ASIAN GAMES 2026: ಆಡದೆ ಉಪಾಂತ್ಯಕ್ಕೇರಿ ಬಾಂಗ್ಲಾ; ಭಾರತಕ್ಕೆ ಜಪಾನ್​ ಎದುರಾಳಿ

ಭಾರತ ಮಹಿಳಾ ತಂಡ ಶುಕ್ರವಾರ ಆತಿಥೇಯ ಜಪಾನ್​ ವಿರುದ್ಧ ಕ್ವಾರ್ಟರ್​ಫೈನಲ್​ ಪಂದ್ಯ ಆಡಲಿದೆ. 8ರ ಘಟ್ಟದ ಇನ್ನೊಂದು ಪಂದ್ಯದಲ್ಲಿ ಶ್ರೀಲಂಕಾ-ಮಲೇಷ್ಯಾ ಮುಖಾಮುಖಿ ಆಗಲಿವೆ. ಇತ್ತೀಚೆಗೆ ಏಷ್ಯಾಕಪ್​ ಗೆದ್ದ ವಿಶ್ವಾಸದಲ್ಲಿರುವ ಹರ್ಮಾನ್​ಪ್ರೀತ್​ ಕೌರ್​ ಪಡೆ, ಗೆಲುವಿನ ಓಟ ಮುಂದುವರಿಸುವ ನಿರೀಕ್ಷೆ ಇದೆ. ಸತತ 2ನೇ ಬಾರಿ ಚಿನ್ನದ ಪದಕ ಬೇಟೆಯಾಡುವ ಅಭಿಯಾನವನ್ನು ಭಾರತದ ಮಹಿಳೆಯರು ಭರ್ಜರಿಯಾಗಿ ಆರಂಭಿಸುವ ಹಂಬಲದಲ್ಲಿದ್ದಾರೆ. ಗಾಯದಿಂದಾಗಿ ಏಷ್ಯಾಕಪ್​ ತಪ್ಪಿಸಿಕೊಂಡಿದ್ದ ಕನ್ನಡತಿ ಶ್ರೇಯಾಂಕಾ ಪಾಟೀಲ್​ ಇದೀಗ ಫಿಟ್​ ಆಗಿ ಏಷ್ಯಾಡ್​ ತಂಡ ಕೂಡಿಕೊಂಡಿದ್ದಾರೆ. ಇದು ಭಾರತದ ಬೌಲಿಂಗ್​ ವಿಭಾಗಕ್ಕೆ ಹೆಚ್ಚಿನ ಬಲ ತಂದಿದೆ. ಸ್ಮೃತಿ ಮಂದನಾ-ಶೆಫಾಲಿ ವರ್ಮ ಭರ್ಜರಿ ಫಾರ್ಮ್​ ಭಾರತಕ್ಕೆ ನೆರವಾಗಿದೆ. ಆದರೆ ನಾಯಕಿ ಹರ್ಮಾನ್​ಪ್ರೀತ್​ ಕೌರ್​ ಮತ್ತು ರಿಚಾ ಘೋಷ್​ ರನ್​ಬರ ಕಳವಳ ಸೃಷ್ಟಿಸಿದೆ. ಇನ್ನು ದೀಪ್ತಿ ಶರ್ಮ ಆಲ್ರೌಂಡ್​ ನಿರ್ವಹಣೆಯೊಂದಿಗೆ ಮಿಂಚುತ್ತಿದ್ದಾರೆ.

ಟೆಕ್​ಬಾಲ್​ ಸ್ಪರ್ಧೆಯೊಂದಿಗೆ ಏಷ್ಯನ್​ ಗೇಮ್ಸ್​ ಅಧಿಕೃತ ಆರಂಭಕ್ಕೆ 2 ದಿನ ಮೊದಲೇ ಭಾರತದ ಅಭಿಯಾನ ಶುರುವಾಗಿದೆ. ಆದರೆ ಭಾರತದ ಡಕ್ಲಾನ್​ ಮಾರ್ಷನ್​ ಗೊನ್ಸಾಲ್ವೆಸ್​ ಮತ್ತು ಮೊಹಮದ್​ ಅನಾಸ್​ ಇಮ್ರಾನ್​ ಬೆಗ್​ ಜೋಡಿ ಪುರುಷರ ಡಬಲ್ಸ್​ ಟೆಕ್​ಬಾಲ್​ ಸ್ಪರ್ಧೆಯ ಗ್ರೂಪ್​ ವಿಭಾಗದಲ್ಲೇ ಎರಡೂ ಪಂದ್ಯ ಸೋತು ನಿರಾಸೆ ಅನುಭವಿಸಿದೆ. ಬಿ ಗುಂಪಿನಲ್ಲಿದ್ದ ಭಾರತದ ಜೋಡಿ ವಿಯೇಟ್ನಾಂ ವಿರುದ್ಧ ಮತ್ತು ದಣ ಕೊರಿಯಾ ವಿರುದ್ಧ 0-2ರಿಂದ ಪರಾಭವಗೊಂಡು ಪದಕ ಸ್ಪರ್ಧೆಯಿಂದ ಹೊರಬಿದ್ದಿತು. ಟೆಕ್​ಬಾಲ್​ ಎಂಬುದು ುಟ್​ಬಾಲ್​ ಮತ್ತು ಟೇಬಲ್​ ಟೆನಿಸ್​ ಅಂಶಗಳನ್ನು ಸಂಯೋಜಿಸಿ ಬಾಗಿದ ಮೇಜಿನ ಮೇಲೆ ಆಡಲಾಗುವ ಒಂದು ಚೆಂಡಿನ ಕ್ರೀಡೆಯಾಗಿದೆ. ಇದು ಏಷ್ಯಾಡ್​ಗೆ ಈ ಬಾರಿ ಹೊಸದಾಗಿ ಸೇರ್ಪಡೆಯಾಗಿರುವ 6 ಕ್ರೀಡೆಗಳಲ್ಲಿ ಒಂದಾಗಿದೆ.