಿ ಆಸ್ಟ್ರೆಲಿಯಾವನ್ನು ಎದುರಿಸಲಿದೆ.
