BWF World Championships: ಅಲೆಕ್ಸ್, ಯಂಗ್‌ಗೆ ವಿಶ್ವ ಚಾಂಪಿಯನ್ ಪಟ್ಟ

ನವದೆಹಲಿ:

ಫ್ರಾನ್ಸ್​ನ ಅಲೆಕ್ಸ್ ಲನೈರ್ ಹಾಗೂ ಕೊರಿಯಾದ ಅನ್ ಸೆ ಯಂಗ್ 17 ವರ್ಷಗಳ ಬಳಿಕ ಭಾರತದ ಆತಿಥ್ಯದಲ್ಲಿ ನಡೆದ ಬಿಡಬ್ಲುೃಎಫ್​ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ (

BWF World Championships)

ಕ್ರಮವಾಗಿ ಪುರುಷರ-ಮಹಿಳೆಯರ ಸಿಂಗಲ್ಸ್‌ನಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದರು. ಮಿಶ್ರ ಡಬಲ್ಸ್‌ನಲ್ಲಿ

ಫ್ರಾನ್ಸ್

ನವರೇ ಆದ ಥಾಮ್ ಗಿಕ್ವೆಲ್-ಡೆಲ್ವಿನ್ ಡೆಲ್ರೋ, ಪುರುಷರ ಡಬಲ್ಸ್‌ನಲ್ಲಿ ಚೀನಾದ ಲಿಯಾಂಗ್ ವಿಯಿ ಕೆಂಗ್ -ವಾಂಗ್ ಚಾಂಗ್, ಮಹಿಳೆಯ ವಿಭಾಗದಲ್ಲಿ ಕೊರಿಯಾದ ಬೇಕ್ ಹ ನ-ಲೀ ಸೊ ಹೋ ಜೋಡಿಗಳು ಪ್ರಶಸ್ತಿ ಗೆದ್ದುಕೊಂಡವು.

ಫ್ರಾನ್ಸ್​ನ

ಅಲೆಕ್ಸ್ ಲನೈರ್ ವಿಶ್ವ ಚಾಂಪಿಯನ್‌ಪಟ್ಟಕ್ಕೇರಿದ ಫ್ರೆಂಚ್​ನ ಮೊದಲ ಪುರುಷರ ಷಟ್ಲರ್ ಎನಿಸಿದರೆ, ವಿಶ್ವ ನಂ.1 ಅನ್ ಸೆ ಯಂಗ್, ಮೂರು ಬಾರಿ ವಿಶ್ವ ಚಾಂಪಿಯನ್ ಜಪಾನ್‌ನ ಅಕಾನೆ ಯಮಗುಚಿ ಅವರನ್ನು ಮಣಿಸಿ ಎರಡನೇ ಬಾರಿಗೆ ವಿಶ್ವ ಕಿರೀಟ ಮುಡಿಗೇರಿಸಿಕೊಂಡರು. ಆತಿಥೇಯ ಭಾರತ ಮಹಿಳಾ ಡಬಲ್ಸ್‌ನಲ್ಲಿ ಗಾಯತ್ರಿ ಗೋಪಿಚಂದ್-ತ್ರೀಸಾ ಜೋಲಿ ಜೋಡಿ ಗೆದ್ದುಕೊಟ್ಟ ಏಕೈಕ ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿತು.

ಪುರುಷರ ಸಿಂಗಲ್ಸ್‌ನಲ್ಲಿ ಜಪಾನ್‌ನ ಕೊಡೈ ನರೋಕ 11-21, 11-21 ರಿಂದ ಅಲೆಕ್ಸ್ ಲನೈರ್ ಎದುರು ಮುಗ್ಗರಿಸಿದರೆ, ಮಹಿಳಾ ವಿಭಾಗದಲ್ಲಿ ಅನ್ ಸೆ ಯಂಗ್ ವಿರುದ್ಧ 21-17, 21-14 ನೇರ ಗೇಮ್‌ಗಳಿಂದ ವಿಶ್ವ ನಂ.2 ಯಮಗುಚಿ ಪರಾಭವಗೊಂಡರು.

ಮಿಶ್ರ ಡಬಲ್ಸ್‌ನಲ್ಲಿ

ಫ್ರಾನ್ಸ್​ನ

ಥಾಮ್ ಗಿಕ್ವೆಲ್-ಡೆಲ್ವಿನ್ ಡೆಲ್ರೋ ಜೋಡಿ 22-20, 19-21, 21-15 ರಿಂದ ವಿಶ್ವ ನಂ.1 ಹಾಗೂ ಚೀನಾದ ಫೆಂಗ್​ ಯಾನ್ ಜೀ-ವುವಾಂಗ್ ಡಂಗ್ ಪಿಂಗ್ ಜೋಡಿಗೆ ಆಘಾತ ನೀಡಿ ಪ್ರಶಸ್ತಿ ಒಲಿಸಿಕೊಂಡಿತು. ಇದರೊಂದಿಗೆ 2019ರ ನಂತರ ಆವೃತ್ತಿಯೊಂದರಲ್ಲಿ ಚೀನಾ ಏಕೈಕ ಸ್ವರ್ಣ ಪದಕ ಜಯಿಸಿದಂತಾಗಿದೆ.

ಪುರುಷರ ಡಬಲ್ಸ್‌ನಲ್ಲಿ ಚೀನಾದ ಲಿಯಾಂಗ್ ವಿಯಿ ಕೆಂಗ್-ವಾಂಗ್ ಚಂಗ್ ಜೋಡಿ 21-17, 21-1 ರಿಂದ ಮಲೇಷ್ಯಾದ ಆರೋನ್ ಚಿಹ-ಸೊ ವೊಯಿ ಯಿಕಿ ಜೋಡಿಯನ್ನು ಮಣಿಸಿ ಚಾಂಪಿಯನ್ ಎನಿಸಿತು.