ಮಹಿಳಾ ಟಿ20 ಏಷ್ಯಾಕಪ್:​ ಭಾರತಕ್ಕೆ ಇಂದು ಥಾಯ್ಲೆಂಡ್​ ಸವಾಲು

ಭಾರತದ ಮಹಿಳೆಯರು ಕಳೆದೊಂದು ದಶಕದಲ್ಲಿ ಏಷ್ಯಾಕಪ್​ನಲ್ಲಿ ಪ್ರಾಬಲ್ಯ ಸಾಧಿಸಿದ್ದು, 2016&17ರಿಂದ ಟಿ20 ಪ್ರಕಾರದ 5 ಆವೃತ್ತಿಗಳಲ್ಲಿ 3ರಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ. ಆದರೆ ಇತ್ತೀಚೆಗೆ ಟಿ20 ಕ್ರಿಕೆಟ್​ ಪ್ರಕಾರದಲ್ಲಿ ಭಾರತೀಯರ ನಿರ್ವಹಣೆ ಅಸ್ಥಿರವಾಗಿದೆ. ಹಾಲಿ ವರ್ಷದ ಟಿ20 ವಿಶ್ವಕಪ್​ನಲ್ಲಿ ಭಾರತದ ಮಹಿಳೆಯರು ಉಪಾಂತ್ಯಕ್ಕೇರಲು ವಿಲರಾಗಿದ್ದರು. ಹಾಲಿ ವರ್ಷ ಆಡಿರುವ 16 ಟಿ20 ಪಂಧ್ಯಗಳಲ್ಲಿ ಭಾರತ 9ರಲ್ಲಿ ಸೋತಿದೆ. 

ಚುಟುಕು ಕ್ರಿಕೆಟ್​ ಪ್ರಕಾರದಲ್ಲಿ ನಾಯಕಿ ಹರ್ಮಾನ್​ಪ್ರೀತ್​ ಕೌರ್​ರ ಕಳಪೆ ಫಾರ್ಮ್​ ಕೂಡ ಕಳವಳಕ್ಕೆ ಕಾರಣವಾಗಿದೆ. ಇದೀಗ ಭಾರತ ತಂಡ ಏಷ್ಯಾದ ಪ್ರಮುಖ 2 ಸ್ಪರ್ಧೆಗಳಲ್ಲಿ ತನ್ನ ಪ್ರಾಬಲ್ಯ ಉಳಿಸಿಕೊಳ್ಳುವ ಸವಾಲು ಹೊಂದಿದೆ. ಏಷ್ಯಾಕಪ್​ ಬೆನ್ನಲ್ಲೇ ಏಷ್ಯನ್​ ಗೇಮ್ಸ್​ ಟಿ20 ಸ್ಪರ್ಧೆಯಲ್ಲೂ ಚಿನ್ನದ ಪದಕ ಉಳಿಸಿಕೊಳ್ಳುವತ್ತ ಭಾರತ ತಂಡ ಗಮನಹರಿಸಬೇಕಿದೆ.

ಎ ಗುಂಪಿನಲ್ಲಿ ಭಾರತ, ಥಾಯ್ಲೆಂಡ್​ ಜತೆಗೆ ಹಾಂಕಾಂಗ್​, ಪಾಕಿಸ್ತಾನ ತಂಡಗಳೂ ಇವೆ. ಜೆಮೀಮಾ ರೋಡ್ರಿಗಸ್​ ಗಾಯದಿಂದಾಗಿ ಗೈರಾಗಿರುವುದು ಭಾರತಕ್ಕೆ ಹಿನ್ನಡೆ ಎನಿಸಿದೆ. ಜೆಮೀಮಾ ಬದಲಿಗೆ ಪ್ರತಿಕಾ ರಾವಲ್​ ಸ್ಥಾನ ಪಡೆದಿದ್ದರೂ, ಇದು ಮಧ್ಯಮ ಕ್ರಮಾಂಕದ ಕಳವಳವನ್ನು ಕಡಿಮೆ ಮಾಡಿಲ್ಲ. ಟಿ20ಯಲ್ಲಿ ಸ್ಮ$ತಿ ಮಂದನಾ ಮತ್ತು ಶೆಾಲಿ ವರ್ಮ ಮೇಲೆ ಭಾರತ ಹೆಚ್ಚು ಅವಲಂಬಿತವಾಗಿದೆ. ಜತೆಗೆ ಕಳಪೆ ಫೀಲ್ಡಿಂಗ್​ ನಿರ್ವಹಣೆಯೂ ಭಾರತಕ್ಕೆ ದೊಡ್ಡ ಹಿನ್ನಡೆ ತಂದಿದೆ. ಕಳೆದ ಟಿ20 ವಿಶ್ವಕಪ್​ನಲ್ಲೂ ಇದೇ ಭಾರತಕ್ಕೆ ಹೊಡೆತ ನೀಡಿತ್ತು.

ಸ್ಪಿನ್​ ವಿಭಾಗದಲ್ಲಿ ದೀಪ್ತಿ ಶರ್ಮ ಭಾರತದ ಪ್ರಮುಖ ಅಸ್ತ್ರವಾಗಿದ್ದು, ಅವರಿಗೆ ಶ್ರೀಚರಣಿ, ರಾಧಾ ಯಾದವ್​ ಮತ್ತು ಪ್ರೇಮಾ ರಾವತ್​ ಸಾಥ್​ ನೀಡಲಿದ್ದಾರೆ. ವೇಗದ ಬೌಲಿಂಗ್​ನಲ್ಲಿ ಅನುಭವಿ ರೇಣುಕಾ ಸಿಂಗ್​ಗೆ ಕ್ರಾಂತಿ ಗೌಡ್​, ಅರುಂಧತಿ ರೆಡ್ಡಿ, ನಂದಿನಿ ಶರ್ಮ ಬೆಂಬಲ ಒದಗಿಸಬೇಕಿದೆ.

ಥಾಯ್ಲೆಂಡ್​ ತಂಡ ಟೂರ್ನಿಯ ಮೊದಲ ಪಂದ್ಯದಲ್ಲಿ ಹಾಂಕಾಂಗ್​ ವಿರುದ್ಧ ಗೆದ್ದ ವಿಶ್ವಾಸ ಹೊಂದಿದೆ. 120 ರನ್​ ಗಳಿಸಿದರೂ, ಹಾಂಕಾಂಗ್​ ತಂಡವನ್ನು 114 ರನ್​ಗಳಿಗೆ ನಿಯಂತ್ರಿಸಿದ ಥಾಯ್ಲೆಂಡ್​ ಬೌಲಿಂಗ್​ ನಿರ್ವಹಣೆ ಗಮನಸೆಳೆದಿದೆ.