ಇಸ್ಲಾಂಗೆ ಮತಾಂತರಗೊಂಡ ವಾರ್ನರ್​ ಪುತ್ರಿಯರು? ವೈರಲ್​ ಫೋಟೊ ಹಿಂದಿರುವ ಅಸಲಿಯತ್ತೇನು? David Warner Daughters

ಕರಾಚಿ: ಆಸ್ಟ್ರೇಲಿಯಾದ ಕ್ರಿಕೆಟ್ ದಿಗ್ಗಜ ಡೇವಿಡ್ ವಾರ್ನರ್ ಅಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ? ಮೈದಾನದಲ್ಲಿ ಬ್ಯಾಟ್ ಬೀಸುವುದಷ್ಟೇ ಅಲ್ಲ, ಸೋಶಿಯಲ್ ಮೀಡಿಯಾದಲ್ಲಿ ರೀಲ್ಸ್ ಮಾಡುವ ಮೂಲಕ ಭಾರತೀಯರಿಗೂ ಅವರು ಬಹಳ ಹತ್ತಿರವಾದವರು. ಆದರೆ, ಈಗ ವಾರ್ನರ್ (David Warner Daughters) ಬಗ್ಗೆ ಒಂದು ಹೊಸ ಚರ್ಚೆ ಇಡೀ ಇಂಟರ್ನೆಟ್‌ನಲ್ಲಿ ಸಂಚಲನ ಮೂಡಿಸಿದೆ. ವಾರ್ನರ್ ಕುಟುಂಬ ಇಸ್ಲಾಂ ಧರ್ಮಕ್ಕೆ ಮತಾಂತರವಾಗಿದೆಯೇ? ಎಂಬ ಪ್ರಶ್ನೆಗಳು ಈಗ ಸೋಷಿಯಲ್​ ಮೀಡಿಯಾನಲ್ಲಿ ಹರಿದಾಡುತ್ತಿವೆ.

ಈ ಎಲ್ಲ ಚರ್ಚೆಗಳಿಗೆ ಕಾರಣವಾಗಿದ್ದು ವಾರ್ನರ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡ ಒಂದು ಫೋಟೋ. ಪ್ರಸ್ತುತ ಪಾಕಿಸ್ತಾನ ಸೂಪರ್ ಲೀಗ್ (PSL 2026) ನಲ್ಲಿ ಕರಾಚಿ ಕಿಂಗ್ಸ್ ತಂಡದ ನಾಯಕತ್ವ ವಹಿಸಿಕೊಂಡಿದ್ದ ವಾರ್ನರ್, ಇತ್ತೀಚೆಗೆ ತಮ್ಮ ಪುತ್ರಿಯರ ಸುಂದರವಾದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ವಾರ್ನರ್ ಮುದ್ದಾದ ಹೆಣ್ಣುಮಕ್ಕಳು ಪಾಕಿಸ್ತಾನದ ಸಾಂಪ್ರದಾಯಿಕ ಉಡುಪಿನಲ್ಲಿ (ಸಲ್ವಾರ್ ಕಮೀಜ್) ಮಿಂಚುತ್ತಿದ್ದಾರೆ.

ವಾರ್ನರ್ ಈ ಪೋಸ್ಟ್‌ನಲ್ಲಿ ಕರಾಚಿ ಕಿಂಗ್ಸ್ ನಿರ್ದೇಶಕ ಹೈದರ್ ಅಜರ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ. ಹೈದರ್, ನೀವು ಮಕ್ಕಳಿಗೆ ನೀಡಿದ ಈ ಸಾಂಪ್ರದಾಯಿಕ ಉಡುಪು ಅವರಿಗೆ ತುಂಬಾ ಇಷ್ಟವಾಗಿದೆ. ಇದನ್ನು ಅವರೇ ಖುಷಿಯಿಂದ ಧರಿಸಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.

ಈ ಫೋಟೋಗಳನ್ನು ನೋಡಿದ ತಕ್ಷಣ ನೆಟ್ಟಿಗರು ಚಿತ್ರ-ವಿಚಿತ್ರ ಕಾಮೆಂಟ್ ಮಾಡಲು ಶುರು ಮಾಡಿದ್ದಾರೆ. ಒಬ್ಬ ಬಳಕೆದಾರರು ಇದನ್ನು ಪಾಕಿಸ್ತಾನಿ ಎಫೆಕ್ಟ್ ಎಂದು ಕರೆದಿದ್ದಾರೆ, ಮತ್ತೊಬ್ಬರು ವಾರ್ನರ್ ಫ್ಯಾಮಿಲಿ ಇಸ್ಲಾಂಗೆ ಮತಾಂತರಗೊಂಡರಾ? ಎಂದು ಪ್ರಶ್ನಿಸಿದ್ದಾರೆ. ಹೆಚ್ಚಿನವರು ವಾರ್ನರ್ ಮಕ್ಕಳು ಈ ಉಡುಪಿನಲ್ಲಿ ಎಷ್ಟು ಮುದ್ದಾಗಿ ಕಾಣುತ್ತಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಸಾಂಸ್ಕೃತಿಕವಾಗಿ ವಿಭಿನ್ನವಾದ ಉಡುಪುಗಳನ್ನು ಧರಿಸುವುದು ವಾರ್ನರ್ ಕುಟುಂಬಕ್ಕೆ ಹೊಸದೇನಲ್ಲ. ಭಾರತಕ್ಕೆ ಬಂದಾಗ ಅವರು ಹೈದರಾಬಾದಿ ಬಿರಿಯಾನಿ ಮತ್ತು ದಕ್ಷಿಣ ಭಾರತದ ಉಡುಪುಗಳನ್ನು ಧರಿಸಿ ಇಲ್ಲಿನ ಜನರ ಮನಗೆದ್ದಿದ್ದರು. ಈಗ ಪಾಕಿಸ್ತಾನದ ಸಂಸ್ಕೃತಿಯನ್ನು ಗೌರವಿಸುತ್ತಿರುವುದು ಎಲ್ಲರ ಗಮನ ಸೆಳೆದಿದೆ.

ವೈಯಕ್ತಿಕವಾಗಿ ವಾರ್ನರ್ ಅವರಿಗೆ ಈ ಬಾರಿಯ ಪಿಎಸ್‌ಎಲ್ (PSL 2026) ಉತ್ತಮವಾಗಿತ್ತು. ಅವರು ಆಡಿದ ಏಳು ಪಂದ್ಯಗಳಲ್ಲಿ 256 ರನ್ ಗಳಿಸಿದರು, ಇದರಲ್ಲಿ ಮೂರು ಅರ್ಧಶತಕಗಳೂ ಸೇರಿವೆ. ಆದರೆ ತಂಡದ ನಾಯಕನಾಗಿ ಅವರಿಗೆ ಅಷ್ಟೇನೂ ಯಶಸ್ಸು ಸಿಗಲಿಲ್ಲ. ಕರಾಚಿ ಕಿಂಗ್ಸ್ ಆಡಿದ 10 ಪಂದ್ಯಗಳಲ್ಲಿ 5 ಗೆದ್ದು, 5 ಸೋತು ಅಂಕಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿತು. ಈ ಮೂಲಕ ಪ್ಲೇಆಫ್ ರೇಸ್‌ನಿಂದ ಹೊರಬಿದ್ದಿದೆ, (ಏಜನ್ಸೀಸ್​).