ಉಪ್ಪಿಗಿಂತ ರುಚಿ ಬೇರೆಯಿಲ್ಲ, RCBಗಿಂತ ಫ್ರಾಂಚೈಸಿ ಮತ್ತೊಂದಿಲ್ಲ! ಕರಿಯರ್​ ಟರ್ನಿಂಗ್ ಪಾಯಿಂಟ್​ ಬಗ್ಗೆ ಪಡಿಕಲ್​ ಮಾತು ​

RCB: ಐಪಿಎಲ್​ 19ನೇ ಆವೃತ್ತಿ ಶುರುವಾಗಿದ್ದು, ಮೊದಲೆರೆಡು ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಭರ್ಜರಿ ಜಯ ಗಳಿಸಿ, ತನ್ನ ಅಭಿಮಾನಿಗಳನ್ನು ತೃಪ್ತಿ ಪಡಿಸಿದೆ. ತನ್ನ ನೆಚ್ಚಿನ ತಂಡಕ್ಕೆ ವಾಪಾಸ್​ ಆಗಿರುವ ಯುವ ಆಟಗಾರ ದೇವದತ್ತ ಪಡಿಕಲ್​, ಆರ್​ಸಿಬಿಯಿಂದ ಕರಿಯರ್ ಆರಂಭಿಸಿ ಈಗ ಮತ್ತದೇ ತಂಡದಲ್ಲಿ ಮಿಂಚುತ್ತಿರುವುದು ಫ್ರಾಂಚೈಸಿಯ ಫ್ಯಾನ್ಸ್​ಗಳಿಗೆ ಖುಷಿ ತಂದಿದೆ.  

2025ರಲ್ಲಿ ಆರ್‌ಸಿಬಿ ಪರ 50.61 ಸ್ಟ್ರೈಕ್ ರೇಟ್‌ನಲ್ಲಿ 10 ಪಂದ್ಯಗಳಲ್ಲಿ 247 ರನ್ ಗಳಿಸಿದ ದೇವದತ್ತ, 2026ರಲ್ಲಿ, ಇಲ್ಲಿಯವರೆಗೆ ಎರಡು ಪಂದ್ಯಗಳನ್ನು ಆಡಿದ್ದಾರೆ. 201.82 ಸ್ಟ್ರೈಕ್ ರೇಟ್‌ನಲ್ಲಿ 111 ರನ್ ಗಳಿಸಿದ್ದಾರೆ. ಈ ಸಮಯದಲ್ಲಿ, ಆರ್​ಸಿಬಿಯೊಂದಿಗೆ ತಮ್ಮ ಅವಿನಾಭಾವ ಸಂಬಂಧದ ಬಗ್ಗೆ ಮನಬಿಚ್ಚಿ ಮಾತನಾಡಿರುವ ಅವರು, ತಂಡಕ್ಕೆ ವಾಪಾಸ್​ ಆಗಿದ್ದು ನನ್ನ ವೃತ್ತಿಜೀವನದ ಮಹತ್ವದ ತಿರುವು ಎಂದು ಹೇಳಿದ್ದಾರೆ. 

"ನಾನು ಎಲ್‌ಎಸ್‌ಜಿ ಪರ ಒಂದು ವರ್ಷ ಆಡಿದೆ. ಆದರೆ, ಆ ಸೀಸನ್ ಅಷ್ಟೊಂದು ಚೆನ್ನಾಗಿರಲಿಲ್ಲ. ಅದು ತುಂಬಾ ಕಷ್ಟಕರವಾಗಿತ್ತು. ಇದೆಲ್ಲವೂ ಹಣದ ಬಗ್ಗೆ ಎಂದು ನನಗನಿಸಿತು. ಒಂದು ಫ್ರಾಂಚೈಸಿ ನಿಮಗೆ ನಿರೀಕ್ಷೆಗಿಂತ ಹೆಚ್ಚಿನ ಹಣವನ್ನು ಪಾವತಿಸಿದಾಗ ಮತ್ತು ನಂಬಿದಾಗ, ನೀವು ಉತ್ತಮವಾಗಿ ಪ್ರದರ್ಶನ ನೀಡದಿದ್ದರೆ ಅವರನ್ನು ನಿರಾಸೆಗೊಳಿಸುತ್ತಿದ್ದೀರಿ ಎಂದರ್ಥ. ನಿಜ ಹೇಳಬೇಕೆಂದರೆ, ಆ ಸಂದರ್ಭದಲ್ಲಿ ನನ್ನ ಬಳಿಯೂ ಯಾವುದೇ ಉತ್ತರವಿರಲಿಲ್ಲ.

ಆರ್​ಸಿಬಿ ನನ್ನನ್ನು ಮತ್ತೊಮ್ಮೆ ತಂಡಕ್ಕೆ ಸೇರಿಸಿಕೊಂಡ ಹರಾಜು ಮಾತ್ರ ನನಗೆ ವಿಶೇಷವೇ. ಅಲ್ಲಿಯೇ, ನನ್ನ ಕರಿಯರ್​ನ ಟರ್ನಿಂಗ್ ಪಾಯಿಂಟ್​ ಸಿಕ್ಕಿದ್ದು. ತಂಡಕ್ಕೆ ಏನು ಕೊಡಬೇಕೋ, ಆ ಕೆಲಸಗಳಿಗೆ ಹೆಚ್ಚು ಬದ್ಧನಾಗಿರಬೇಕು ಎಂದು ನಿರ್ಧರಿಸಿದೆ. ನಾನು ಯಾವ ರೀತಿಯ ಕ್ರಿಕೆಟರ್​ ಆಗಬೇಕು ಎಂದು ಅಂದುಕೊಂಡಿದ್ದೆ, ಅದಕ್ಕೆ ದಾರಿ ಮಾಡಿಕೊಟ್ಟಿದ್ದು ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಎಂದು ಹೇಳಿಕೊಂಡಿದ್ದಾರೆ,(ಏಜೆನ್ಸೀಸ್).