ಏಷ್ಯನ್ ಗೇಮ್ಸ್‌: ಆಯ್ಕೆ ಟ್ರಯಲ್ಸ್‌ನ ಸೆಮಿಫೈನಲ್‌ನಲ್ಲಿ ಸೋತ ವಿನೇಶ್

53.9 ಕೆಜಿ ತೂಕದೊಂದಿಗೆ ಮೊದಲ ಸುತ್ತಿನಲ್ಲಿ ಜ್ಯೋತಿ ಎದುರು 7-1 ರಿಂದ ಶುಭಾರಂಭ ಮಾಡಿದ ವಿನೇಶ್, ಎರಡನೇ ಸುತ್ತಿನಲ್ಲಿ ನಿಶು ವಿರುದ್ಧ 7-6 ಅಂಕಗಳಿಂದ ರೋಚಕ ಜಯ ಸಾಧಿಸಿದ್ದರು. ನಿವೃತ್ತಿ ಹಿಂಪಡೆದ ನಂತರ ಕನಿಷ್ಠ ಆರು ತಿಂಗಳ ನೋಟಿಸ್ ಅವಧಿಯನ್ನು ಪೂರ್ಣಗೊಳಿಸ ಕಾರಣ ವಿನೇಶ್ ಆಯ್ಕೆ ಟ್ರಯಲ್ಸ್‌ನಲ್ಲಿ ಭಾಗವಹಿಸಲು ಡಬ್ಲುೃಎಫ್ಐ ನಿರ್ಬಂಧ ಹೇರಿತ್ತು. ಈ ನಿರ್ಧಾರ ಪ್ರಶ್ನಿಸಿ ವಿನೇಶ್ ದೆಹಲಿ ಹೈಕೋರ್ಟ್‌ನಿಂದ ಹಸಿರು ನಿಶಾನೆ ಪಡೆದಿದ್ದರೆ, ಹೈಕೋರ್ಟ್ ತೀರ್ಪಿಗೆ ಡಬ್ಲುೃಎಫ್ಐ ಸುಪ್ರೀಂ ಕೋಟ್‌ನಲ್ಲಿ ಮೇಲ್ಮನವಿ ಸಲ್ಲಿಸಿ ಹಿನ್ನಡೆ ಕಂಡಿತ್ತು.

ದೀಪಾಂಶಿ (50 ಕೆಜಿ), ಮನೀಶಾ ಬನ್ವಾಲ (57 ಕೆಜಿ), ಮಾನ್ಸಿ ಆಹ್ಲಾವತ್ (62 ಕೆಜಿ), ನಿಶಾ ದಹಿಯಾ (68 ಕೆಜಿ), ಪ್ರಿಯಾ ಮಲಿಕ್ (76 ಕೆಜಿ) ಇತರ ವಿಭಾಗಗಳಲ್ಲಿ ಏಷ್ಯಾಡ್‌ಗೆ ಅರ್ಹತೆ ಪಡೆದರು.