ವಿಶ್ವವಿಜೇತ ಟೀಮ್ ಇಂಡಿಯಾಗೆ 131 ಕೋಟಿ ರೂ.ಗಳ ಬಂಪರ್ ಗಿಫ್ಟ್! ಹಣದ ಹಂಚಿಕೆ ಹೇಗೆ? ಇಲ್ಲಿದೆ ಕಂಪ್ಲೀಟ್​ ಮಾಹಿತಿ | Team India

2024ರಲ್ಲಿ ರೋಹಿತ್ ಶರ್ಮಾ ನೇತೃತ್ವದ ತಂಡ ವಿಶ್ವಕಪ್ ಗೆದ್ದಾಗ ಬಿಸಿಸಿಐ 125 ಕೋಟಿ ರೂ.ಗಳನ್ನು ನೀಡಿತ್ತು. ಈಗ ತನ್ನದೇ ದಾಖಲೆಯನ್ನು ಮುರಿದಿರುವ ಬಿಸಿಸಿಐ, 131 ಕೋಟಿ ರೂ.ಗಳ ಭಾರಿ ಮೊತ್ತವನ್ನು ಘೋಷಿಸಿದೆ.

ಪಿಟಿಐ (PTI) ವರದಿಗಳ ಪ್ರಕಾರ, ಈ 131 ಕೋಟಿ ರೂಪಾಯಿಗಳನ್ನು ಕೇವಲ ಆಟಗಾರರಿಗೆ ಮಾತ್ರವಲ್ಲದೆ, ಕೋಚಿಂಗ್ ಸ್ಟಾಫ್ ಮತ್ತು ಇತರ ಪೋಷಕ ಸಿಬ್ಬಂದಿಗಳಿಗೂ ಹಂಚಲಾಗುತ್ತದೆ. ಬಿಸಿಸಿಐ ಅಧಿಕೃತವಾಗಿ ವಿಭಜನೆಯನ್ನು ತಿಳಿಸದಿದ್ದರೂ, ಮೂಲಗಳ ಪ್ರಕಾರ ಹಂಚಿಕೆ ಹೀಗಿರಲಿದೆ.

ಆಟಗಾರರಿಗೆ ಸಿಂಹ ಪಾಲು: ತಂಡದ 15 ಪ್ರಮುಖ ಆಟಗಾರರು ಈ ಬಹುಮಾನದ ದೊಡ್ಡ ಪಾಲನ್ನು ಪಡೆಯಲಿದ್ದಾರೆ. ಪ್ರತಿಯೊಬ್ಬ ಆಟಗಾರನಿಗೆ ಸರಿಸುಮಾರು 5 ರಿಂದ 7 ಕೋಟಿ ರೂ. ಸಿಗುವ ಸಾಧ್ಯತೆಯಿದೆ.

ಕೋಚಿಂಗ್ ಸ್ಟಾಫ್: ಮುಖ್ಯ ತರಬೇತುದಾರರು ಮತ್ತು ಇತರ ಪ್ರಮುಖ ಕೋಚ್‌ಗಳಿಗೆ ತಲಾ 2 ರಿಂದ 3 ಕೋಟಿ ರೂ. ಲಭಿಸಬಹುದು.

ಸಪೋರ್ಟ್ ಸ್ಟಾಫ್: ಫಿಸಿಯೋಗಳು, ಮಸಾಜ್ ಮಾಡುವವರು ಮತ್ತು ಇತರ ಸಹಾಯಕ ಸಿಬ್ಬಂದಿಗಳಿಗೆ ಅವರ ಹುದ್ದೆಯ ಶ್ರೇಣಿಗೆ (Hierarchy) ಅನುಗುಣವಾಗಿ ಹಣ ಹಂಚಿಕೆಯಾಗಲಿದೆ.

ಆಯ್ಕೆ ಸಮಿತಿ: ತಂಡವನ್ನು ಆಯ್ಕೆ ಮಾಡಿದ ಆಯ್ಕೆಗಾರರಿಗೂ ಬಿಸಿಸಿಐ ಗೌರವ ಧನವನ್ನು ನೀಡಲಿದೆ.

ಬಿಸಿಸಿಐ ಮಾತ್ರವಲ್ಲದೆ, ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಕೂಡ ವಿಜೇತ ತಂಡಕ್ಕೆ ದೊಡ್ಡ ಮೊತ್ತದ ಹಣವನ್ನು ನೀಡಿದೆ.

ಭಾರತ (ವಿಜೇತರು): 2.34 ಮಿಲಿಯನ್ ಡಾಲರ್ (ಅಂದಾಜು 21.5 ಕೋಟಿ ರೂ.).

ನ್ಯೂಜಿಲೆಂಡ್ (ರನ್ನರ್-ಅಪ್): 1.17 ಮಿಲಿಯನ್ ಡಾಲರ್ (ಅಂದಾಜು 10.75 ಕೋಟಿ ರೂ.).

ಈ ಗೆಲುವಿನೊಂದಿಗೆ ಭಾರತ ತಂಡವು ಕ್ರಿಕೆಟ್ ಇತಿಹಾಸದಲ್ಲಿ ಹಲವು ಮೈಲಿಗಲ್ಲುಗಳನ್ನು ಸ್ಥಾಪಿಸಿದೆ: ಟಿ20 ವಿಶ್ವಕಪ್ ಇತಿಹಾಸದಲ್ಲಿ ತನ್ನ ಪ್ರಶಸ್ತಿಯನ್ನು ಯಶಸ್ವಿಯಾಗಿ ಉಳಿಸಿಕೊಂಡ (Defend) ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ. ತವರಿನಲ್ಲೇ ವಿಶ್ವಕಪ್ ಗೆದ್ದ ಮೊದಲ ತಂಡ ಎಂಬ ಇತಿಹಾಸವನ್ನೂ ಸೂರ್ಯಕುಮಾರ್ ಪಡೆ ನಿರ್ಮಿಸಿದೆ. ಭಾರತ ಈಗ ಮೂರು ಬಾರಿ (2007, 2024, 2026) ಟಿ20 ವಿಶ್ವಕಪ್ ಗೆದ್ದ ಏಕೈಕ ತಂಡವಾಗಿದೆ,(ಏಜೆನ್ಸೀಸ್​).