ಹಾರ್ದಿಕ್​ಗೆ ನರಕಕ್ಕೆ ಹೋಗು ಎಂದ ಅಭಿಮಾನಿ..ಹಿಡಿ ಶಾಪ ಹಾಕಿದರು ಪಾಂಡ್ಯಾ ತೋರಿದ ಜಾಣ್ಮೆಗೆ ನೆಟಿಜೆನ್ಸ್ ಶ್ಲಾಘನೆ Hardik Pandya

ಹಾರ್ದಿಕ್​ ಇನ್ನೇನು ಅಲ್ಲಿಂದ ಹೊರಡಬೇಕು ಎನ್ನುವಷ್ಟರಲ್ಲಿ ಅಭಿಮಾನಿಗಳು ನೆಚ್ಚಿನ ಕ್ರಿಕೆಟಿಗನೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಮುಗಿಬಿದ್ದರು. ಈ ವೇಳೆ ತಾಳ್ಮೆ ಕಳೆದುಕೊಂಡಂತೆ ಕಂಡುಬಂದ ಪಾಂಡ್ಯ, ಈಗಾಗಲೇ ನೀವು ಸಾಕಷ್ಟು ಫೋಟೋ ತೆಗೆದುಕೊಂಡಿದ್ದೀರಿ. ಇನ್ನೂ ಎಷ್ಟು ಬೇಕು ಎಂದು ಗದರಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಆದರೆ ಜನದಟ್ಟಣೆಯಲ್ಲಿ ಒಬ್ಬ ವ್ಯಕ್ತಿ ಸೆಲ್ಫಿ ಪಡೆಯಲು ಸಾಧ್ಯವಾಗದೇ ಹತಾಶನಾಗಿ, ನರಕಕ್ಕೆ ಹೋಗು ಎಂದು ಹೇಳಿದ್ದಾನೆ.

ಹಾರ್ದಿಕ್ ಪಾಂಡ್ಯ ಈ ಶಾಪಕ್ಕೆ ತಲೆ ಕಡೆಸಿಕೊಳ್ಳದೆ, ಶಾಂತವಾಗಿ ತಮ್ಮ ಕಾರಿನ ಕಡೆ ಹೊರಟರು. ಹಾರ್ದಿಕ್​ರ ಈ ನಡೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದ್ದು, ಅನೇಕ ಬಳಕೆದಾರರು "ಕ್ಲಾಸ್ ಆಕ್ಟ್" ಎಂದು ಕರೆದು, ಸೆಲೆಬ್ರಿಟಿಗಳು ಎದುರಿಸುವ ಒತ್ತಡದ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಭಾರತದ ಸ್ಟಾರ್ ಕ್ರಿಕೆಟ್​ ಆಟಗಾರ ಹಾರ್ದಿಕ್ ಪಾಂಡ್ಯ ಅವರು ಈ ವರ್ಷದ ಡಿಸೆಂಬರ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿ ತಂಡದ ಗೆಲುವಿಗೆ ಕಾರಣರಾಗಿದ್ದಾರೆ. ಇವರು ಇಂಜುರಿಯಿಂದ ಚೇತರಿಸಿಕೊಂಡ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಮರಳಿದ್ದು, ಸರಣಿಯಲ್ಲಿ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಯಶಸ್ವೀ ಪ್ರದರ್ಶನ ನೀಡಿದ್ದಾರೆ.

ಸರಣಿಯ ಐದನೇ ಮತ್ತು ಅಂತಿಮ ಪಂದ್ಯದಲ್ಲಿ ಹಾರ್ದಿಕ್ ಕೇವಲ 16 ಎಸೆತಗಳಲ್ಲಿ ಮೈಲಿಗಲ್ಲು ತಲುಪುವ ಮೂಲಕ ಟಿ20ಐ ಕ್ರಿಕೆಟ್‌ನಲ್ಲಿ ಭಾರತದ ಪರ ಎರಡನೇ ಅತಿ ವೇಗದ ಅರ್ಧಶತಕ ಗಳಿಸಿದರು. 2007 ರ ಟಿ20 ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ವಿರುದ್ಧದಲ್ಲಿ ಯುವರಾಜ್ ಸಿಂಗ್ 12 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ದಾಖಲೆಯನ್ನು ಇವರು ಪುಡಿಮಾಡಿದ್ದಾರೆ.

ಭಾರತ ಪರ ಟಿ20 ಪಂದ್ಯದಲ್ಲಿ ಅರ್ಧಶತಕ ಗಳಿಸಿ ಕನಿಷ್ಟ ಒಂದು ವಿಕೆಟ್​ ಪಡೆದ ಅತಿ ಹೆಚ್ಚು ಸಂದರ್ಭದಲ್ಲಿ ಯುವರಾಜ್​ ಅವರ ದಾಖಲೆಯನ್ನು ಹಾರ್ದಿಕ್​ ಹಿಂದಿಕ್ಕಿದ್ದಾರೆ. ಇವರು ಐದನೇ ಟಿ20ಐನಲ್ಲಿ ಕೇವಲ 25 ಎಸೆತಗಳಲ್ಲಿ ಐದು ಬೌಂಡರಿ ಮತ್ತು 5 ಸಿಕ್ಸರ್​ಗಳೊಂದಿಗೆ 63 ರನ್ ಗಳಿಸಿದರು. ಅವರ ರನ್‌ಗಳು 252 ಸ್ಟ್ರೈಕ್ ರೇಟ್‌ನಲ್ಲಿ ಬಂದವು (ಏಜೆನ್ಸೀಸ್​).