ಕ್ವಾರ್ಟರ್ಫೈನಲ್ನಲ್ಲಿ ಜಪಾನ್ ಎದುರು ಸುಲಭ ಜಯ ಒಲಿಸಿಕೊಂಡಿದ್ದ ಭಾರತ ಉತ್ತಮ ಲಯದಲ್ಲಿದ್ದು, ಕಳೆದ ವಾರ ಏಷ್ಯಾಕಪ್ನಲ್ಲೂ ಬಾಂಗ್ಲಾ ತಂಡವನ್ನು 40 ರನ್ಗಳಿಂದ ಮಣಿಸಿತ್ತು. ಇನ್ನು ಬಾಂಗ್ಲಾದೇಶ, ಚೀನಾ ಎದುರು ಕಣಕ್ಕಿಳಿಯದೇ ಸೆಮೀಸ್ಗೇರಿದ್ದು, ಭಾರತ ವಿರುದ್ಧದ ಹಿಂದಿನ 9 ಮುಖಾಮುಖಿಗಳಲ್ಲಿ ಸೋಲು ಕಂಡಿದೆ. ಆದರೆ, ಏಷ್ಯಾಕಪ್ ಪಂದ್ಯದ ಟಾಸ್ ಪ್ರಕ್ರಿಯೆ ವೇಳೆ ಹರ್ಮಾನ್ಪ್ರೀತ್ ಕೌರ್ ಜತೆಗೆ ಹ್ಯಾಂಡ್ ಶೇಕ್ ಮಾಡಲು ನಿರಾಕರಿಸಿದ್ದ ನಡೆಗೆ ಟೀಕೆ ಎದುರಿಸಿದ್ದ ಬಾಂಗ್ಲಾ ನಾಯಕಿ ನೀಗರ್ ಸುಲ್ತಾನಾ ಏಷ್ಯನ್ ಗೇಮ್ಸ್ ಬಳಿಕ ನಾಯಕತ್ವ ತ್ಯಜಿಸಲಿದ್ದಾರೆ. ಇದಕ್ಕೆ ಮುನ್ನ ಏಷ್ಯಾಡ್ ಸೆಮೀಸ್ನಲ್ಲಿ ಹಸ್ತ ಲಾಘವ ಮಾಡಲು ಒಪ್ಪುವವರೇ ಎಂಬುದು ಕುತೂಹಲ ಮೂಡಿಸಿದೆ.
