ಕ್ರಿಕೆಟರ್ ಅಂತ ಕೈಮುಗಿದ್ರೂ ಬಿಡಲಿಲ್ಲ..ರಸ್ತೆಯಲ್ಲೇ ಎಳೆದಾಡಿ ಮನಬಂದಂತೆ ಹೊಡೆದರು; ಪೊಲೀಸರ ಅಟ್ಟಹಾಸಕ್ಕೆ ಕಣ್ಣೀರಿಟ್ಟ ಸ್ಪಿನ್ನರ್ ನಯೀಮ್ ಹಸನ್! Cricketer Nayeem Hasan

ಬಾಂಗ್ಲಾದೇಶ: ದೇಶವನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿನಿಧಿಸುವ ತಂಡದ ಬೌಲರ್ ಒಬ್ಬನ ಮೇಲೆ ಪೊಲೀಸರು ಮೃಗೀಯವಾಗಿ ಹಲ್ಲೆ ನಡೆಸಿರುವ ಘಟನೆ ಬಾಂಗ್ಲಾದೇಶದಲ್ಲಿ ವರದಿಯಾಗಿದೆ.

ಬಾಂಗ್ಲಾದೇಶ ತಂಡದ ಯುವ ಆಫ್-ಸ್ಪಿನ್ನರ್ ನಯೀಮ್ ಹಸನ್ (Cricketer Nayeem Hasan), ಶುಕ್ರವಾರ (ಜೂ.12) ಸಂಜೆ ದೇಶೀಯ ಪಂದ್ಯವೊಂದರಲ್ಲಿ ಆಡಿದ್ದ ನಯೀಮ್ ಹಸನ್, ಪಂದ್ಯ ಮುಗಿಸಿಕೊಂಡು ಆಟೋರಿಕ್ಷಾದಲ್ಲಿ ತಮ್ಮ ಮನೆಗೆ ಮರಳುತ್ತಿದ್ದರು. ಈ ವೇಳೆ ರಸ್ತೆಬದಿಯಲ್ಲಿ ವಾಹನ ತಪಾಸಣೆ ನಡೆಸುತ್ತಿದ್ದ ಟ್ರಾಫಿಕ್ ಪೊಲೀಸರು ಆಟೋವನ್ನು ಹಠಾತ್ತನೆ ತಡೆದಿದ್ದಾರೆ.

ಆದರೆ ಅವರು ನನ್ನ ಯಾವುದೇ ಮಾತನ್ನು ಕೇಳಲು ನಿರಾಕರಿಸಿದರು. ಅಷ್ಟೇ ಅಲ್ಲದೇ, ನನ್ನನ್ನು ರಸ್ತೆಯಲ್ಲೇ ಎಳೆದಾಡಿ ದೊಣ್ಣೆ ಮತ್ತು ಪ್ಲಾಸ್ಟಿಕ್ ಪೈಪ್‌ಗಳಿಂದ ಮನಬಂದಂತೆ ಹೊಡೆದರು ಎಂದು ನೆರೆದಿದ್ದ ವರದಿಗಾರರ ಮುಂದೆ ತಮ್ಮ ನೋವನ್ನು ತೋಡಿಕೊಂಡಿದ್ದಾರೆ.

ಶನಿವಾರ (ಜೂ.13) ಬೆಳಿಗ್ಗೆ ನಯೀಮ್ ಹಸನ್ ಅವರನ್ನು ಪೊಲೀಸ್ ಕಸ್ಟಡಿಯಿಂದ ಬಿಡುಗಡೆ ಮಾಡಲಾಗಿದ್ದು, ಸದ್ಯ ಅವರಿಗೆ ತುರ್ತು ವೈದ್ಯಕೀಯ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ವಿಷಯ ತಿಳಿಯುತ್ತಿದ್ದಂತೆ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ ಅಧ್ಯಕ್ಷ ತಮೀಮ್ ಇಕ್ಬಾಲ್ ತಕ್ಷಣವೇ ರಂಗಪ್ರವೇಶ ಮಾಡಿದ್ದಾರೆ.

ಕ್ರಿಕೆಟರ್ ಮೇಲೆ ಪೊಲೀಸರು ಪೈಪ್‌ಗಳಿಂದ ಹಲ್ಲೆ ನಡೆಸಿದ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಹರಡುತ್ತಿದ್ದಂತೆ ಇಡೀ ಬಾಂಗ್ಲಾದೇಶದ ಕ್ರಿಕೆಟ್ ಅಭಿಮಾನಿಗಳು ಖಾಕಿ ಪಡೆಯ ವಿರುದ್ಧ ತಿರುಗಿಬಿದ್ದಿದ್ದಾರೆ.

ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಚಟ್ಟೋಗ್ರಾಮ್ ಮೆಟ್ರೋಪಾಲಿಟನ್ ಪೊಲೀಸ್ ಉಪ ಆಯುಕ್ತ ಅಮಿರುಲ್ ಇಸ್ಲಾಂ, ಮೇಲ್ನೋಟಕ್ಕೆ ಕಾರ್ಯಾಚರಣೆಯ ಸಮಯದಲ್ಲಿ ಭಾಗಿಯಾಗಿದ್ದ ಅಧಿಕಾರಿಗಳು ಸರಿಯಾದ ನಿಯಮಗಳನ್ನು ಪಾಲಿಸಿಲ್ಲ ಎನ್ನುವುದು ಸ್ಪಷ್ಟವಾಗಿದೆ. ತಪ್ಪಿತಸ್ಥ ಸಿಬ್ಬಂದಿಗಳ ವಿರುದ್ಧ ಇಲಾಖಾ ತನಿಖೆ ಆರಂಭಿಸಲಾಗಿದ್ದು, ಕಠಿಣ ಶಿಕ್ಷೆ ವಿಧಿಸಲಾಗುವುದು ಎಂದು ಮಾಧ್ಯಮಗಳಿಗೆ ತಿಳಿಸಿದ್ದಾರೆ, (ಏಜನ್ಸೀಸ್​).