ಇದಕ್ಕೆ ಮುನ್ನ ನಡೆದ ಗುಂಪಿನ ಮೊದಲ ಪಂದ್ಯದಲ್ಲಿ 24 ವರ್ಷದ ಕ್ವಿಮ್ಸಿ ಜೋಕಿಮ್, ಅಗ್ರಶ್ರೇಯಾಂಕಿತೆ ಜಪಾನ್ನ ಯುಯಿನಾ ಸಕಮೊಟೊಗೆ 2-1 (10-12, 12-11, 13-11) ಅಂತರದಿಂದ ಸೋಲಿನ ಶಾಕ್ ನೀಡಿದರು. ನಂತರ 2ನೇ ಪಂದ್ಯದಲ್ಲಿ ಅದೇ ಲಯ ಮುಂದುವರಿಸಿದ ಮಹಾರಾಷ್ಟ್ರದ ಕ್ವಿಮ್ಸಿ ಜೋಕಿಮ್ 2-0 ರಿಂದ (12-9, 12-7) ಕಂಬೋಡಿಯಾದ ಕೋಮ್ಯನ್ ಡಿವೈ ಎದುರು ಗೆದ್ದು ಗುಂಪಿನಲ್ಲಿ ಅಗ್ರಸ್ಥಾನ ಪಡೆದರು. ಮಿಶ್ರ ಡಬಲ್ಸ್ನಲ್ಲಿ ಮೊಹಮದ್ ಅನಾಸ್ ಇಮ್ರಾನ್ ಬೇಗ್ ಹಾಗೂ ಕ್ವಿಮ್ಸಿ ಜೋಕಿಮ್ ಕ್ವಾರ್ಟರ್ ಫೈನಲ್ ಸೋತರೂ, ಕಂಚಿನ ಪದಕಕ್ಕಾಗಿ ರೆಪಷಾಷ್ನಲ್ಲಿ ಆಡುವ ಅರ್ಹತೆ ಪಡೆದಿದೆ. 2022ರಲ್ಲಿ ಟೆಕ್ಬಾಲ್ ಕ್ರೀಡೆ ಆಯ್ಕೆ ಮಾಡಿಕೊಂಡ ಫುಟ್ಬಾಲ್ ಮಾಜಿ ಆಟಗಾರ್ತಿ ಆಗಿರುವ ಕ್ವಿಮ್ಸಿ ಜೋಕಿಮ್ 7 ಬಾರಿ ರಾಷ್ಟ್ರೀಯ ಚಾಂಪಿಯನ್ ಎನಿಸಿದ್ದು, ವಿಶ್ವ ರ್ಯಾಂಕಿಂಗ್ನಲ್ಲಿ 24ನೇ ಸ್ಥಾನವೂ ಸಂಪಾದಿಸಿದ್ದಾರೆ. ಟೆಕ್ಬಾಲ್ ಆಟವೂ ಫುಟ್ಬಾಲ್ ಮತ್ತು ಟೇಬಲ್ ಟೆನಿಸ್ನ ಸಮ್ಮಿಶ್ರಣವಾಗಿದ್ದು, ಕೈಗಳು ಮತ್ತು ತೋಳುಗಳನ್ನು ಹೊರತುಪಡಿಸಿ ದೇಹದ ಇತರ ಭಾಗಗಳ ಸಹಾಯದೊಂದಿಗೆ ಆಡಬಹುದಾಗಿದೆ.
