ಸ್ವಸ್ಥ ಶರೀರ, ಸ್ವಸ್ಥ ಮನಸ್ಸು (ಸೌಂಡ್ ಮೈಂಡ್, ಸೌಂಡ್ ಬಾಡಿ) ಎಂಬ ತತ್ವದಿಂದ ಪ್ರೇರಿತವಾದ ಈ ಪಾಲುದಾರಿಕೆಯು ಕ್ರೀಡಾಪಟುಗಳ ಸಮಗ್ರ ಅಭಿವೃದ್ಧಿಗೆ ನಾಂದಿ ಹಾಡಲಿದೆ. ಆಟಗಾರರ ಕ್ರೀಡಾ ಪ್ರದರ್ಶನ, ದೈಹಿಕ ಹಾಗೂ ಮಾನಸಿಕ ಆರೋಗ್ಯ ಮತ್ತು ಒಟ್ಟಾರೆ ಪ್ರಗತಿಯನ್ನು ಇದು ಗುರಿಯಾಗಿಸಿಕೊಂಡಿದೆ. ಈ ಒಪ್ಪಂದದ ಭಾಗವಾಗಿ, ಆಟಗಾರರಿಗೆ ಅತ್ಯುತ್ತಮ ಕ್ರೀಡಾ ಉತ್ಪನ್ನಗಳನ್ನು ಒದಗಿಸುವುದು, ಕ್ರೀಡಾ ತಂತ್ರಜ್ಞಾನಗಳ ಬಗ್ಗೆ ಶಿಕ್ಷಣ ನೀಡುವುದು, ಟೆನಿಸ್ ಕ್ಲಿನಿಕ್ ಗಳು, ಮಾಸ್ಟರ್ ಕ್ಲಾಸ್ ಗಳು ಹಾಗೂ ಟೂರ್ನಿಗಳ ಆಯೋಜನೆಗೆ ಎಸಿಕ್ಸ್ ಬೆಂಬಲ ನೀಡಲಿದೆ. ಇದರೊಂದಿಗೆ ಎಸಿಕ್ಸ್ ನೆಟ್ ವರ್ಕ್ ನಲ್ಲಿರುವ ಅಂತಾರಾಷ್ಟ್ರೀಯ ಮಟ್ಟದ ಗಣ್ಯ ಕ್ರೀಡಾಪಟುಗಳೊಂದಿಗೆ ಮುಕ್ತ ಸಂವಾದ ನಡೆಸುವ ಸುವರ್ಣ ಅವಕಾಶವೂ ಯುವ ಆಟಗಾರರಿಗೆ ಲಭ್ಯವಾಗಲಿದೆ. ಇದರ ಜೊತೆಗೆ, ರೋಹನ್ ಬೋಪಣ್ಣ ಅಕಾಡೆಮಿಯ ಹೈ-ರ್ಫಾರ್ಮೆನ್ಸ್ ಮತ್ತು ಜೂನಿಯರ್ ಪ್ರೊ ಕಾರ್ಯಕ್ರಮಗಳ ಮೂಲಕ ಭರವಸೆಯ ಯುವ ಆಟಗಾರರಿಗೆ ಹೆಚ್ಚಿನ ಅವಕಾಶಗಳನ್ನು ಕಲ್ಪಿಸಿಕೊಡುವ ಮೂಲಕ ಕ್ರೀಡಾಪಟುಗಳ ದೀರ್ಘಕಾಲೀನ ಕ್ರೀಡಾ ವೃತ್ತಿಜೀವನಕ್ಕೆ ಬೆಂಬಲ ನೀಡಲಾಗುತ್ತದೆ.
