ಭಾರತದ ದಿಗ್ಗಜ ಸಚಿನ್ ತೆಂಡುಲ್ಕರ್ ಏಕದಿನ ಕ್ರಿಕೆಟ್ನಲ್ಲಿ ಸರ್ವಾಧಿಕ 463 ಪಂದ್ಯ ಆಡಿ, 18,426 ರನ್ ಗಳಿಸಿದ ದಾಖಲೆ ಹೊಂದಿದ್ದಾರೆ. ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್ ಸರ್ವಾಧಿಕ 534 ವಿಕೆಟ್ ಸಾಧಕರಾಗಿದ್ದಾರೆ. ಆಸ್ಟ್ರೆಲಿಯಾ (1,025), ಭಾರತ (1,081), ಪಾಕಿಸ್ತಾನ (1,002) ಸಾವಿರಕ್ಕೂ ಅಧಿಕ ಪಂದ್ಯ ಆಡಿರುವ 3 ತಂಡಗಳಾಗಿವೆ. ಇಂಗ್ಲೆಂಡ್ ಸರ್ವಾಧಿಕ ಮೊತ್ತ (498/4) ಗಳಿಸಿದ ದಾಖಲೆ ಹೊಂದಿದೆ. ರೋಹಿತ್ ಶರ್ಮ (264) ಪಂದ್ಯವೊಂದರಲ್ಲಿ ಸರ್ವಾಧಿಕ ವೈಯಕ್ತಿಕ ರನ್ ಗಳಿಸಿದ್ದರೆ, ವಿರಾಟ್ ಕೊಹ್ಲಿ ಗರಿಷ್ಠ 54 ಶತಕ ಸಾಧಕರಾಗಿದ್ದಾರೆ. ಎಬಿ ಡಿವಿಲಿಯರ್ಸ್ ಅತಿವೇಗದ ಶತಕ (31 ಎಸೆತ) ಮತ್ತು ಅರ್ಧಶತಕದ (16) ವಿಶ್ವದಾಖಲೆ ಹೊಂದಿದ್ದಾರೆ. ವಕಾರ್ ಯೂನಿಸ್ ಸರ್ವಾಧಿಕ 13 ಬಾರಿ 5 ವಿಕೆಟ್ ಗೊಂಚಲು ಪಡೆದಿದ್ದಾರೆ. ಚಮಿಂಡಾ ವಾಸ್ 19 ರನ್ಗಳಿಗೆ 8 ವಿಕೆಟ್ ಕಬಳಿಸಿರುವುದು ಏಕದಿನ ಪಂದ್ಯವೊಂದರಲ್ಲಿ ಸರ್ವಶ್ರೇಷ್ಠ ಬೌಲಿಂಗ್ ನಿರ್ವಹಣೆಯಾಗಿದೆ.
