ವೇಗಿಗಳ ಫಿಟ್ನೆಸ್‌ಗೆ ನಾಯಕ ಶುಭಮಾನ್ ಗಿಲ್ ಕಳವಳ!: ಲಾಡ್ಸ್​​ನಲ್ಲಿ ಹಲವು ದಾಖಲೆ ಬರೆದ ರೋಹಿತ್

ಇಂಗ್ಲೆಂಡ್ ವಿರುದ್ಧ ಮೂರನೇ ಏಕದಿನ ಪಂದ್ಯದಲ್ಲಿ 27 ರನ್‌ಗಳಿಂದ ಸೋಲು ಅನುಭವಿಸಿದ ಭಾರತ, ಮೂರು ಪಂದ್ಯಗಳ ಸರಣಿಯನ್ನು 1-2ರಿಂದ ಕೈಚೆಲ್ಲಿತು. ಸರಣಿ ಆರಂಭಕ್ಕೆ ಮುನ್ನ ಹಾರ್ದಿಕ್ ಪಾಂಡ್ಯ, ನಿತೀಶ್ ಕುಮಾರ್ ರೆಡ್ಡಿ ನಂತರ ವಾಷಿಂಗ್ಟನ್ ಸುಂದರ್, ಜಸ್‌ಪ್ರೀತ್ ಬುಮ್ರಾ ಹಾಗೂ ಟಿ20 ಸರಣಿಯಲ್ಲಿ ಹರ್ಷಿತ್ ರಾಣಾ ಗಾಯದ ಸಮಸ್ಯೆ ಎದುರಿಸಿದರು. ಏಕದಿನ ಸರಣಿಗೆ ಆಯ್ಕೆ ಮಾಡಿದ ತಂಡಕ್ಕೂ, ಕೊನೇ ಪಂದ್ಯ ಆಡಿದ 11ರ ಬಳಗದಲ್ಲಿ ಐವರು ಬದಲಿ ಆಟಗಾರರಿದ್ದಾರೆ. ಒಂದೆರಡು ಪಂದ್ಯ ಆಡಿದ ನಂತರ ಗಾಯಗೊಂಡರೆ, ಮುಂದಿನ ವರ್ಷ ಏಕದಿನ ವಿಶ್ವಕಪ್‌ನಲ್ಲಿ 11 ಪಂದ್ಯಗಳನ್ನು ಹೇಗೆ ಆಡಬಹುದು ಎಂದು ಪ್ರಶ್ನಿಸಿದ್ದಾರೆ.

ದಿನಾ ಬೆಳಗ್ಗೆ ಒಬ್ಬ ಆಟಗಾರರ ಗಾಯದ ಸಮಸ್ಯೆ ಹೇಳಿದರೆ, ತಂಡದ ಸಂಯೋಜನೆ ಬದಲಾವಣೆ ಮಾಡಬೇಕಾಗುತ್ತದೆ. ಇದರಿಂದ ನಾವು ಕೆಲ ತಂತ್ರಗಳನ್ನು ಕೈಬಿಡಬೇಕಾಗುತ್ತದೆ. ಆದ್ದರಿಂದ ಆಟಗಾರರು ಫಿಟ್ನೆಸ್ ಜತೆಗೆ ಎಲ್ಲ ವಿಭಾಗಗಳಲ್ಲಿ ಸುಧಾರಣೆ ಕಾಣಬೇಕಿದೆ ಎಂದು ಶುಭಮಾನ್ ಕಳವಳ ವ್ಯಕ್ತಪಡಿಸಿದ್ದಾರೆ.