ಭಾರತ-ಅಫ್ಘಾನಿಸ್ತಾನ ಟಿ20 ಸರಣಿ; ಪಾಕಿಸ್ತಾನದ ಕಂಪನಿಗೆ ವಾಣಿಜ್ಯ ಹಕ್ಕು!

ನವದೆಹಲಿ: ಭಾರತ ತಂಡ ಸೆಪ್ಟೆಂಬರ್​ 13ರಿಂದ ಅಫ್ಘಾನಿಸ್ತಾನದ ಆತಿಥ್ಯದಲ್ಲಿ ನವದೆಹಲಿಯಲ್ಲಿ ಆಡಲಿರುವ 3 ಪಂದ್ಯಗಳ ಟಿ20 ಸರಣಿಯ (

india vs afghanistan t20 series

) ಟಿವಿ ಪ್ರಸಾರ ನಿರ್ಮಾಣ ಮತ್ತು ವಾಣಿಜ್ಯ ಹಕ್ಕುಗಳನ್ನು ಪಾಕಿಸ್ತಾನ ಮೂಲದ ಟ್ರಾನ್ಸ್​ ಗ್ರೂಪ್​ಗೆ ನೀಡಲಾಗಿದೆ. ಭಾರತದಲ್ಲಿ ನಡೆಯುವ ಸರಣಿಯೊಂದರ ಹಕ್ಕನ್ನು ಪಾಕ್​ ಕಂಪನಿಗೆ ನೀಡಿರುವುದು ಇದೀಗ ವಿವಾದಕ್ಕೀಡಾಗಿದೆ.

ಟ್ರಾನ್ಸ್​ ಗ್ರೂಪ್​ ಕಂಪನಿಯು ಪಾಕಿಸ್ತಾನ ಸೂಪರ್​ ಲೀಗ್​ ಮತ್ತು ಪಾಕಿಸ್ತಾನ ಕ್ರಿಕೆಟ್​ ಮಂಡಳಿಯ (ಪಿಸಿಬಿ) ಜತೆಗೆ ನಿಕಟ ಸಂಪರ್ಕ ಹೊಂದಿದೆ. ಭಾರತ-ಆಫ್ಘನ್​ ಸರಣಿಯ ವಿಡಿಯೋ ಚಿತ್ರೀಕರಣದ ಹೊಣೆಯನ್ನೂ ಈ ಕಂಪನಿಗೆ ವಹಿಸಲಾಗಿದೆ. ಜತೆಗೆ ಭಾರತದಿಂದ ಹೊರಗೆ ಪಂದ್ಯಗಳ ಪ್ರಸಾರ ಹಕ್ಕು ಕೂಡ ಪಡೆದುಕೊಂಡಿದೆ.

ಭಾರತದಲ್ಲಿ ಮಾತ್ರ ಫ್ಯಾನ್​ಕೋಡ್​ಗೆ ಪ್ರಸಾರ ಹಕ್ಕು ನೀಡಲಾಗಿದೆ. ಈ ಸರಣಿಯ ಆತಿಥ್ಯ ಅಫ್ಘಾನಿಸ್ತಾನ ಕ್ರಿಕೆಟ್​ ಮಂಡಳಿಯದ್ದಾಗಿದ್ದು, ಇದರಿಂದ ಬರುವ ಆದಾಯವೂ ಅದಕ್ಕೇ ಸೇರಲಿದೆ.