ಸತತ 2ನೇ ಬಾರಿ ಪ್ಲೇಆ್ ಹಂತಕ್ಕೇರಿರುವ ಗುಜರಾತ್ ಜೈಂಟ್ಸ್ ತಂಡ ಮೊಟ್ಟ ಮೊದಲ ಬಾರಿ ಫೈನಲ್ ಪ್ರವೇಶಿಸುವ ತವಕದಲ್ಲಿದೆ. ಟೂರ್ನಿಯ ಆರಂಭಿಕ 2 ಪಂದ್ಯಗಳಲ್ಲಿ ಗೆದ್ದು ಬಳಿಕ ಸತತ 3 ಪಂದ್ಯ ಸೋತಿದ್ದ ಗುಜರಾತ್, ಲೀಗ್ನಲ್ಲಿ ಡೆಲ್ಲಿ ವಿರುದ್ಧದ ಎರಡೂ ಪಂದ್ಯ ಗೆದ್ದ ವಿಶ್ವಾಸ ಹೊಂದಿದೆ. ಅಲ್ಲದೆ ಸತತ 3 ಗೆಲುವಿನೊಂದಿಗೆ ಪ್ಲೇಆಫ್ ಪ್ರವೇಶಿಸಿರುವ ಆಶ್ಲೇ ಗಾರ್ಡ್ನರ್ ಬಳಗಕ್ಕೆ ಈ ಪೈಕಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧದ ಗೆಲುವು ಹೆಚ್ಚಿನ ಬಲ ತುಂಬಿದೆ. ನ್ಯೂಜಿಲೆಂಡ್ ಆಲ್ರೌಂಡರ್ ಸೋಫಿ ಡಿವೈನ್ ಅನುಭವ ಗುಜರಾತ್ಗೆ ಹೆಚ್ಚಿನ ಲಾಭ ತಂದುಕೊಟ್ಟಿದೆ. ಅವರು 237 ರನ್ ಮತ್ತು 17 ವಿಕೆಟ್ ಗಳಿಸಿ ಮಿಂಚಿದ್ದಾರೆ. ಜತೆಗೆ ನಾಯಕಿ ಗಾರ್ಡ್ನರ್ (244), ಬೆತ್ ಮೂನಿ (196) ಬ್ಯಾಟಿಂಗ್ನಲ್ಲಿ ಮತ್ತು ಕನ್ನಡತಿ ರಾಜೇಶ್ವರಿ ಗಾಯಕ್ವಾಡ್ (10), ಕಾಶ್ವಿ ಗೌತಮ್ (8), ರೇಣುಕಾ ಸಿಂಗ್ (7) ಬೌಲಿಂಗ್ನಲ್ಲಿ ಉಪಯುಕ್ತ ಕೊಡುಗೆ ನೀಡಿದ್ದಾರೆ.
