ಪಾಕಿಸ್ತಾನದ ವಿರುದ್ಧ ಸೋಲುವಂತಿಲ್ಲ....ಟಿ-20 ವಿಶ್ವಕಪ್​ನಲ್ಲಿ ಇಂಡೋ-ಪಾಕ್ ವನಿತೆಯರ ಕಾಳಗ; ಪಂದ್ಯಕ್ಕೂ ಮುನ್ನ ಜೆಮಿಮಾ ರೋಡ್ರಿಗಸ್ ಹೇಳಿದ್ದೇನು? Jemimah Rodrigues

ಕ್ರಿಕೆಟ್​: ಶುಕ್ರವಾರ (ಜೂ.12) ದಿಂದ ಇಂಗ್ಲೆಂಡ್​ ಮತ್ತು ವೇಲ್ಸ್​ನಲ್ಲಿ ಮಹಿಳಾ ಟಿ-20 ವಿಶ್ವಕಪ್​ ಟೂರ್ನಿ ಆರಂಭವಾಗಿದ್ದು, ಮೊದಲ ಪಂದ್ಯದಲ್ಲಿ ಅತಿಥೇಯ ಇಂಗ್ಲೆಂಡ್​ನ ವನಿತೆಯರು ಶುಭಾರಂಭ ಮಾಡಿದ್ದಾರೆ.

ಆದರೆ ಕ್ರಿಕೆಟ್​ನಲ್ಲಿ ಜಿದ್ದಾಜಿದ್ದಿನ ಮ್ಯಾಚ್​ ಎಂದರೆ ಅದು ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವಾಗಿದೆ, ನಾಳೆ (ಭಾನುವಾರ, ಜೂ.14) ಬರ್ಮಿಂಗ್ಹ್ಯಾಮ್​ನ ಎಡ್ಜ್‌ಬಾಸ್ಟನ್ ನಲ್ಲಿ ಭಾರತದ ವನಿತೆಯರು ಪಾಕಿಸ್ತಾನದ ಮಹಿಳಾ ತಂಡವನ್ನು ಎದುರಿಸಲು ಸಿದ್ಧವಾಗಿದೆ.

ಇದೀಗ ಈ ಪಂದ್ಯಕ್ಕೂ ಮುನ್ನ ಭಾರತ ಮಹಿಳಾ ತಂಡದ ಸ್ಪೋಟಕ ಬ್ಯಾಟರ್​​ ಜೆಮಿಮಾ ರೋಡ್ರಿಗಸ್ (Jemimah Rodrigues) ನೀಡಿರುವ ಹೇಳಿಕೆಯೊಂದು ಈಗ ಸೋಷಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಭಾನುವಾರ ಪಾಕಿಸ್ತಾನ ವಿರುದ್ಧ ನಡೆಯಲಿರುವ ಪಂದ್ಯದ ಹಿನ್ನಲೆ ತಯಾರಿ ಬಗ್ಗೆ ಮಾತನಾಡಿದ ಜೆಮಿಮಾ, ನಾನು ಪಾಕಿಸ್ತಾನ ವಿರುದ್ಧ ಮೊದಲ ಪಂದ್ಯವನ್ನು ಆಡುವಾಗ ತಂಡದ ನಾಯಕಿ ಹರ್ಮನ್​ಪ್ರಿತ್​ ಇದು ಇಂಡಿಯಾ ಪಾಕಿಸ್ತಾನ ಪಂದ್ಯ. ಪ್ರೇಕ್ಷಕರು ನಮ್ಮ ಮೇಲೆ ಬಹಳ ನಂಬಿಕೆ ಇಟ್ಟಿರುತ್ತಾರೆ, ಹೀಗಾಗಿ ಒತ್ತಡ ಕೂಡ ಅಧಿಕವಾಗಿರುತ್ತದೆ ಎಂದು ಹೇಳಿದ್ದರು.

2025 ರಲ್ಲಿ ನಾವು ಐಸಿಸಿ ಮಹಿಳಾ ವಿಶ್ವಕಪ್​ನ್ನು ಗೆದ್ದಿದ್ದೆವೆ. ಈಗ ಅದೇ ಉತ್ಸಾಹದಲ್ಲಿ ಇಂಗ್ಲೆಂಡ್​ ತಲುಪಿದ್ದು, ಈ ಭಾರಿ ಚೊಚ್ಚಲ ಮಹಿಳಾ ಟಿ-20 ವಿಶ್ವಕಪ್​ನ್ನು ಗೆಲ್ಲುವುದೇ ನಮ್ಮ ಗುರಿಯಾಗಿದೆ ಎಂದು ಜೆಮಿಮಾ ರೋಡ್ರಿಗಸ್ ಹೇಳಿದ್ದಾರೆ.