ಹೊಸ ಚರ್ಚೆ ಶುರು! ಸಂಜು ಸ್ಯಾಮ್ಸನ್‌ಗೆ ಬರ್ತ್ ​ಡೇಗೆ ಸಿಎಸ್​ಕೆ CSK

2026 ಐಪಿಎಲ್​ಗೆ ಸಿಎಸ್​ಕೆ ಮಹತ್ವದ ಲೆಕ್ಕಾಚಾರವೊಂದನ್ನು ಹಾಕಿದೆ ಎನ್ನುವುದು ಇತ್ತೀಚೆಗೆ ವರದಿಯಾಗಿತ್ತು. ಈ ಮೂಲಕ ಆರ್‌ಆರ್ ನಾಯಕ ಸ್ಯಾಮ್ಸನ್ ಚೆನ್ನೈ ತಂಡಕ್ಕೆ ಸೇರ್ಪಡೆಗೊಳ್ಳಲಿದ್ದಾರೆ. ಇತ್ತ ಸಿಎಸ್‌ಕೆಯ ಸ್ಟಾರ್ ಆಲ್‌ರೌಂಡರ್ ರವೀಂದ್ರ ಜಡೇಜಾರನ್ನು ಆರ್​ ಆರ್​ ತಂಡಕ್ಕೆ ವರ್ಗಾಯಿಸುವ ಸಾಧ್ಯತೆ ಇದೆ ಎಂಬ ಚರ್ಚೆಗಳು ಜೋರಾಗಿ ನಡೆದಿವೆ.

ಈ ಯೋಜನೆಯು ಪೂರ್ಣಗೊಳ್ಳುವ ಹಂತಕ್ಕೆ ಬಂದಂತೆ ಕಾಣುತ್ತಿರುವಾಗಲೇ, ಸಿಎಸ್‌ಕೆ ಫ್ರಾಂಚೈಸಿ, ಸಂಜು ನಿನಗೆ ಹೆಚ್ಚಿನ ಶಕ್ತಿ ದೊರೆಯಲಿ ಹುಟ್ಟು ಹಬ್ಬದ ಶುಭಾಷಯಗಳು! ಎಂದು ತಮ್ಮ ಅಧಿಕೃತ ಎಕ್ಸ್ ಬರೆದು ಪೋಸ್ಟ್​ ಮಾಡಿದೆ.

ಸಂಜು ಅವರ ಬ್ಯಾಟಿಂಗ್ ಶೈಲಿ ನೋಡಿದರೆ, ಚೆನ್ನೈನಲ್ಲಿ ರಿಷಭ್ ಪಂತ್ ಅಥವಾ ಕೆಎಲ್​ ರಾಹುಲ್ ಗಿಂತ ಯಶಸ್ವಿ ಬ್ಯಾಟ್​ಮ್ಯಾನ್​​ ಆಗುವ ಸಾಧ್ಯತೆ ಹೆಚ್ಚಿದೆ. ಆದಾಗ್ಯೂ, ಸ್ಯಾಮ್ಸನ್ ಅವರನ್ನು ಈ ಕೂಡಲೇ ಜಾರಿಗೆ ಬರುವಂತೆ ತಂಡದ ನಾಯಕನನ್ನಾಗಿ ಮಾಡಲಾಗುವುದಿಲ್ಲ. ರುತುರಾಜ್ ಗಾಯಕ್ವಾಡ್ ಅವರನ್ನೇ ನಾಯಕನಾಗಿ ಮುಂದುವರಿಸಲಾಗುವುದು ಎಂದು ತಿಳಿಸಿದ್ದಾರೆ.

ಇದು ಸಂಜು ಸ್ಯಾಮ್ಸನ್ ಅವರ ಮೊದಲ ಸೀಸನ್ ಆಗಿರುವುದರಿಂದ ಅವರಿಗೆ ನಾಯಕನ ಪಟ್ಟ ಸಿಗುತ್ತದೆ ಎಂದು ನಾನು ಭಾವಿಸುವುದಿಲ್ಲ. ಹಾಗೆಯೇ ಫ್ರಾಂಚೈಸಿಯವರು ಮೊದಲ ವರ್ಷದಲ್ಲಿಯೇ ಯಾರಿಗಾದರೂ ನಾಯಕತ್ವವನ್ನು ನೀಡುತ್ತಾರೆ ಎಂದರೆ ಅದು ನಂಬಲು ಅಸಾಧ್ಯ. ಆದರೆ, ಒಪ್ಪಂದ ನಡೆದರೆ, ಸ್ಯಾಮ್ಸನ್ ಭವಿಷ್ಯದಲ್ಲಿ ಖಂಡಿತವಾಗಿಯೂ ನಾಯಕನಾಗುತ್ತಾನೆ ಎಂದು ಅಶ್ವಿನ್​ ತಿಳಿಸಿದ್ದಾರೆ. (ಏಜೆನ್ಸೀಸ್).