ಇನ್ನೆರೆಡು ಮ್ಯಾಚ್​ ಅಭಿಷೇಕ್​ ಒಲಿಂಪಿಕ್ಸ್​ಗೆ​​... ಸ್ಫೋಟಕ ಬ್ಯಾಟರ್​ ಮೇಲೆ ಇದೆಂಥಾ ಕೋಪ? ಈ ಹೋಲಿಕೆ ಏಕೆ? Abhishek Sharma

Abhishek Sharma: ಪ್ರಸ್ತುತ ನಡೆಯುತ್ತಿರುವ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಟೀಮ್ ಇಂಡಿಯಾ ಅದ್ಭುತ ಲಯ ಕಂಡುಕೊಂಡಿದೆ. ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಭರ್ಜರಿ ಜಯ ಸಾಧಿಸುವ ಮೂಲಕ ಗೆಲುವಿನ ಓಟ ಮುಂದುವರೆದಿದೆ. ಈಗಾಗಲೇ ಸೂಪರ್​ 8 ಹಂತಕ್ಕೆ ನೇರ ಪ್ರವೇಶ ಪಡೆದಿರುವ ಸೂರ್ಯಕುಮಾರ್ ಯಾದವ್ ಪಡೆಗೆ ಕಾಡುತ್ತಿರುವ ಚಿಂತೆಯೇ ಅಭಿಷೇಕ್ ಶರ್ಮ. ಇದು ಕೇವಲ ತಂಡಕ್ಕೆ ಮಾತ್ರವಲ್ಲ, ಅಪಾರ ಸಂಖ್ಯೆಯ ಕ್ರಿಕೆಟ್​ ಅಭಿಮಾನಿಗಳಿಗೂ ಕೂಡ.

ವಿಶ್ವಕಪ್ ಟೂರ್ನಿಯಲ್ಲಿ ಆಡಿದ ಮೂರು ಪಂದ್ಯಗಳಲ್ಲಿ ಮೂರು ಡಕ್​ಔಟ್​ ಆಗಿರುವ ಯುವ ಓಪನರ್​ ಅಭಿಷೇಕ್ ಶರ್ಮ, ಸದ್ಯ ಫ್ಲಾಪ್​ ಪ್ರದರ್ಶನದಿಂದ ಕ್ರಿಕೆಟ್​ ಪ್ರೇಮಿಗಳ ಭರವಸೆ, ವಿಶ್ವಾಸವನ್ನು ಕಳೆದುಕೊಂಡಿದ್ದಾರೆ. ಯುಎಸ್​ಎ, ಪಾಕಿಸ್ತಾನ ಮತ್ತು ನೆದರ್​ಲ್ಯಾಂಡ್ಸ್​ ವಿರುದ್ಧದ ಪಂದ್ಯಗಳಲ್ಲಿ ಒಂದೇ ಒಂದು ರನ್​ ಗಳಿಸದೆ ಪೆವಿಲಿಯನ್​ ಹಾದಿ ಹಿಡಿದ ಅಭಿಷೇಕ್​ ವಿರುದ್ಧ ಸದ್ಯ ವ್ಯಾಪಕ ಟ್ರೋಲ್​, ಟೀಕೆಗಳು ಸಾಮಾಜಿಕ ಜಾಲತಾಣವನ್ನು ಸುತ್ತುವರೆದಿವೆ.

ಟೀಮ್ ಇಂಡಿಯಾ ಪರ ಸ್ಫೋಟಕ ಇನ್ನಿಂಗ್ಸ್ ಆಡುವ ಸಾಮರ್ಥ್ಯವಿರುವ ಅದ್ಭುತ ಬ್ಯಾಟರ್​ ಎಂದೇ ಖ್ಯಾತಿ ಪಡೆದಿರುವ ಅಭಿಷೇಕ್ ಶರ್ಮ, ಕಳೆದ ಟೂರ್ನಿಗಳಲ್ಲಿ ತಮ್ಮ ಅಮೋಘ ಬ್ಯಾಟಿಂಗ್​ನಿಂದ ಹಲವು ದಾಖಲೆಗಳನ್ನು ಉಡೀಸ್​ ಮಾಡಿದರು. ಅದೇ ಭರವಸೆಯಲ್ಲಿ ಅವರಿಗೆ ಟಿ20 ವಿಶ್ವಕಪ್​ ತಂಡದಲ್ಲಿ ಸ್ಥಾನ ನೀಡಲಾಯಿತು. ಆದರೀಗ, ಮ್ಯಾನೇಜ್​ಮೆಂಟ್​ ಮತ್ತು ಅಭಿಮಾನಿಗಳು ಆಶಿಸಿದಂತೆ, ಊಹಿಸಿದಂತೆ ಯಾವುದೂ ನಡೆಯುವುದಿರುವುದೇ ಸದ್ಯ ಆಕ್ರೋಶಕ್ಕೆ ಕಾರಣವಾಗಿದೆ.

ಅಭಿಷೇಕ್​ ಹೆಸರು ಮತ್ತು ಫೋಟೋಗಳನ್ನು ಹಿಗ್ಗಾಮುಗ್ಗಾ ಟ್ರೋಲ್ ಮಾಡುತ್ತಿರುವ ನೆಟ್ಟಿಗರು, ಈಗಾಗಲೇ ಮೂರು ಪಂದ್ಯಗಳಲ್ಲಿ ಡಕ್​ಔಟ್ ಆಗಿರುವ ಶರ್ಮ, ಇನ್ನೊಂದು ಪಂದ್ಯದಲ್ಲಿ ಆಡಿ ಸಂಸ್ಥೆಗೆ ಬ್ರ್ಯಾಂಡ್​ ಅಂಬಾಸಿಡರ್​ ಆಗ್ತಾರೆ. ಅದೇ ಇನ್ನೆರಡು ಪಂದ್ಯ ಆಡಿದರೆ, ಒಲಿಂಪಿಕ್ಸ್​ಗೆ ರಾಯಭಾರಿಯಾಗುತ್ತಾರೆ ​ಎಂದು ಲೇವಡಿ ಮಾಡಿದ್ದಾರೆ. ಇದು ಇಲ್ಲಿಗೆ ನಿಂತಿಲ್ಲ. ಇನ್ನೂ ಅನೇಕರು, ತಮಗೆ ಅನಿಸಿದಂತೆಲ್ಲ ಸ್ಟಾರ್​ ಬ್ಯಾಟರ್​ನನ್ನು ಟ್ರೋಲ್​ ಮಾಡುತ್ತಿರುವುದು ನಿಜಕ್ಕೂ ಬೇಸರದ ಸಂಗತಿ. ಈ ಮಧ್ಯೆ, ಕೆಲವೇ ಕೆಲವರು ಮಾತ್ರ ಅವರು ಮುಂದಿನ ಮ್ಯಾಚ್​ನಲ್ಲಿ ಕಮ್​ಬ್ಯಾಕ್ ಮಾಡ್ತಾರೆ. ಸ್ಫೋಟಕ ಇನ್ನಿಂಗ್ಸ್ ನೀಡುತ್ತಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).