ಟೆಕ್ ಮಹೀಂದ್ರಾ ಹಾಗೂ ಫಿಡೆ ಜಂಟಿಯಾಗಿ ಉದ್ಯಾನ ನಗರಿಯಲ್ಲಿ ಆಯೋಜಿಸಿರುವ ರ್ಯಾಪಿಡ್ ಚೆಸ್ ಲೀಗ್ನ 8ನೇ ದಿನವಾದ ಶನಿವಾರದ ಮೊದಲ ಪಂದ್ಯದಲ್ಲಿ ಎರಡು ಬಾರಿಯ ಚಾಂಪಿಯನ್ ತ್ರಿವೇಣಿ ಕಾಂಟಿನೆಂಟಲ್ ಕಿಂಗ್ಸ್ 11-6 ರಿಂದ ಅಲ್ಪೈನ್ ಪೈಪರ್ಸ್ಗೆ ಸೋಲುಣಿಸಿತು. ವಿಶ್ವ ನಂ.1 ಮ್ಯಾಗ್ನಸ್ ಕಾರ್ಲ್ಸೆನ್ಗೆ ಅಲೆರೆಜಾ ಫಿರೋಜಾ ಶಾಕ್ ನೀಡಿದರೆ, ವಿದಿತ್ ಗುಜರಾತಿ, ಅರವಿಂದ ಚಿದಂಬರಂ ವಿರುದ್ಧ ಪರಾಭವಗೊಂಡರು. ಇದರೊಂದಿಗೆ ಅಲ್ಪೈನ್ ಪೈಪರ್ಸ್ (ಒಟ್ಟು 88 ಅಂಕ) 4 ಸೋಲಿನೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನ ಪಡೆಯಿತು. ನಂತರ ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ನೇತೃತ್ವದ ಪಿಬಿಜಿ ಅಲಸ್ಕನ್ ನೈಟ್ಸ್ 9-7 ರಿಂದ ಅಗ್ರಸ್ಥಾನಿ ಗಂಗಾಸ್ ಗ್ರಾಂಡ್ ಮಾಸ್ಟರ್ಸ್ (95 ಅಂಕ) ಎದುರು ಗೆಲುವು ಒಲಿಸಿಕೊಂಡಿತು.
